Jeremías 6:12 - Li Santil hu

¹² Eb li rochoch ta̱cana̱k chokꞌ reheb jalan chic, joꞌ ajcuiꞌ lix chꞌochꞌeb ut eb li rixakil. Joꞌcaꞌin teꞌxcꞌul xban nak la̱in tinqꞌueheb chixtojbal lix ma̱queb li cuanqueb saꞌ li naꞌajej aꞌin.

Q'eqchi Bible

¹² Eb' li rochocheb', li xk'aleb'aaleb' ut li rixaqileb' jalan chik taa'eechaninq reheb', naq tintaqla chaq li nimla rahilal re xrahob'tesinkileb' li wankeb' sa' li na'ajej a'in -chan li Qaawa' Yos-.

Jeremías 6:12 ပူးပေါင်းရင်းမြစ်များ

Jeremías 8:10

Joꞌcan nak la̱in tinqꞌueheb li rixakil reheb jalan cui̱nk. Ut lix naꞌajeb li racui̱mk tinqꞌue reheb li teꞌchapok re lix tenamiteb xban nak junes lix biomal nequeꞌxcꞌoxla li cuanqueb xcuanquil joꞌ eb ajcuiꞌ li ma̱cꞌaꞌeb xcuanquil. Eb li profeta ut eb laj tij nequeꞌbalakꞌic.

Isaías 5:25

Joꞌcan nak li Ka̱cuaꞌ Dios xjoskꞌoꞌ saꞌ e̱be̱n la̱ex lix tenamit ut xqꞌueheb chixtojbal lix ma̱queb. Eb li tzu̱l xeꞌecꞌan saꞌ xnaꞌajeb ut eb li camenak nequeꞌtꞌanaxin saꞌ eb li be. Abanan li Ka̱cuaꞌ toj ma̱jiꞌ na-el xjoskꞌil. Toj yo̱ xjoskꞌil saꞌ xbe̱neb.

Sofonías 1:13

Ta̱makꞌekꞌ chiruheb chixjunil li cꞌaꞌru cuan reheb. Ut li rochocheb teꞌsachekꞌ chiruheb. Teꞌxyi̱b li rochocheb abanan incꞌaꞌ teꞌcua̱nk chi saꞌ. Teꞌa̱uk uvas, abanan incꞌaꞌ teꞌxyal li xyaꞌal li ru.

Lamentaciones 5:11

Queꞌxmux ruheb li kixakil nak queꞌxchꞌic rib riqꞌuineb aran Sión. Ut queꞌxmux ajcuiꞌ ruheb li tukꞌ ixk aran Judá.

Lamentaciones 5:3

Xocana chi ma̱ ani chic na-iloc ke. Chanchan nak ma̱cꞌaꞌ chic kayucuaꞌ. Ut eb li kanaꞌ chanchaneb chic li xma̱lcaꞌan.

Lamentaciones 3:3

Rajlal cutan junes raylal nincꞌul.

Lamentaciones 2:8

Li Ka̱cuaꞌ quixye nak ta̱sachekꞌ ru li tzꞌac li sutsu cuiꞌ Jerusalén ut incꞌaꞌ quixjal xcꞌaꞌux. Quixqꞌue ban chi sachecꞌ chixjunil. Li tzꞌac joꞌ ajcuiꞌ li cab najt xteram li nequeꞌxcol cuiꞌ ribeb ac juqꞌuinbil chic.

Jeremías 38:22

Chixjunileb li ixk li cuanqueb saꞌ la̱ cuochoch teꞌisi̱k saꞌ li cab ut teꞌkꞌaxtesi̱k saꞌ rukꞌeb li nequeꞌtenkꞌan re lix reyeb laj Babilonia. Ut eb li ixk teꞌxye a̱cue, “Xateꞌxbalakꞌi ut xeꞌnumta saꞌ a̱be̱n li cacꞌojob a̱chꞌo̱l saꞌ xbe̱neb. Anakcuan xachꞌic a̱cuib saꞌ chꞌaꞌajquil. Chanchan nak xachꞌic la̱ cuok saꞌ sulul. Xateꞌxcanab a̱junes la̱ cuami̱g.”

Isaías 10:4

Cui incꞌaꞌ te̱cubsi e̱rib la̱ex texcamsi̱k saꞌ li ple̱t, malaj ut texchapekꞌ ut texcꞌamekꞌ chi pre̱xil saꞌ jalan tenamit. Abanan chi moco riqꞌuin aꞌan ta̱numekꞌ xjoskꞌil li Dios. Toj texqꞌue chixtojbal e̱ma̱c.

Isaías 9:21

Eb li ralal xcꞌajol laj Manasés ut eb li ralal xcꞌajol laj Efraín teꞌxpleti ribeb chi ribileb rib. Ut teꞌxjunaji ribeb chi pletic riqꞌuineb li ralal xcꞌajol laj Judá. Usta teꞌxcꞌul chixjunil li raylal aꞌin, abanan toj ma̱jiꞌ nanumeꞌ xjoskꞌil li Ka̱cuaꞌ saꞌ xbe̱neb. Toj tixqꞌue chixtojbal xma̱queb li tenamit.

Isaías 9:17

Joꞌcan nak incꞌaꞌ quixtokꞌoba ruheb li sa̱j cui̱nk li Ka̱cuaꞌ, chi moco quiril xtokꞌoba̱l ruheb li nebaꞌ ut eb li xma̱lcaꞌan. Chixjunileb li tenamit incꞌaꞌ useb xnaꞌlebeb. Incꞌaꞌ nequeꞌxqꞌue xcuanquil li Ka̱cuaꞌ. Junes ma̱usilal nequeꞌxye. Joꞌcan nak li Dios toj ma̱jiꞌ nanumeꞌ xjoskꞌil saꞌ xbe̱neb. Toj tixqꞌue chixtojbal xma̱queb li tenamit.

Isaías 9:12

Eb laj Siria queꞌchal saꞌ li este ut eb laj filisteo queꞌchal saꞌ li oeste chixsachbaleb laj Israel. Abanan incꞌaꞌ quinumeꞌ xjoskꞌil li Ka̱cuaꞌ. Toj tixqꞌue chixtojbal xma̱queb li tenamit.

1 Crónicas 21:16

Laj David qui-iloc takecꞌ ut quiril lix ángel li Ka̱cuaꞌ xakxo saꞌ xyi li choxa ut li ruchichꞌochꞌ. Ac cauresinbil lix chꞌi̱chꞌ saꞌ rukꞌ re xsachbal ru li tenamit Jerusalén. Laj David ut eb li nequeꞌcꞌamoc be saꞌ xya̱nkeb laj Israel queꞌxhupub ribeb saꞌ chꞌochꞌ. Ut cuan li kꞌes ru tꞌicr chirixeb.

Jeremías 7:20

Joꞌcan nak la̱in li Ka̱cuaꞌ Dios tincuisi lin joskꞌil saꞌ xbe̱n li naꞌajej aꞌin. Tincuisi lin joskꞌil saꞌ xbe̱neb li cristian ut eb li xul joꞌ ajcuiꞌ saꞌ xbe̱neb li cheꞌ ut li acui̱mk. Lin joskꞌil chanchanak jun li xam li incꞌaꞌ naru xchupbal.—

Jeremías 15:6

La̱ex xine̱canab, chan li Ka̱cuaꞌ. Ut junelic nequeba̱nu li incꞌaꞌ us. Joꞌcan nak la̱in texinqꞌue chixtojbal e̱ma̱c. Incꞌaꞌ chic tincuil xtokꞌoba̱l e̱ru.

Jeremías 21:5

La̱in tinpletik e̱riqꞌuin riqꞌuin lin cuanquil ut riqꞌuin lin metzꞌe̱u xban nak xeqꞌue injoskꞌil. Cau tinpletik e̱riqꞌuin xban nak xnumta lin joskꞌil saꞌ e̱be̱n.

Jeremías 38:23

Chixjunileb la̱ cuixakil ut eb la̱ cocꞌal teꞌkꞌaxtesi̱k saꞌ rukꞌeb laj Babilonia. Ut la̱at incꞌaꞌ tatru̱k chi e̱lelic chiruheb. Tatchapekꞌ ban xban lix reyeb laj Babilonia ut li tenamit aꞌin ta̱cꞌatekꞌ, chan laj Jeremías.

Ezequiel 35:3

Ye reheb: Joꞌcaꞌin xye li Ka̱cuaꞌ li nimajcual Dios. La̱in yo̱ injoskꞌil saꞌ e̱be̱n. La̱in tinrakok a̱tin saꞌ e̱be̱n ut tinsukꞌisi chaki chꞌochꞌ le̱ naꞌaj. Ma̱cꞌaꞌ chic cua̱nk chi saꞌ.

Miqueas 2:4

Ut saꞌ eb li cutan aꞌan, eb li xicꞌ nequeꞌiloc e̱re texhob ut texretzꞌu ut teꞌxbicha li bich li nequebicha la̱ex yal re e̱hobbal: La̱o xo-osoꞌ. Xkasach chixjunil. Li Ka̱cuaꞌ quixmakꞌ chiku li kachꞌochꞌ ut quixjeqꞌui reheb li queꞌchapoc ke, chaꞌkeb e̱re.

Sofonías 1:4

Ut quixye ajcuiꞌ li Ka̱cuaꞌ: —Tinrakok a̱tin saꞌ xbe̱neb laj Judá joꞌqueb ajcuiꞌ li cuanqueb aran Jerusalén. Tinsacheb ru chi junaj cua laj Baal lix dioseb, joꞌqueb ajcuiꞌ chixjunileb laj tij li nequeꞌcꞌanjelac chiru ut chixjunileb li nequeꞌlokꞌonin re.

Lamentaciones 5:2

Eb li jalaneb xtenamit queꞌxmakꞌ chiku li kanaꞌaj li xke̱chani junxil. Ut queꞌxmakꞌ ajcuiꞌ li kochoch.

Ezequiel 7:24

Tintaklaheb chak li tenamit li kꞌaxal yibru xnaꞌlebeb re nak aꞌaneb chic teꞌe̱chani̱nk re li rochocheb. Riqꞌuin aꞌin tincuisi lix kꞌetkꞌetileb li ni̱nkeb xcuanquil. Ut li artal li nequeꞌxlokꞌoni cuiꞌ lix dioseb tinqꞌue chi muxecꞌ.