Jeremías 6:16 - Li Santil hu

¹⁶ Li Ka̱cuaꞌ quixye reheb lix tenamit: —Xaklinkex saꞌ xa̱la be ut qꞌuehomak retal. Patzꞌomak bar cuan li be re najter ut bar cuan li cha̱bil be. Texxic saꞌ li cha̱bil be ut te̱tau li tuktu̱quil usilal, chan li Dios. Abanan eb aꞌan queꞌxye: —Incꞌaꞌ nakaj xsicꞌbal li be aꞌan, chanqueb.

Q'eqchi Bible

¹⁶ Jo'ka'in kixye li Qaawa': “Xaqlinqex sa'atqeb' li b'e ut ilonqex, patz'omaq chirixeb' li najter b'e b'ar wank li b'e chaab'il; a'an li b'e teek'am re naq sa chik texwanq”. A'ut eb' a'an ke'xye: “Ink'a' naqaj xik sa' li b'e a'an”, chankeb'.

Jeremías 6:16 ပူးပေါင်းရင်းမြစ်များ

Isaías 30:21

Cui la̱ex te̱raj xba̱nunquil li incꞌaꞌ us, te̱rabi nak li Ka̱cuaꞌ ta̱a̱tinak chak che̱rix ut tixye e̱re: —Me̱ba̱nu li incꞌaꞌ us. Ba̱nuhomak ban li ti̱quilal, chaꞌak e̱re.

Jeremías 18:15

Li Ka̱cuaꞌ quixye: —Abanan eb lin tenamit xineꞌxtzꞌekta̱na. Incꞌaꞌ chic niquineꞌxlokꞌoni. Aꞌ chic li jalanil dios nequeꞌxlokꞌoni ut nequeꞌxcꞌat li pom chiru. Queꞌxcanab xba̱nunquil li ti̱quilal li queꞌxba̱nu junxil. Junes chic li incꞌaꞌ us nequeꞌxba̱nu.

Deuteronomio 32:7

Chijulticokꞌ e̱re cꞌaꞌru quicꞌulman junxil. Ut cꞌoxlankex chirixeb li chihab li ac xelajeꞌnumeꞌ. Ut patzꞌomak reheb le̱ yucuaꞌ. Aꞌan teꞌxye e̱re lix ya̱lal. Ut eb li ti̱xil cui̱nk teꞌxserakꞌi e̱re cꞌaꞌru quicꞌulman.

Jeremías 7:23

Li cꞌaꞌru quinchakꞌrabiheb cuiꞌ chak junxil, aꞌan aꞌin: te̱ba̱nu li cꞌaꞌru ninye ut la̱inak le̱ Dios ut la̱exak lin tenamit. Chexcua̱nk joꞌ ninye e̱re re nak us tex-e̱lk, chanquin reheb.

Colosenses 2:6

La̱ex xepa̱b li Cristo ut aꞌan chic yal re saꞌ e̱be̱n. Joꞌcan nak junajakex taxak riqꞌuin li Cristo, ut texcua̱nk joꞌ naraj aꞌan.

Isaías 2:5

Abihomak ex ralal xcꞌajol laj Jacob. Chocua̱nk saꞌ xcutan xsaken li Ka̱cuaꞌ li nimajcual Dios.

San Juan 12:35

Quichakꞌoc li Jesús ut quixye reheb: —La̱in li cutan saken. Xinchal chixchꞌolobanquil lix ya̱lal che̱ru. Toj tincua̱nk chic caꞌchꞌinak saꞌ e̱ya̱nk. Joꞌcan nak qꞌuehomak e̱chꞌo̱l chinpa̱banquil nak toj cuanquin saꞌ e̱ya̱nk re nak incꞌaꞌ texcua̱nk saꞌ xkꞌojyi̱nal ru li ma̱c. Li ani nacuan saꞌ xkꞌojyi̱nal ru li ma̱c incꞌaꞌ naxnau bar yo̱ chi xic.

Jeremías 18:12

Abanan eb aꞌan teꞌxye, “Ma̱cꞌaꞌ na-oc cuiꞌ li cꞌaꞌru yo̱cat chixyebal. Takaba̱nu cꞌaꞌru nakaj la̱o. Takaba̱nu li ma̱usilal li nakacꞌoxla xba̱nunquil,” chaꞌakeb.

Jeremías 22:21

La̱in quinyal inkꞌe chixqꞌuebal e̱naꞌleb nak toj sa cuanquex. Abanan la̱ex incꞌaꞌ queraj rabinquil li cꞌaꞌru quinye. Joꞌcan le̱ naꞌleb chalen saꞌ e̱sa̱jilal. Incꞌaꞌ quex-abin chicuu.

Jeremías 44:16

—La̱o incꞌaꞌ takaba̱nu li cꞌaꞌru xaye ke saꞌ xcꞌabaꞌ li Dios.

Hebreos 11:2

Li Dios quisahoꞌ xchꞌo̱l riqꞌuineb li kaxeꞌto̱nil yucuaꞌ xban nak queꞌpa̱ban.

San Juan 13:17

Ac nequenau chic xya̱lal. Us xak e̱re cui la̱ex te̱ba̱nu li cꞌaꞌru xetzol cuiqꞌuin.

Malaquías 4:4

Misach saꞌ e̱chꞌo̱l li chakꞌrab li quinqꞌue re laj Moisés laj cꞌanjel chicuu saꞌ xbe̱n li tzu̱l Horeb li quinqꞌue e̱re che̱junilex la̱ex aj Israel.

Hebreos 6:12

Incꞌaꞌ nakaj nak te̱cuiba e̱chꞌo̱l. Cheba̱nu ban joꞌ nequeꞌxba̱nu li nequeꞌpa̱ban chi anchal xchꞌo̱l. Incꞌaꞌ nequeꞌtitzꞌ. Nequeꞌxcuy ut nequeꞌre̱chani li yechiꞌinbil xban li Dios.

Isaías 8:20

Tzolomak li cꞌaꞌru naxye saꞌ lix chakꞌrab li Dios. Cui incꞌaꞌ nequeꞌxye e̱re chi tzꞌakal li cꞌaꞌru cuan saꞌ li chakꞌrab, aꞌan xban nak toj ma̱jiꞌ nequeꞌxtau lix ya̱lal.

San Lucas 16:29

Laj Abraham quixye re: “Cuan riqꞌuineb li hu li tzꞌi̱banbil xban laj Moisés, ut eb li profeta. Cheꞌxqꞌuehak retal li cꞌaꞌru tzꞌi̱banbil saꞌ li hu aꞌan,” chan.

Isaías 28:12

Li Dios quixye reheb: —Aꞌan aꞌin li naꞌajej li texhila̱nk cuiꞌ. Arin ta̱sahokꞌ e̱chꞌo̱l, chan. Abanan, eb aꞌan incꞌaꞌ queꞌabin chiru.

San Juan 5:39

La̱ex nequeqꞌue e̱chꞌo̱l chixtzolbal xsaꞌ li Santil Hu. La̱ex nequecꞌoxla nak aran te̱tau chanru ta̱cua̱nk le̱ yuꞌam chi junelic. Abanan incꞌaꞌ nequeqꞌue retal nak li Santil Hu aꞌan naxchꞌolob ajcuiꞌ lix ya̱lal chicuix la̱in.

Hechos 17:11

Eb li cuanqueb aran Berea kꞌaxal kꞌuneb xchꞌo̱l chiruheb li cuanqueb Tesalónica. Queꞌxcꞌul chi sa saꞌ xchꞌo̱leb li ra̱tin li Dios li yo̱ chixyebal laj Pablo. Ut rajlal cutan queꞌxtzol saꞌ li Santil Hu re rilbal ma joꞌcan tana naxye.

Romanos 4:12

Ut laj Abraham xyucuaꞌeb ajcuiꞌ li queꞌxcꞌul li circuncisión. Ma̱cuaꞌ caꞌaj cuiꞌ xban nak queꞌxcꞌul li circuncisión. Xyucuaꞌeb aj ban cuiꞌ xban nak queꞌxpa̱b li Dios joꞌ nak quixpa̱b li Dios laj Abraham nak toj ma̱jiꞌ naxcꞌul li circuncisión.

Jeremías 2:25

La̱ex aj Israel, la̱in xinye e̱re, “me̱tacuasi e̱rib chixsicꞌbal li jalanil dios toj retal nak ta̱chakik e̱re”. Abanan la̱ex xeye, “Ma̱cꞌaꞌ xjalenquil. La̱o nakara li jalanil dios ut aꞌan li takalokꞌoni”, chanquex.

1 Reyes 8:36

La̱at, at Ka̱cuaꞌ, toj saꞌ choxa ta̱cuabi lix tijeb ut ta̱cuyeb xma̱queb laj Israel li nequeꞌcꞌanjelac cha̱cuu. Ta̱cꞌut chiruheb chanru nak teꞌcua̱nk saꞌ xya̱lal ut ta̱takla cuiꞌchic li hab saꞌ xbe̱n li chꞌochꞌ li caqꞌue reheb la̱ tenamit.

Salmos 116:7

Chicacuu̱k ta inchꞌo̱l xban nak li Dios quiruxta̱na cuu.

Jeremías 12:16

Ya̱l nak eb aꞌan queꞌcꞌamoc be chiruheb lin tenamit chixlokꞌoninquil li yi̱banbil dios Baal. Abanan naru teꞌcua̱nk saꞌ xya̱nkeb lin tenamit cui teꞌxqꞌue inlokꞌal joꞌ nequeꞌxba̱nu lin tenamit ut cui teꞌxba̱nu li juramento saꞌ incꞌabaꞌ la̱in li yoꞌyo̱quil Dios.

Jeremías 31:21

Qꞌuehomak retalil li be li quexnumeꞌ cuiꞌ nak quexco̱ex. Qꞌuehomak retal chi us. Sukꞌinkex cuiꞌchic saꞌ le̱ naꞌaj, ex tukꞌ ixk aj Israel.

Jeremías 42:3

Chatzꞌa̱ma chiru li Dios nak aꞌan tixcꞌut chiku cꞌaꞌru takaba̱nu ut tixcꞌut ajcuiꞌ chiku bar toxic, chanqueb.

Jeremías 50:5

Teꞌxpatzꞌ bar cuan li be li naxic Sión ut aran teꞌxic. Ut teꞌxye, “Cha̱lkex ut takacꞌam cuiꞌchic kib saꞌ usilal riqꞌuin li Ka̱cuaꞌ. Takaba̱nu jun li contrato riqꞌuin li Ka̱cuaꞌ chi junelic re nak incꞌaꞌ ta̱sachk saꞌ kachꞌo̱l,” chaꞌakeb.

Jueces 2:17

Abanan eb laj Israel incꞌaꞌ ajcuiꞌ queꞌabin chiruheb laj rakol a̱tin. Toj yo̱queb ajcuiꞌ chixlokꞌoninquil li jalanil dios. Eb aꞌan incꞌaꞌ queꞌxba̱nu li naxye lix chakꞌrab li Ka̱cuaꞌ joꞌ queꞌxba̱nu chak lix xeꞌto̱nil yucuaꞌeb najter.

2 Crónicas 19:11

Laj Amarías li xbe̱nil aj tij, aꞌan li ta̱cꞌamok be che̱ru nak yo̱kex chi cꞌanjelac chiru li Ka̱cuaꞌ. Laj Zebadías li ralal laj Ismael, aꞌan li nataklan saꞌ xbe̱neb laj Judá. Aꞌan ta̱cꞌamok be che̱ru nak yo̱kex chi cꞌanjelac chiru li rey. Ut eb laj levita teꞌtenkꞌa̱nk e̱re. Cauhak taxak e̱chꞌo̱l chi cꞌanjelac. Li Ka̱cuaꞌ ta̱cua̱nk riqꞌuineb li nequeꞌxba̱nu li us, chan laj Josafat.

Isaías 46:9

Chijulticokꞌ e̱re li cꞌaꞌru quicꞌulman najter kꞌe cutan. La̱in li Dios. Ma̱ jun chic dios cuan. Caꞌaj cuiꞌ la̱in ut ma̱ ani juntakꞌe̱t cuiqꞌuin.

Isaías 57:2

Eb li nequeꞌxba̱nu li ti̱quilal nequeꞌxic chi hila̱nc saꞌ tuktu̱quil usilal nak nequeꞌcam.

Jeremías 7:3

Joꞌcaꞌin xye e̱re li nimajcual Dios, lix Dioseb laj Israel: “Jalomak le̱ cꞌaꞌux ut jalomak le̱ naꞌleb re nak naru texincanab chi cua̱nc saꞌ li naꞌajej aꞌin.

Jeremías 7:24

Abanan eb aꞌan incꞌaꞌ queꞌraj xba̱nunquil li cꞌaꞌru quinye. Queꞌxcacuubresi ban lix chꞌo̱leb. Queꞌxba̱nu li ma̱usilal li queꞌraj xba̱nunquil xjuneseb. Incꞌaꞌ queꞌabin chicuu. Kꞌaxal cuiꞌchic nabal li ma̱usilal queꞌxba̱nu.