Jeremías 6:10 - Li Santil hu

¹⁰ La̱in quinye re li Ka̱cuaꞌ: —¿Aniheb li tincua̱tinaheb? ¿Aniheb li tinqꞌueheb xnaꞌleb? ¿Ma teꞌraj ta biꞌ rabinquil li cꞌaꞌru tinye reheb? Eb aꞌan chanchan tzꞌaptzꞌo̱queb xxic. Incꞌaꞌ nequeꞌraj rabinquil la̱ cua̱tin. Xuta̱nal chokꞌ reheb nak nequeꞌrabi.

Q'eqchi Bible

¹⁰ Ut laa'in kinye: “Ani taa'ab'inq we, at Qaawa'? Ani twaatinaheb' re xyeeb'al li esilal a'in? Tz'aptz'ookeb' li xxik ut ink'a' neke'ab'ink; neke'xse'e laawaatin ut ink'a' nawulak chiruheb'.

Jeremías 6:10 ပူးပေါင်းရင်းမြစ်များ

Hechos 7:51

La̱ex incꞌaꞌ nequetau xya̱lal. Kꞌaxal cau e̱chꞌo̱l. Chanchanex li incꞌaꞌ nequeꞌpa̱ban re li Dios. Junelic nequekꞌetkꞌeti e̱rib chiru li Santil Musikꞌej joꞌ queꞌxba̱nu le̱ xeꞌto̱nil yucuaꞌ.

San Juan 7:7

Eb li cuanqueb saꞌ ruchichꞌochꞌ xicꞌ niquineꞌril xban nak la̱in ninye reheb nak incꞌaꞌ us li yo̱queb chixba̱nunquil. Abanan la̱ex incꞌaꞌ xicꞌ nequex-ileꞌ xbaneb.

Jeremías 7:26

Abanan eb aꞌan incꞌaꞌ queꞌraj rabinquil li cꞌaꞌru quinye reheb. Queꞌxcacuubresi ban xchꞌo̱leb chixba̱nunquil li ma̱usilal. Kꞌaxal nabal li ma̱usilal queꞌxba̱nu chiru li queꞌxba̱nu lix xeꞌto̱nil yucuaꞌeb.

Hebreos 11:7

Xban lix pa̱ba̱l laj Noé, li Dios quixye re cꞌaꞌru talajcꞌulma̱nk. Ut laj Noé quixpa̱b li quixye li Dios usta toj ma̱jiꞌ nacꞌulman. Quixyi̱b li nimla jucub cab re xcolbal rib aꞌan, joꞌ eb ajcuiꞌ li ralal xcꞌajol. Ut lix pa̱ba̱l laj Noé quixcꞌutbesi nak li cuanqueb saꞌ ruchichꞌochꞌ incꞌaꞌ queꞌpa̱ban. Joꞌcan nak queꞌcam. Xban nak quipa̱ban, li Dios quixye nak ti̱c xchꞌo̱l laj Noé.

Isaías 53:1

¿Ani ta biꞌ xpa̱ban re li xkaye resil? Ut, ¿ani ta biꞌ chi aj u quixcꞌutbesi lix cuanquil li Dios?

Éxodo 6:12

Laj Moisés quixye re li Ka̱cuaꞌ Dios: —La̱at nacanau nak eb laj Israel incꞌaꞌ nequeꞌxpa̱b li cua̱tin. Cui eb aꞌan incꞌaꞌ nequeꞌabin chicuu, ¿ma tojaꞌ ta chic laj faraón ta̱abi̱nk chicuu? La̱in incꞌaꞌ ninnau a̱tinac chi us, chan laj Moisés.

2 Timoteo 4:3

Tento nak ta̱cꞌut lix ya̱lal chiruheb xban nak ta̱cuulak xkꞌehil nak incꞌaꞌ chic teꞌraj rabinquil li tijleb tzꞌakal ya̱l. Aꞌ chic li jun tu̱beb chi aj tzolonel, aꞌan chic li teꞌxta̱ke re nak ta̱yehekꞌ reheb cꞌaꞌru li teꞌraj rabinquil ut aꞌan chic li teꞌxqꞌue xchꞌo̱l chirabinquil.

Colosenses 1:28

Aꞌ li Cristo, aꞌan li nakachꞌolob xya̱lal. Nakaqꞌue xnaꞌlebeb chixjunil ut nakacꞌut xya̱lal chiruheb chi anchal li kachꞌo̱l ut chi anchal li kacꞌaꞌux re nak tzꞌakalak ru lix pa̱ba̱leb saꞌ xcꞌabaꞌ li Jesucristo.

Romanos 7:22

Nasahoꞌ saꞌ lin chꞌo̱l riqꞌuin lix chakꞌrab li Dios ut aꞌan li nacuaj xba̱nunquil.

Hechos 7:60

Quixcuikꞌib rib, quixjap re chi cau ut quixye: —At Ka̱cuaꞌ, ma̱qꞌue li ma̱c aꞌin saꞌ xbe̱neb.— Ut nak quixye aꞌan, quicam.

San Juan 9:40

Cuanqueb laj fariseo aran ut yo̱queb chirabinquil li quixye li Jesús. Eb aꞌan queꞌxye re li Jesús: —¿Ma mutzꞌo ta biꞌ la̱o nak nacacꞌoxla la̱at? chanqueb.

San Lucas 20:19

Eb laj tzꞌi̱b ut eb li xbe̱nil aj tij queꞌxtau ru nak reheb aꞌan quixye li jaljo̱quil ru a̱tin aꞌin ut queꞌraj raj xchapbal saꞌ li ho̱nal aꞌan. Abanan incꞌaꞌ queꞌru xban nak queꞌxucuac chiruheb li tenamit.

San Lucas 11:45

Quichakꞌoc jun reheb laj tzolol chakꞌrab ut quixye re li Jesús: —At tzolonel, riqꞌuin li cꞌaꞌru yo̱cat chixyebal, yo̱cat chixcꞌutbal kaxuta̱n la̱o.—

San Mateo 3:7

Nak quiril nabaleb xcomoneb laj fariseo ut xcomoneb laj saduceo yo̱queb chi cuulac yal re nak teꞌcubsi̱k xhaꞌeb, quixye reheb: —La̱ex chanchanex li ral li cꞌambolay. ¿Ani xyehoc e̱re la̱ex nak ta̱ru̱k te̱col e̱rib chiru lix joskꞌil li Dios li ta̱cha̱lk saꞌ e̱be̱n?

Amós 7:10

Ut laj Amasías laj tij li nacuan aran Bet-el, quixtakla resil riqꞌuin laj Jeroboam lix reyeb laj Israel ut quixye re li rey Jeroboam chi joꞌcaꞌin: —Cꞌajoꞌ yo̱ chixyebal cha̱cuix laj Amós reheb li tenamit Israel. Li tenamit incꞌaꞌ chic nequeꞌxcuy rabinquil li naxye.

Ezequiel 33:9

Abanan cui ta̱ye re nak incꞌaꞌ us yo̱, ut aꞌan incꞌaꞌ na-abin cha̱cuu, li jun aꞌan ta̱ca̱mk. Abanan lix camic incꞌaꞌ ta̱cana̱k saꞌ a̱be̱n.

Ezequiel 33:3

Nak laj ilol re li tenamit ta̱ril nak yo̱queb chi cha̱lc li xicꞌ nequeꞌiloc reheb, tixya̱basi li trompeta re xyebal resil re li tenamit nak xeꞌchal chi pletic.

Jeremías 4:4

La̱ex aj Judá ut la̱ex aj Jerusalén, isihomak li yibru naꞌleb li cuan saꞌ le̱ chꞌo̱l ut kꞌaxtesihomak e̱rib chi tzꞌakal saꞌ cuukꞌ la̱in li Ka̱cuaꞌ le̱ Dios. Chanchan nak na-uxman li circuncisión. Cui incꞌaꞌ te̱ba̱nu li cꞌaꞌru ninye, la̱in tinjoskꞌokꞌ e̱riqꞌuin xban li ma̱usilal li nequeba̱nu. Ut incꞌaꞌ ta̱numekꞌ lin joskꞌil saꞌ e̱be̱n. Chanchanak li xam li incꞌaꞌ nachup, chan li Ka̱cuaꞌ.

Salmos 119:174

At nimajcual Dios, la̱in nacuaj nak tina̱col. La̱ chakꞌrab naxqꞌue xsahil inchꞌo̱l.

Salmos 119:77

Chacuuxta̱na taxak cuu ut chaqꞌue taxak inyuꞌam. La̱ chakꞌrab naxqꞌue xsahil inchꞌo̱l.

Salmos 119:70

Eb li cui̱nk aꞌin cauheb xchꞌo̱l. Joꞌcan nak incꞌaꞌ nequeꞌxtau xya̱lal. Abanan la̱in nasahoꞌ saꞌ inchꞌo̱l riqꞌuin la̱ chakꞌrab.

Salmos 119:35

China̱tenkꞌa taxak chi cua̱nc joꞌ naxye la̱ chakꞌrab xban nak aꞌan naxqꞌue xsahil inchꞌo̱l.

Salmos 119:24

Cꞌajoꞌ nak nasahoꞌ saꞌ inchꞌo̱l riqꞌuin la̱ chakꞌrab xban nak aꞌan naqꞌuehoc innaꞌleb.

Salmos 119:16

Ta̱sahokꞌ saꞌ inchꞌo̱l riqꞌuin li chakꞌrab li xaqꞌue ut ma̱ jokꞌe teꞌsachk saꞌ inchꞌo̱l la̱ cua̱tin.

Salmos 40:8

At inDios, nacuulac chicuu xba̱nunquil li cꞌaꞌru nacacuaj. Junelic cuan saꞌ inchꞌo̱l la̱ chakꞌrab.

Salmos 1:2

Nasahoꞌ ban xchꞌo̱l riqꞌuin lix chakꞌrab li Ka̱cuaꞌ. Cuan lix chakꞌrab li Dios saꞌ xchꞌo̱l chi kꞌek chi cutan.

Deuteronomio 29:4

Ut toj chalen anakcuan li Dios incꞌaꞌ xexqꞌue chixtaubal ru li cꞌaꞌru xeril ut li cꞌaꞌru xerabi.

Jeremías 5:21

Abihomak la̱ex li ma̱cꞌaꞌ e̱naꞌleb, la̱ex li cau e̱chꞌo̱l. La̱ex li cuan xnakꞌ e̱ru ut incꞌaꞌ nequex-iloc, la̱ex li cuan e̱xic ut incꞌaꞌ nequex-abin.

Jeremías 9:26

Tinqꞌueheb chixtojbal xma̱queb laj Egipto, eb laj Judá, eb laj Edom, ut eb laj Amón joꞌ eb ajcuiꞌ laj Moab. Tinqꞌueheb chixtojbal xma̱queb li cuanqueb saꞌ najtil tenamit ut saꞌ li chaki chꞌochꞌ. Incꞌaꞌ queꞌxcꞌul li circuncisión chixjunileb aꞌan. Joꞌcan eb ajcuiꞌ laj Israel. Incꞌaꞌ ti̱queb xchꞌo̱l xban nak incꞌaꞌ queꞌxjal xcꞌaꞌuxeb.—

Isaías 42:20

La̱ex aj Israel, nabal li cꞌaꞌru xeril, abanan incꞌaꞌ xetau ru li cꞌaꞌru xeril. Nequex-abin, abanan incꞌaꞌ nequeqꞌue retal li cꞌaꞌru nequerabi, chan li Dios.

Jeremías 7:13

Anakcuan ut cꞌajoꞌ li ma̱usilal xeba̱nu. La̱in qꞌuila sut xinye e̱re nak te̱jal e̱cꞌaꞌux, abanan la̱ex incꞌaꞌ nequeraj rabinquil li cua̱tin. La̱in xexinbok re nak texsukꞌi̱k cuiqꞌuin, abanan incꞌaꞌ xeraj.

Jeremías 35:13

—Ayu ut ta̱ye reheb laj Judá ut reheb ajcuiꞌ laj Jerusalén chi joꞌcaꞌin: ¿ma incꞌaꞌ te̱tzol e̱rib chixba̱nunquil li cꞌaꞌru ninye? chan li Ka̱cuaꞌ li nimajcual Dios, lix Dioseb laj Israel.

Ezequiel 3:7

Eb li ralal xcꞌajol laj Israel incꞌaꞌ teꞌraj rabinquil li cꞌaꞌru ta̱ye xban nak incꞌaꞌ nequeꞌraj rabinquil li cꞌaꞌru ninye la̱in. Chixjunileb laj Israel, aꞌan cauheb xchꞌo̱l ut cauheb li ra̱m.