Jeremías 6:1 - Li Santil hu

¹ La̱ex, li ralal xcꞌajol laj Benjamín, elenkex saꞌ li tenamit Jerusalén re xcolbal e̱rib. Ya̱basihomak le̱ trompeta aran Tecoa. Cꞌu̱bumak junak li xam saꞌ li naꞌajej Bet-haquerem chokꞌ retalil li nimla raylal ut li sachecꞌ li yo̱ chak chi cha̱lc saꞌ li norte.

Q'eqchi Bible

¹ Ex ralal xk'ajol laj Benjamín, elenqex chaq sa' li tenamit Jerusalén! Yaab'asihomaq li pur aran Tékoha, taqsihomaq li eetalil aran Bet-Keren, xb'aan naq chalk chaq re jun nimla rahilal ut raaxiik' sa' xjayal releb'l li iq'.

Jeremías 6:1 ပူးပေါင်းရင်းမြစ်များ

Nehemías 3:14

Li oqueba̱l li nequeꞌrisi cuiꞌ li mul, aꞌan quixyi̱b laj Malquías li ralal laj Recab li nataklan saꞌ li naꞌajej Bet-haquerem. Ut quixqꞌue li puerta ut quixqꞌue ajcuiꞌ li chꞌi̱chꞌ re ta̱tzꞌapo̱nk chi us.

Jeremías 6:22

Li Ka̱cuaꞌ quixye: —Cuan jun li nimla tenamit cau rib saꞌ li norte ut yo̱ chak chi cauresinquil rib re ta̱cha̱lk chi pletic.

2 Crónicas 11:6

Quixyi̱beb li tenamit Belén, Etam, Tecoa,

2 Samuel 14:2

Quixtakla xcꞌambal jun li ixk cuan aran Tecoa. Li ixk aꞌan cuan xnaꞌleb chixba̱nunquil cꞌaꞌak re ru chi naꞌlebil. Nak li ixk quicuulac riqꞌuin, quixye re: —Ba̱nu a̱cuib joꞌ nak ra saꞌ a̱chꞌo̱l chirix xcamic jun la̱ cuechꞌalal. Qꞌue cha̱cuix li tꞌicr li naxcꞌut nak ra saꞌ a̱chꞌo̱l. Ma̱qꞌue li sununquil ban. Ba̱nu chi joꞌcan re nak ta̱cꞌutu̱nk nak ac junxil na-oc xrahil a̱chꞌo̱l.

Jueces 1:21

Abanan eb li ralal xcꞌajol laj Benjamín incꞌaꞌ queꞌrisiheb laj jebuseo saꞌ li tenamit Jerusalén. Toj chalen anakcuan eb laj jebuseo cuanqueb saꞌ xya̱nkeb li ralal xcꞌajol laj Benjamín.

Amós 1:1

Quicuan jun li cui̱nk aj Amós xcꞌabaꞌ saꞌ li naꞌajej Tecoa. Aꞌan jun reheb laj ilol xul. Quia̱tina̱c xban li Dios saꞌ eb li cutan nak cua̱nk chokꞌ rey aran Judá laj Uzías ut cua̱nk chokꞌ rey aran Israel laj Jeroboam ralal laj Joás. Cuib chihab chic ma̱ nanumeꞌ li hi̱c nak laj Amós quixtiquib xyebal resil li quicꞌutbesi̱c chiru xban li Dios chirixeb laj Israel.

Jeremías 25:9

Joꞌcan nak la̱in tinbokeb chixjunileb li xni̱nkal ru tenamit li cuanqueb saꞌ li norte. Ta̱cha̱lk ajcuiꞌ rochbeneb laj Nabucodonosor lix reyeb laj Babilonia, li ta̱cꞌanjelak chicuu. La̱in tintaklaheb chi numta̱c saꞌ xbe̱neb li cuanqueb saꞌ li naꞌajej aꞌin, joꞌ eb ajcuiꞌ li tenamit li cuanqueb chi xjun sutam re nak tinsach ruheb chi junelic. Xiu xiu rilbal teꞌcana̱k ut teꞌseꞌe̱k.

Jeremías 10:22

Abihomak. Qꞌuehomak retal li esilal li yo̱ chak chi cha̱lc. Cꞌajoꞌ li choki̱nc saꞌ li nimla tenamit li cuan saꞌ li norte. Teꞌxsach ru chixjunileb li tenamit li cuanqueb Judá. Ta̱cana̱k chi ma̱cꞌaꞌ chic cuan chi saꞌ. Ta̱cana̱k chokꞌ xnaꞌaj laj xoj, chan laj Jeremías.

Jeremías 4:29

Chixjunileb li cuanqueb saꞌ eb li tenamit teꞌe̱lelik nak teꞌrabi xya̱b rokeb li cacua̱y ut eb li soldado li nequeꞌcutuc riqꞌuin tzimaj. Cuanqueb li teꞌxic saꞌ qꞌuicheꞌ ut cuanqueb li teꞌtakekꞌ saꞌ xya̱nkeb li pec. Ma̱cꞌaꞌak chic cristian saꞌ eb li tenamit. Ma̱ ani teꞌcana̱k aran.

Josué 15:63

Abanan eb li ralal xcꞌajol laj Judá incꞌaꞌ queꞌru risinquileb laj jebuseo saꞌ li tenamit Jerusalén. Eb laj jebuseo toj cuanqueb saꞌ li tenamit Jerusalén toj chalen anakcuan rochbeneb li ralal xcꞌajol laj Judá.

Amós 3:6

Cui ta̱ecꞌa̱nk li trompeta saꞌ tenamit, ¿ma incꞌaꞌ ta biꞌ teꞌxucuak li tenamit chirabinquil? Ut, ¿ma ta̱cha̱lk ta biꞌ li raylal saꞌ xbe̱n junak li tenamit cui li Dios incꞌaꞌ tixcanabeb re teꞌxcꞌul?

Zacarías 6:6

Li carruaje li quelonbil xbaneb li cacua̱y kꞌek rixeb yo̱queb chi xic saꞌ li norte, ut li carruaje li quelonbil xbaneb li cacua̱y sak rixeb yo̱queb chi xic saꞌ li oeste li na-oc cuiꞌ li sakꞌe ut li quelonbil xbaneb li repex rixeb yo̱queb chi xic saꞌ li sur.—

Nehemías 3:5

Ut li tzꞌac li cuan chixcꞌatk li quixyi̱b laj Sadoc, aꞌan queꞌxyi̱b eb li cuanqueb Tecoa. Abanan eb li cuanqueb xcuanquil saꞌ li naꞌajej aꞌan incꞌaꞌ queꞌraj oque̱nc saꞌ lix cꞌanjel li Ka̱cuaꞌ.