Jeremías 6:6 - Li Santil hu

⁶ Aꞌan aꞌin li naxye li Ka̱cuaꞌ li nimajcual Dios reheb li teꞌcha̱lk chi pletic: —Yocꞌomak li cheꞌ ut yi̱bomak jun li takleba̱l re tex-oc chi pletic saꞌ li tenamit Jerusalén. Tento nak li cuanqueb Jerusalén teꞌqꞌuehekꞌ chixtojbal lix ma̱queb xban nak li tenamit aꞌan junes raylal nequeꞌxba̱nu.

Q'eqchi Bible

⁶ A'an a'in li kixye li Qaawa', li Nimajwal Yos, reheb' li awab'ej a'an: “Yok'omaq eb' li che' ut yiib'omaq eetaqleb'aal re naq tex'ok chi yalok rik'ineb' laj Jerusalén. Li tenamit xteneb'aak li rahilal sa' xb'een, xb'aan naq numtajenaq li rahob'tesink aran.

Jeremías 6:6 ပူးပေါင်းရင်းမြစ်များ

Jeremías 32:24

Qꞌue retal chanru nak yi̱banbil li takleba̱l re teꞌxchap cuiꞌ li tenamit. Xban li ple̱t ut xban li cueꞌej ut li caki yajel li tixcꞌul li tenamit aꞌin ta̱kꞌaxtesi̱k saꞌ rukꞌeb laj Babilonia. Li cꞌaꞌru caye yo̱ chi cꞌulma̱nc anakcuan joꞌ yo̱cat chirilbal.

San Lucas 19:43

Ta̱cuulak xkꞌehil nak eb li xicꞌ nequeꞌiloc e̱re teꞌcha̱lk chi pletic e̱riqꞌuin. Teꞌxsut rix le̱ tenamit. Teꞌxqꞌue ribeb chi xjun sutam le̱ tenamit ut la̱ex ma̱ bar chic ta̱ru̱k te̱col e̱rib.

Isaías 37:33

Li Ka̱cuaꞌ Dios naxye chi joꞌcaꞌin chirix lix reyeb laj Asiria, “Li cui̱nk aꞌan incꞌaꞌ ta̱oc saꞌ li tenamit Jerusalén chi pletic chi moco riqꞌuin tzimaj, chi moco riqꞌuin chꞌi̱chꞌ, chi moco tixyi̱b lix takleba̱l re ta̱oc saꞌ li tenamit.

Jeremías 22:17

Abanan li cꞌaꞌru nacacꞌoxla la̱at, caꞌaj cuiꞌ xra̱bal ru li cꞌaꞌak re ru ut li cꞌaꞌru nacacꞌul riqꞌuin balakꞌic. Nacarahobtesiheb li ma̱cꞌaꞌeb xma̱c ut nacacamsiheb, chan li Ka̱cuaꞌ.

Jeremías 32:31

Chalen nak quiticla chak xyi̱banquil li tenamit aꞌin ut toj chalen anakcuan junes xqꞌuebal injoskꞌil nequeꞌxba̱nu. Xban aꞌan tinsach ru li tenamit aꞌin.

Jeremías 33:4

Aꞌan aꞌin li ninye la̱in li Ka̱cuaꞌ, lix Dioseb laj Israel chirixeb li ochoch li cuanqueb Jerusalén ut chirixeb li palacio li cuanqueb Judá li teꞌjuqꞌuekꞌ ut teꞌsachekꞌ ru nak eb laj Babilonia teꞌcha̱lk chi pletic riqꞌuineb.

Ezequiel 4:2

Chirix aꞌan, ta̱yi̱b jun retalil li tzꞌac li sutsu cuiꞌ li tenamit ut ta̱yi̱b jun retalil li pletic. Ta̱yi̱b retalil li rok haꞌ ut retalil lix naꞌajeb li soldados ut ta̱yi̱b ajcuiꞌ retalil li ni̱nki cheꞌ li teꞌxtꞌan cuiꞌ li oqueba̱l re li tenamit.

Ezequiel 5:5

Joꞌcaꞌin xye li Ka̱cuaꞌ li nimajcual Dios: —La̱in xinxakaban re li nimla tenamit Jerusalén saꞌ xyi li xni̱nkal tenamit li cuanqueb chixjun sutam.

Daniel 11:15

Tojoꞌnak li rey li cuan saꞌ li norte tixchap jun li tenamit cau rib chi pletic ut tixsut saꞌ tzꞌac re xrambaleb. Ut incꞌaꞌ chic teꞌxcuy pletic li soldado re li sur, usta kꞌaxal cauhak ribeb.

Sofonías 3:1

Raylal ta̱cha̱lk saꞌ xbe̱n li tenamit Jerusalén xban nak xeꞌxkꞌetkꞌeti rib. Queꞌxba̱nu li incꞌaꞌ us joꞌ queꞌxba̱nu li jalan tenamit ut queꞌxrahobtesi li nebaꞌ.

Jeremías 5:9

¿Ma incꞌaꞌ ta biꞌ tinqꞌueheb chixtojbal lix ma̱queb li tenamit aꞌin xban li ma̱usilal li nequeꞌxba̱nu?

Jeremías 5:29

¿Ma tincanab ta biꞌ ya̱l chi joꞌcan li ma̱usilal nequeꞌxba̱nu? ¿Ma incꞌaꞌ ta biꞌ tinqꞌueheb chixtojbal xma̱queb?

Jeremías 20:8

Rajlal nak ninchꞌolob xya̱lal ninjap cue chixyebal reheb nak ta̱cha̱lk raylal saꞌ xbe̱neb ut ninye resil nak teꞌsachekꞌ ruheb. Xban xyebal la̱ cua̱tin, niquineꞌxhob ut niquineꞌxseꞌe rajlal cutan.

Jeremías 39:1

Yo̱ xlaje po re li xbele chihab roquic chokꞌ xreyeb laj Judá laj Sedequías nak quichal laj Nabucodonosor lix reyeb laj Babilonia rochbeneb lix soldados chi pletic riqꞌuineb laj Jerusalén ut queꞌxsut rix li tenamit.