Jeremías 6:8 - Li Santil hu

⁸ Qꞌuehomak e̱chꞌo̱l chi cua̱nc saꞌ ti̱quilal la̱ex aj Jerusalén re nak la̱in incꞌaꞌ texincanab e̱junes, ut re ajcuiꞌ nak incꞌaꞌ tinsukꞌisi le̱ naꞌaj chokꞌ chaki chꞌochꞌ ut incꞌaꞌ chic teꞌcua̱nk cristian aran.

Q'eqchi Bible

⁸ Chik'ajq aawu, a Jerusalén; mare anchal tatinkanab' aajunes, jo'kaqat li chaqich'och'; chi maajun chik aapoyanamil tatkanaaq”.

Jeremías 6:8 ပူးပေါင်းရင်းမြစ်များ

Oseas 9:12

Ut cui ta teꞌni̱nka̱nk li ralal xcꞌajol, la̱in tebinmakꞌ chiruheb. Tokꞌobak ruheb nak tebincanab la̱in, chan li Ka̱cuaꞌ.

Ezequiel 23:18

Chiruheb chixjunileb lix Aholiba quixmux rib ut quixtꞌusub rib. Joꞌcan nak la̱in quinjoskꞌoꞌ riqꞌuin joꞌ nak quinjoskꞌoꞌ riqꞌuin lix Ahola li ras ut quintzꞌekta̱na.

Jeremías 17:23

Abanan eb aꞌan incꞌaꞌ queꞌraj rabinquil li cꞌaꞌru quinye reheb. Queꞌxcacuubresi ban xchꞌo̱leb ut incꞌaꞌ queꞌxcꞌul lix kꞌusbaleb li quinqꞌue.

Sofonías 3:7

Li Ka̱cuaꞌ quixye: —Saꞌ inchꞌo̱l la̱in nak riqꞌuin aꞌin tineꞌxxucua laj Jerusalén ut teꞌxcꞌul lix kꞌusbaleb li xinqꞌue, re nak incꞌaꞌ tinsach ru lix tenamiteb. Abanan kꞌaxal cuiꞌchic queꞌxba̱nu li ma̱usilal.

Jeremías 32:33

Xineꞌxtzꞌekta̱na xban nak incꞌaꞌ queꞌraj rabinquil lix kꞌusbaleb. La̱in rajlal xincꞌut lix ya̱lal chiruheb, abanan incꞌaꞌ queꞌabin chicuu.

Salmos 50:17

Incꞌaꞌ nacuulac che̱ru nak nequexinkꞌus chi moco nequeqꞌue xcuanquil li cua̱tin.

Jeremías 31:19

Nak ac xatkatzꞌekta̱na xkacꞌoxla nak incꞌaꞌ us xkaba̱nu ut xkajal kacꞌaꞌux. Nak ac xoa̱qꞌue chixtojbal kama̱c, xkatacuasi kib xban xrahil kachꞌo̱l. Xuta̱nal xkacꞌul xban li ma̱usilal xkaba̱nu saꞌ kasa̱jilal.”

Jeremías 9:11

Li Ka̱cuaꞌ quixye: —La̱in tinsach ru li tenamit Jerusalén. Jucꞌbil chic ta̱cana̱k chixjunil. Ta̱cana̱k chokꞌ xnaꞌajeb laj xoj. Chanchan chaki chꞌochꞌ teꞌcana̱k eb li tenamit li cuanqueb Judá. Ma̱ ani chic ta̱ru̱k ta̱cua̱nk saꞌ li naꞌajej aꞌan, chan li Ka̱cuaꞌ.

Jeremías 7:34

La̱in tincuisi li sahil chꞌo̱lej saꞌ eb li tenamit li cuanqueb Judá joꞌ ajcuiꞌ saꞌ li tenamit Jerusalén. Incꞌaꞌ chic ta̱abi̱k xbicheb li tenamit nak saheb saꞌ xchꞌo̱leb. Ma̱cꞌaꞌak chic li ninkꞌe saꞌ eb li tenamit chi moco ta̱cua̱nk chic sumla̱c. Eb li tenamit teꞌcana̱k chi ma̱cꞌaꞌ chic cuan chi saꞌ joꞌ li chaki chꞌochꞌ.—

Jeremías 7:20

Joꞌcan nak la̱in li Ka̱cuaꞌ Dios tincuisi lin joskꞌil saꞌ xbe̱n li naꞌajej aꞌin. Tincuisi lin joskꞌil saꞌ xbe̱neb li cristian ut eb li xul joꞌ ajcuiꞌ saꞌ xbe̱neb li cheꞌ ut li acui̱mk. Lin joskꞌil chanchanak jun li xam li incꞌaꞌ naru xchupbal.—

Jeremías 4:14

La̱ex aj Jerusalén, canabomak xba̱nunquil li ma̱usilal re nak naru texcolekꞌ. ¿Joꞌ najtil chic toj yo̱kex xcꞌoxlanquil xba̱nunquil li ma̱usilal?

Jeremías 2:15

Chanchan nak nequeꞌxjap re li cakcoj xban xjoskꞌileb nak queꞌchal li jalan tenamit chixrahobtesinquileb laj Israel. Queꞌxsach ru li racui̱mkeb ut queꞌxcꞌat lix tenamiteb. Quicana chi ma̱cꞌaꞌ cuan chi saꞌ.

Proverbios 4:13

Cheqꞌuehak saꞌ e̱chꞌo̱l le̱ naꞌleb li yo̱quin chixqꞌuebal. Ut me̱canab xba̱nunquil li us, xban nak riqꞌuin aꞌan nacuan le̱ yuꞌam chi junelic.

Salmos 94:12

At Ka̱cuaꞌ, us xak reheb li nequeꞌxqꞌue saꞌ xchꞌo̱leb lix kꞌusbal nacaqꞌue. Us xak reheb li nacacꞌut lix ya̱lal la̱ chakꞌrab chiruheb.

Salmos 2:10

Anakcuan ut ex rey, checꞌoxla li cꞌaꞌru te̱ba̱nu ut qꞌuehomak retal li naꞌleb aꞌin, la̱ex li cuan e̱cuanquil saꞌ ruchichꞌochꞌ.

Deuteronomio 32:29

Us raj cui cuan xnaꞌlebeb. Us raj nak teꞌxqꞌue retal li raylal li teꞌxcꞌul. Ut us raj ajcuiꞌ cui teꞌxqꞌue retal chanru nak teꞌosokꞌ.

Levítico 26:34

Ut li chꞌochꞌ ta̱sahokꞌ xchꞌo̱l chi hila̱nc chixjunil li chihab nak cua̱nkex chak saꞌ xtenamiteb li xicꞌ nequeꞌiloc e̱re. Li chꞌochꞌ aꞌin ta̱hila̱nk.

Jeremías 7:28

La̱at ta̱ye reheb: La̱ex aj Israel, la̱ex jun li tenamit li incꞌaꞌ xeba̱nu li cꞌaꞌru xye e̱re li Ka̱cuaꞌ. Incꞌaꞌ xecꞌu̱luban le̱ kꞌusbal xqꞌue e̱re li Ka̱cuaꞌ le̱ Dios. Incꞌaꞌ nequexcuan saꞌ xya̱lal, chi moco nequeye li ya̱l.

Proverbios 19:20

Kꞌaxal us nak te̱cꞌu̱luban le̱ naꞌleb li ta̱qꞌuehekꞌ e̱re ut te̱qꞌue saꞌ e̱chꞌo̱l le̱ kꞌusbal. Chi joꞌcan cua̱nk e̱naꞌleb toj saꞌ e̱ti̱xilal.

Oseas 2:5

xban nak eb aꞌan ralal xcꞌajol li ixk li incꞌaꞌ naxuta̱nac xba̱nunquil li ma̱usilal. Li ixk aꞌan quixye: —La̱in tinxic riqꞌuineb li cui̱nk li nequeꞌqꞌuehoc cue lin cua cuucꞌa, li nequeꞌqꞌuehoc cue li cha̱bil tꞌicr lana ut lino joꞌ ajcuiꞌ li vino ut li aceite olivo, chan.