Jeremías 6:26 - Li Santil hu

²⁶ Li Ka̱cuaꞌ quixye reheb: —Ex intenamit, qꞌuehomak li kꞌes ru tꞌicr che̱rix ut qꞌuehomak li cha che̱rix. Texya̱bak chi cau joꞌ nak naya̱bac junak li xcam ralal li jun ajcuiꞌ chiru. Texya̱bak xban nak ac cha̱lqueb re li ani teꞌsachok e̱re.

Q'eqchi Bible

²⁶ Ex intenamit, b'atomaq eerib' sa' q'es ruhil t'ikr ut tolk'osiiq eerib' sa' li cha. Japomaq eere chi yaab'ak, tz'uyinqex chi q'axal ra sa' leech'ool, jo' na'uxk tz'uyink chirix li alab'ej junaj chirib'il, xb'aan naq ak chi seeb' chaq li taasachoq qe.

Jeremías 6:26 ပူးပေါင်းရင်းမြစ်များ

Zacarías 12:10

—Ut la̱in tinjal xnaꞌlebeb li ralal xcꞌajol laj David joꞌqueb ajcuiꞌ chixjunileb li cuanqueb Jerusalén. Cha̱bilakeb chic ut junelic teꞌtijok. Ut nak teꞌril nak queꞌxnumsi li chꞌi̱chꞌ saꞌ lin tibel, teꞌyotꞌekꞌ xchꞌo̱leb ut teꞌya̱bak. Chanchanakeb li nequeꞌya̱bac chirix xcamic li ralal li jun ajcuiꞌ chiruheb. Malaj ut chanchanakeb li nequeꞌya̱bac chirix xcamic li xbe̱n alalbej.

Jeremías 4:8

Qꞌuehomak kꞌes ru tꞌicr che̱rix ut texya̱bak chi cau xban nak yo̱ xjoskꞌil li Dios saꞌ xbe̱neb laj Judá.

Santiago 5:1

Aꞌut anakcuan, ex biom, cherabihak li oc cue chixyebal. Chiyotꞌekꞌ e̱chꞌo̱l ut chexya̱bak xban li raylal cha̱lc re saꞌ e̱be̱n.

Santiago 4:9

Chirahokꞌ e̱chꞌo̱l, chiyotꞌekꞌ e̱chꞌo̱l ut chexya̱bak xban li ma̱usilal li nequeba̱nu. Ma̱cuaꞌ raj seꞌec nequeba̱nu; ya̱bac raj nequeba̱nu xban nak incꞌaꞌ us le̱ yehom e̱ba̱nuhom. Ut incꞌaꞌ raj nasahoꞌ saꞌ e̱chꞌo̱l. Narahoꞌ raj ban saꞌ e̱chꞌo̱l.

San Lucas 7:12

Nak yo̱ chi cuulac cuan cuiꞌ li oqueba̱l re li tenamit quiril nak nabaleb li cristian yo̱queb chi xic chixmukbal jun li camenak. Li camenak aꞌan xyum jun li xma̱lcaꞌan. Jun ajcuiꞌ chiru nak quicuan.

Amós 8:10

Le̱ ninkꞌe tinsukꞌisi chokꞌ rahil chꞌo̱lej. Chanchan li ani xcam e̱re. Ut tinsukꞌisi ajcuiꞌ le̱ bich chokꞌ ya̱bac. Te̱rocsi li tꞌicr kꞌes ru ut jobil le̱ jolom teꞌcana̱k nak te̱bes retalil li rahil chꞌo̱lejil. Nak texya̱bak chanchanakex li yo̱queb chi ya̱bac xban nak quicam li junaj chi ralal. Toj chalen nak tex-osokꞌ junes raylal te̱cꞌul.

Lamentaciones 4:10

Usta queꞌxra lix cocꞌaleb, cuanqueb li naꞌbej queꞌxchik lix cocꞌal re teꞌxtzaca saꞌ eb li cutan nak queꞌsacheꞌ ruheb li cuanqueb Jerusalén.

Lamentaciones 4:6

Kꞌaxal cuiꞌchic xnumta lix ma̱usilal lin tenamit chiru li ma̱usilal li queꞌxba̱nu eb laj Sodoma, li queꞌsacheꞌ ruheb saꞌ junpa̱t chi ma̱ ani quipletic riqꞌuineb.

Lamentaciones 4:3

Li ixki xoj naxqꞌueheb xtuꞌ li cocꞌ ral. Abanan eb lin tenamit moco joꞌcaneb ta. Kꞌaxal joskꞌeb ban. Chanchaneb li nimla joskꞌ aj xul avestruz xcꞌabaꞌ, li nacuan saꞌ li chaki chꞌochꞌ.

Lamentaciones 3:48

Li xyaꞌal cuu natꞌululnac saꞌ xnakꞌ cuu xban nak queꞌsacheꞌ ruheb lin tenamit.

Lamentaciones 2:11

Incꞌaꞌ chic sa nin-iloc xban li ya̱bac ninba̱nu. Nayotꞌeꞌ li cua̱m xban xrahil inchꞌo̱l xban nak queꞌsacheꞌ ruheb lin tenamit. Ut li cocꞌal nequeꞌcam saꞌ be xban xtzꞌocajiqueb.

Lamentaciones 1:16

Xban li raylal li yo̱co chixcꞌulbal, nocoya̱bac. Natꞌuluc xyaꞌal ku. Ma̱ ani nacꞌojoban kachꞌo̱l ut ma̱ ani naru naqꞌuehoc xcacuil kachꞌo̱l. Ut eb li kalal kacꞌajol xeꞌcana chi ma̱cꞌaꞌ chic cuan reheb xban nak eb li xicꞌ nequeꞌiloc ke xeꞌnumta saꞌ kabe̱n.

Lamentaciones 1:2

Cꞌajoꞌ nak nequeꞌya̱bac chiru kꞌojyi̱n li cuanqueb Jerusalén. Li xyaꞌal ruheb natꞌululnac saꞌ xnakꞌ ruheb. Saꞌ xya̱nkeb chixjunileb li nequeꞌrahoc reheb, ma̱ ani naru nacꞌojoban re xchꞌo̱leb. Xeꞌtzꞌekta̱na̱c xbaneb li rami̱gueb nak queꞌcuan ut xicꞌ chic nequeꞌileꞌ.

Jeremías 15:8

Nabaleb li xma̱lcaꞌan xeꞌcana̱c saꞌ li tenamit. Xeꞌxkꞌax xqꞌuial li samaib chire li palau. Xinqꞌueheb chi camsi̱c eb li sa̱j cui̱nk ut kꞌaxal ra saꞌ xchꞌo̱leb li naꞌbej. Chi ma̱cꞌaꞌ saꞌ xchꞌo̱leb xchal li raylal aꞌin saꞌ xbe̱n lix tenamiteb.

Jeremías 14:17

At Jeremías, ta̱ye reheb li tenamit chi joꞌcaꞌin, “Chi kꞌek chi cutan tinya̱bak chirixeb lin tenamit xban nak kꞌaxal ra cuanqueb. Incꞌaꞌ tincanab ya̱bac xban nak rahobtesinbileb.

Jeremías 13:17

Abanan cui incꞌaꞌ nequex-abin chiru, la̱in tinya̱bak chi mukmu xban le̱ kꞌetkꞌetil. Cau tinya̱bak toj retal nak ta̱tꞌuluk li xyaꞌal cuu xban nak lix tenamit li Dios teꞌchapekꞌ ut teꞌcꞌamekꞌ xbaneb li jalan tenamit.

Jeremías 12:12

Saꞌ eb li tzu̱l quilajeꞌchal li queꞌsachoc ru lin naꞌaj. La̱in quintaklaheb li xicꞌ nequeꞌiloc reheb chi pletic riqꞌuineb ut chixsachbal ru chixjunil li naꞌajej. Ma̱ ani chic ta̱cua̱nk chi tuktu xchꞌo̱l.

Jeremías 9:10

Laj Jeremías quixye: —La̱in tinya̱bak chirix li cꞌaꞌru quixcꞌul li tzu̱l ut li pachꞌayaꞌ. Xeꞌcana chi ma̱cꞌaꞌ chic cuan chiru ut ma̱ ani chic nanumeꞌ aran. Incꞌaꞌ chic nequeꞌabi̱c chi ya̱bac li cuacax. Queꞌe̱lelic li xul li nequeꞌrupupic chiru choxa. Ut queꞌe̱lelic ajcuiꞌ chixjunileb li joskꞌ aj xul, chan.

Jeremías 8:21

Xyotꞌeꞌ inchꞌo̱l xban nak xyotꞌeꞌ xchꞌo̱leb lin tenamit. Kꞌaxal ra saꞌ inchꞌo̱l. Yo̱ chi sachc innaꞌleb xban li raylal.

Jeremías 8:19

Chacuabi taxak lix ya̱beb lin tenamit li cuanqueb chi najt nak nequeꞌxye, “¿Ma ma̱cꞌaꞌ ta biꞌ li Ka̱cuaꞌ aran Sión? ¿Ma ma̱ ani chic lix reyeb aran?” chanqueb. Li Ka̱cuaꞌ quixye re: —¿Cꞌaꞌut nak queꞌxqꞌue injoskꞌil riqꞌuin xlokꞌoninquileb li jalanil dios? ¿Cꞌaꞌut nak nequeꞌxqꞌue xlokꞌal li yi̱banbil dios li ma̱cꞌaꞌ nequeꞌoc cuiꞌ? chan.

Jeremías 6:14

Chiruheb aꞌan moco nim ta li raylal li yo̱ chixcꞌulbal lin tenamit. Eb aꞌan nequeꞌxye nak ma̱cꞌaꞌ raylal. Nequeꞌxye nak cuan li tuktu̱quil usilal. Abanan ma̱cꞌaꞌ tuktu̱quil usilal.

Jeremías 4:20

Tojeꞌ ajcuiꞌ xkacꞌul jun li raylal ut xchal jun chic saꞌ kabe̱n. Xsacheꞌ ru chixjunil li kanaꞌaj. Saꞌ junpa̱t xeꞌsacheꞌ ruheb li kamuheba̱l. Ut eb li tꞌicr xeꞌpejeꞌ.

Jeremías 4:11

Ta̱cuulak xkꞌehil nak ta̱yehekꞌ reheb li tenamit aꞌin ut reheb laj Jerusalén chi joꞌcaꞌin: Chanchan jun li tikcual ikꞌ li ta̱cha̱lk saꞌ li chaki chꞌochꞌ. Ma̱cuaꞌ li kꞌunil ikꞌ li narisi rix li trigo.

Isaías 32:11

Chi-oc caꞌchꞌinak e̱xiu, ex ixk, li ma̱cꞌaꞌ nequecꞌoxla. Ut sicsotkex. Isihomak li cha̱bil tꞌicr che̱rix ut qꞌuehomak li kꞌes ru tꞌicr che̱rix retalil nak ra e̱chꞌo̱l.

Isaías 30:13

La̱ex cuan le̱ ma̱c. Chanchanex jun li tzꞌac najt xteram, jorol. Chi ma̱cꞌaꞌ saꞌ e̱chꞌo̱l ta̱tꞌanekꞌ.

Isaías 22:12

Saꞌ li cutan aꞌan li Ka̱cuaꞌ li nimajcual Dios quixye e̱re nak texya̱bak ut te̱yotꞌ e̱chꞌo̱l. Te̱qꞌue li kꞌes ru tꞌicr che̱rix ut te̱bes le̱ jolom.

Isaías 22:4

Joꞌcan nak la̱in ninye: —Canabomakin injunes. Oc cue chi ya̱bac xban xrahil inchꞌo̱l. Ut ma̱ ani tixbay rib chixcꞌojobanquil inchꞌo̱l xban nak lin tenamit teꞌsachekꞌ ru.—

Génesis 21:16

Ut lix Agar co̱ chi chunla̱c najt caꞌchꞌin riqꞌuin lix yum. Incꞌaꞌ quiraj rilbal nak ta̱ca̱mk. Chunchu aran lix Agar nak quirabi nak yo̱ chi ya̱bac lix yum.

Li xHu LAJ JOB 2:8

Ut laj Job co̱ chixchunubanquil rib saꞌ li cha. Quixchap jun peda̱s xcꞌaj ucꞌal ut riqꞌuin aꞌan quixjoch li rix.

Jeremías 9:1

Us raj cui lin jolom joꞌ jun li yuꞌam haꞌ ut li xnakꞌ cuu joꞌ li haꞌ li nabe̱c rok. Tinya̱bak raj chi kꞌek chi cutan chirixeb li cuech tenamitil li queꞌcamsi̱c.

Jeremías 18:22

Chataklaheb li xicꞌ nequeꞌiloc reheb chi pletic riqꞌuineb chi ma̱cꞌaꞌ saꞌ xchꞌo̱leb xban nak eb aꞌan xeꞌxbec li jul re intꞌanbal ut xeꞌxqꞌue li raꞌal re inchapbal. Japjo̱k ta reheb xban xxiuheb.

Lamentaciones 3:16

Chanchan nak quinixcut chiru chꞌochꞌ ut xeꞌtokeꞌ li ruch cue. Ut chanchan nak quinixtolcꞌosi saꞌ poks.

Jonás 3:6

Nak quicuulac resil riqꞌuin li rey li ta̱cꞌulma̱nk saꞌ li tenamit Nínive, li rey quicuacli saꞌ lix cꞌojariba̱l. Quirisi li cha̱bil akꞌ chirix ut quixqꞌue li tꞌicr kꞌes ru chirix ut quixchunub rib saꞌ cha.

Li xHu LAJ JOB 15:21

Yalak cꞌaꞌru narabi, naxucuac. Ut nak naxcꞌoxla nak sa saꞌ xchꞌo̱l, nequeꞌcuulac laj e̱lkꞌ chirelkꞌanquil li cꞌaꞌru reheb.

Isaías 3:24

Chokꞌ re̱kaj li sununquil ban ta̱cua̱nk xchuhil li camenak. Chokꞌ re̱kaj lix cꞌa̱mal xsaꞌ ta̱cua̱nk li cꞌa̱m. Chokꞌ re̱kaj li rismal jolom yi̱banbil chi cha̱bil, tꞌuruꞌak saꞌ lix jolomeb. Chokꞌ re̱kaj li cha̱bil akꞌej teꞌxqꞌue li kꞌes ru tꞌicr. Chokꞌ re̱kaj lix chꞌinaꞌusaleb, cꞌatalak lix tibeleb.

Jeremías 30:5

Li japoc e, retal li xucuac, yo̱ chi abi̱c. Ma̱cuaꞌ resil li tuktu̱quil usilal li yo̱ chi abi̱c.