Jeremías 6:7 - Li Santil hu

⁷ Incꞌaꞌ nequeꞌxcanab xba̱nunquil li ma̱usilal. Chanchaneb jun li jul haꞌ li incꞌaꞌ nachakic. Caꞌaj cuiꞌ li rahobtesi̱nc ut li elkꞌa̱c na-abi̱c resil. Junes raylal ut yajel nacuan saꞌ li tenamit aꞌan.

Q'eqchi Bible

⁷ Jo' naq nayo'laak li ha' sa' junaq jul, jo'kan ajwi' naq na'elk chaq li maa'usilal Jerusalén. Sa' li tenamit a'an ka'ajwi' li rahilal ut li elq'ak na'ab'imank resil; junes raaxiik' ut rahil ch'oolej nawil junelik.

Jeremías 6:7 ပူးပေါင်းရင်းမြစ်များ

Ezequiel 7:23

Ta̱cauresi junak li cadena retalil nak texchapekꞌ xban nak li naꞌajej aꞌin numtajenak chi ma̱usilal ut camsi̱nc. Li tenamit junes rahobtesi̱nc nequeꞌxcꞌoxla.

Ezequiel 7:11

Xnumta li ma̱usilal ut xban nak cuan nabal li ma̱usilal xnumta li rahobtesi̱nc. Ma̱ jun e̱re teꞌcolekꞌ, usta cuanqueb xbiomal ut usta ni̱nkeb xcuanquil. Telajeꞌosokꞌ ban chixjunileb ut ma̱ ani chic ta̱ya̱bak xban nak chixjunileb teꞌosokꞌ.

Jeremías 20:8

Rajlal nak ninchꞌolob xya̱lal ninjap cue chixyebal reheb nak ta̱cha̱lk raylal saꞌ xbe̱neb ut ninye resil nak teꞌsachekꞌ ruheb. Xban xyebal la̱ cua̱tin, niquineꞌxhob ut niquineꞌxseꞌe rajlal cutan.

Isaías 57:20

Abanan eb li incꞌaꞌ useb xnaꞌleb incꞌaꞌ teꞌcua̱nk chi tuktu xchꞌo̱leb. Chanchanakeb li palau li yo̱ chi ecꞌa̱nc ru. Nasasoꞌ ru ut incꞌaꞌ natukla ru.

Ezequiel 24:7

Nabal li camsi̱nc qui-uxman saꞌ li tenamit ut lix quiqꞌueleb li queꞌcamsi̱c quihoyeꞌ saꞌ xbe̱n li pec. Incꞌaꞌ quihoyeꞌ saꞌ chꞌochꞌ re nak incꞌaꞌ ta̱sachk saꞌ li poks.

Proverbios 4:23

Cheqꞌuehak retal chi us li cꞌaꞌru te̱ba̱nu xban nak riqꞌuin xba̱nunquil li us ta̱cua̱nk e̱yuꞌam.

Isaías 59:6

Lix quem aj am ma̱cꞌaꞌ na-oc cuiꞌ. Moco naru ta nayi̱baman li tꞌicr riqꞌuin, chi moco naru ta nacꞌanjelac che̱ru re te̱tzꞌap e̱rib riqꞌuin. Joꞌcan ajcuiꞌ la̱ex. Ma̱cꞌaꞌ nequex-oc cuiꞌ. Junes ma̱usilal ut rahobtesi̱nc nequeba̱nu.

Jeremías 30:12

Li Ka̱cuaꞌ quixye reheb lix tenamit: —Li raylal li yo̱quex chixcꞌulbal chanchan jun li yocꞌol li ma̱cꞌaꞌ xbanol.

Jeremías 30:13

Ma̱ ani na-oquen che̱rix. Ma̱ ani nabanoc e̱re. Ut ma̱cꞌaꞌ junak ban ta̱banok re le̱ raylal.

Jeremías 32:31

Chalen nak quiticla chak xyi̱banquil li tenamit aꞌin ut toj chalen anakcuan junes xqꞌuebal injoskꞌil nequeꞌxba̱nu. Xban aꞌan tinsach ru li tenamit aꞌin.

Ezequiel 45:9

Li nimajcual Dios quixye: —La̱ex li nequextaklan saꞌ xbe̱neb lin tenamit Israel, tzꞌakal li rahobtesi̱nc li xeba̱nu. Canabomak xba̱nunquil li ma̱usilal. Cheba̱nu ban li us ut chexcua̱nk saꞌ ti̱quilal. Canabomak xmakꞌbal lix chꞌochꞌeb lin tenamit, chan.

Isaías 1:6

Ma̱cꞌaꞌ chic rusil le̱ tibel. Naticla chak le̱ raylal saꞌ le̱ rok ut toj saꞌ le̱ jolom. Chixjunil le̱ tibel cuan xtochꞌolal ut cuan xyocꞌolal. Teto̱queb chic ru le̱ tochꞌolal. Ut ma̱ ani nabanoc re chi moco naru nequeꞌxlan ru. Ut ma̱ ani naqꞌuehoc li aceite chiru le̱ ra re risinquil lix rahil.—

Jeremías 8:22

¿Ma ma̱cꞌaꞌ li ban aran Galaad? ¿Ma ma̱cꞌaꞌ junak aj banonel naru toxqꞌuirtesi? ¿Cꞌaꞌut nak incꞌaꞌ xo-usa? chan laj Jeremías.

Jeremías 30:15

¿Cꞌaꞌut nak nequejap e̱re xban li raylal li yo̱quex chixcꞌulbal? Ma̱cꞌaꞌ xbanol le̱ raylal. Xexinqꞌue chixcꞌulbal li raylal aꞌin xban nak numtajenak li ma̱c xeba̱nu. Kꞌaxal numtajenak le̱ ma̱usilal.

Ezequiel 21:29

Eb li visión li nequeril moco ya̱l ta ut li cꞌaꞌru nequekꞌehi ticꞌtiꞌ. Numtajenak le̱ ma̱usilal ut incꞌaꞌ us le̱ naꞌleb. Abanan cuulac re xkꞌehil nak te̱toj rix le̱ ma̱usilal nak texcamsi̱k chi chꞌi̱chꞌ.

Sofonías 3:1

Raylal ta̱cha̱lk saꞌ xbe̱n li tenamit Jerusalén xban nak xeꞌxkꞌetkꞌeti rib. Queꞌxba̱nu li incꞌaꞌ us joꞌ queꞌxba̱nu li jalan tenamit ut queꞌxrahobtesi li nebaꞌ.