Jeremías 6:22 - Li Santil hu

²² Li Ka̱cuaꞌ quixye: —Cuan jun li nimla tenamit cau rib saꞌ li norte ut yo̱ chak chi cauresinquil rib re ta̱cha̱lk chi pletic.

Q'eqchi Bible

²² Li Qaawa' kixye chi jo'ka'in: “Toj sa' xjayal releb'l iq' xkawresi chaq rib' jun tenamit q'axal kaw rib' chi yalok; jun xnimal tenamit xwakliik chaq sa' xmaril li ruuchich'och'.

Jeremías 6:22 ပူးပေါင်းရင်းမြစ်များ

Jeremías 10:22

Abihomak. Qꞌuehomak retal li esilal li yo̱ chak chi cha̱lc. Cꞌajoꞌ li choki̱nc saꞌ li nimla tenamit li cuan saꞌ li norte. Teꞌxsach ru chixjunileb li tenamit li cuanqueb Judá. Ta̱cana̱k chi ma̱cꞌaꞌ chic cuan chi saꞌ. Ta̱cana̱k chokꞌ xnaꞌaj laj xoj, chan laj Jeremías.

Jeremías 25:9

Joꞌcan nak la̱in tinbokeb chixjunileb li xni̱nkal ru tenamit li cuanqueb saꞌ li norte. Ta̱cha̱lk ajcuiꞌ rochbeneb laj Nabucodonosor lix reyeb laj Babilonia, li ta̱cꞌanjelak chicuu. La̱in tintaklaheb chi numta̱c saꞌ xbe̱neb li cuanqueb saꞌ li naꞌajej aꞌin, joꞌ eb ajcuiꞌ li tenamit li cuanqueb chi xjun sutam re nak tinsach ruheb chi junelic. Xiu xiu rilbal teꞌcana̱k ut teꞌseꞌe̱k.

Jeremías 6:1

La̱ex, li ralal xcꞌajol laj Benjamín, elenkex saꞌ li tenamit Jerusalén re xcolbal e̱rib. Ya̱basihomak le̱ trompeta aran Tecoa. Cꞌu̱bumak junak li xam saꞌ li naꞌajej Bet-haquerem chokꞌ retalil li nimla raylal ut li sachecꞌ li yo̱ chak chi cha̱lc saꞌ li norte.

Jeremías 5:15

Li Ka̱cuaꞌ quixye ajcuiꞌ reheb: —La̱in tintaklaheb li najtil tenamit chi pletic e̱riqꞌuin la̱ex li ralal xcꞌajol laj Israel. Aꞌaneb kꞌaxal cauheb rib chalen najter. La̱ex incꞌaꞌ nequenau li ra̱tinoba̱leb chi moco te̱tau ru li cꞌaꞌru teꞌxye.

Deuteronomio 28:49

Li Ka̱cuaꞌ tixcꞌameb chak chi najt eb li jalan xtenamit. La̱ex incꞌaꞌ te̱tau ru li ra̱tinoba̱leb. Chanchanakeb li xul tꞌiu nak teꞌcha̱lk chi junpa̱t chixsachbal e̱ru.

Nehemías 1:9

Abanan caye ajcuiꞌ nak cui tosukꞌi̱k cuiꞌchic a̱cuiqꞌuin ut cui takaba̱nu li cꞌaꞌru caye saꞌ la̱ chakꞌrab, toa̱cꞌam cuiꞌchic saꞌ li tenamit li casicꞌ ru chokꞌ a̱naꞌaj, usta ac chaꞌchaꞌinbil ku saꞌ eb li najtil tenamit.

Jeremías 4:6

Cꞌutumakeb li be li naxic Sión. Tex-e̱lelik chi junpa̱t re te̱col e̱rib xban nak saꞌ li norte ta̱cha̱lk chak li raylal li tixqꞌue li Ka̱cuaꞌ saꞌ e̱be̱n. Ta̱sachekꞌ ru chixjunil.

Jeremías 13:20

Ilomak ut qꞌuehomak retal li yo̱queb chi cha̱lc saꞌ li norte. ¿Bar cuanqueb li chꞌinaꞌusil tenamit li queꞌkꞌaxtesi̱c saꞌ e̱rukꞌ re te̱rileb?—

Jeremías 47:2

Li Ka̱cuaꞌ quixye: —Qꞌuehomak retal. Yo̱keb chak chi cha̱lc saꞌ li norte eb laj Babilonia chixsachbal ruheb laj filisteo. Chanchan nak nabutꞌin li nimaꞌ nak yo̱keb chi cha̱lc. Chanchan nak li butꞌ ta̱numekꞌ saꞌ eb li naꞌajej ut tixsach chixjunileb li tenamit joꞌ eb ajcuiꞌ li cuanqueb chi saꞌ. Eb li cristian japjo̱keb re chi ya̱bac xban li raylal ta̱cha̱lk saꞌ xbe̱neb.

Ezequiel 21:31

La̱ex te̱qꞌue retal nak la̱in tincuisi lin joskꞌil saꞌ e̱be̱n. Chanchan jun li xam li yo̱ che̱cꞌatbal. Texinkꞌaxtesi saꞌ rukꞌeb li cui̱nk li kꞌaxal joskꞌeb, li nequeꞌrahobtesin, ut teꞌxsach e̱ru.

Jeremías 4:16

Yehomak resil reheb li xni̱nkal ru tenamit ut reheb laj Jerusalén nak yo̱queb chak chi cha̱lc saꞌ najtil tenamit eb li xicꞌ nequeꞌiloc reheb. Teꞌxjap reheb nak teꞌoc chi pletic saꞌ eb li tenamit li cuanqueb Judá.

Jeremías 5:16

Chixjunileb li soldado aꞌan kꞌaxal cauheb rib ut nequeꞌxcamsiheb li nequeꞌxcut riqꞌuineb lix tzimaj.

Jeremías 25:32

Ut li Ka̱cuaꞌ quixye ajcuiꞌ nak ta̱cha̱lk raylal saꞌ xbe̱neb li junju̱nk chi xni̱nkal ru tenamit. Cꞌajoꞌ li raylal li teꞌxcꞌul chixjunileb li cuanqueb saꞌ ruchichꞌochꞌ. Chanchanak li ca̱k-sut-ikꞌ li nasachoc.

Jeremías 30:5

Li japoc e, retal li xucuac, yo̱ chi abi̱c. Ma̱cuaꞌ resil li tuktu̱quil usilal li yo̱ chi abi̱c.

Ezequiel 23:22

Joꞌcan ut at Aholiba, joꞌcaꞌin xye li nimajcual Dios a̱cue: —Usta xacanabeb li cui̱nk aꞌan, ut usta incꞌaꞌ chic nacacuaj ruheb, abanan la̱in tintaklaheb a̱cuiqꞌuin. Tateꞌxsut ut xicꞌ chic tateꞌril.

Habacuc 1:6

Qꞌuehomak retal, la̱in oc cue chixtaklanquileb laj Caldea, li joskꞌ aj tenamit, li incꞌaꞌ nequeꞌelajic. Eb aꞌan teꞌxsuti li ruchichꞌochꞌ chixmakꞌbal li naꞌajej li jalan aj e.