Jeremías 52:6 - Li Santil hu

⁶ Saꞌ li bele̱b xbe li xca̱ po re li chihab aꞌan, quinumta li cueꞌej saꞌ li tenamit Jerusalén ut ma̱cꞌaꞌ chic xtzacae̱mkeb.

Q'eqchi Bible

⁶ Sa' li b'eleeb' xb'e li xka po re li chihab' a'an kinumtaak li we'ej sa' li tenamit ut tik maak'a' chik wa cho'q reheb' li poyanam.

Jeremías 52:6 ပူးပေါင်းရင်းမြစ်များ

Jeremías 39:2

Saꞌ li bele̱b xbe li xca̱ po nak yo̱ junlaju chihab roquic chokꞌ rey laj Sedequías, nak eb laj Babilonia queꞌxtꞌan li tzꞌac li sutsu cuiꞌ Jerusalén.

Isaías 3:1

Qꞌuehomak retal. Li Ka̱cuaꞌ li kꞌaxal nim xcuanquil ta̱risi Jerusalén ut Judá li cꞌaꞌak re ru li nequecꞌojob cuiꞌ e̱chꞌo̱l. Ut ta̱risi le̱ cua ut le̱ haꞌ.

Jeremías 38:9

—At rey, yibru xeꞌxba̱nu eb li cui̱nk aꞌin nak xeꞌxcut li profeta Jeremías saꞌ jul. Aran naru nacam xban xtzꞌocajic xban nak ma̱cꞌaꞌ chic cua saꞌ li tenamit, chan.

2 Reyes 25:3

Saꞌ li bele̱b xbe li xca̱ po re li chihab quinumta li cueꞌej saꞌ xbe̱neb li cuanqueb Jerusalén. Ut ma̱cꞌaꞌ chic xtzacae̱mkeb.

Zacarías 8:19

—Li ayu̱n li nequeba̱nu rajlal chihab saꞌ xca̱ li po, saꞌ roꞌ li po, saꞌ xcuuk li po ut saꞌ xlaje li po ta̱sukꞌisi̱k chokꞌ ninkꞌe re sahil chꞌo̱lejil chokꞌ e̱re la̱ex li ralal xcꞌajol laj Judá. Joꞌcan nak qꞌuehomak e̱chꞌo̱l chi cua̱nc saꞌ xya̱lal ut saꞌ tuktu̱quil usilal, chan li Ka̱cuaꞌ.

Ezequiel 14:21

Aꞌan aꞌin li naxye li nimajcual Dios: Kꞌaxal ra cuiꞌchic chokꞌ reheb laj Jerusalén nak la̱in tinrakok a̱tin saꞌ xbe̱neb riqꞌuin li ca̱hib chi raylal. La̱in tintakla li ple̱t, li cueꞌej, li joskꞌ aj xul, ut li caki yajel re nak teꞌcamsi̱k li cristian ut eb li xul.

Ezequiel 7:15

Chirix le̱ tenamit cua̱nk li ple̱t ut saꞌ li tenamit cua̱nk li caki yajel ut cueꞌej. Eb li cua̱nkeb chak saꞌ cꞌaleba̱l teꞌcamsi̱k saꞌ li ple̱t ut li cua̱nkeb saꞌ li tenamit teꞌca̱mk xban li caki yajel ut li cueꞌej.

Lamentaciones 5:10

Li katibel xkꞌekoꞌ. Chanchan li horno. Ut yo̱ katik xban katzꞌocajic.

Jeremías 25:10

Incꞌaꞌ chic ta̱abima̱nk li bich re sahil chꞌo̱lej. Incꞌaꞌ chic ta̱abima̱nk li bich re sumla̱c, chi moco ta̱abi̱k chic xya̱b li queꞌec, ut incꞌaꞌ chic lochlo̱keb li candil.

Jeremías 21:9

Li ani ta̱raj cana̱c saꞌ li tenamit aꞌin, aꞌan ta̱camsi̱k chi chꞌi̱chꞌ malaj ut xban cueꞌej malaj ut xban li caki yajel. Abanan li ani tixkꞌaxtesi rib rubel xcuanquileb laj Babilonia li yo̱queb chi sutuc re le̱ tenamit, aꞌan incꞌaꞌ ta̱camsi̱k. Ta̱cana̱k chi yoꞌyo.

Jeremías 19:9

Eb li xicꞌ nequeꞌiloc reheb teꞌxsut rix li tenamit. Xban li chꞌaꞌajquilal li yo̱keb chixcꞌulbal ta̱cua̱nk nimla cueꞌej. Xban xtzꞌocajiqueb laj Israel teꞌxtiu xtibeleb li ralal xcꞌajol ut teꞌxtiu ribeb chi ribileb rib,” chaꞌakat.

Jeremías 15:2

Cui teꞌxpatzꞌ a̱cue bar teꞌxic, ta̱ye reheb chi joꞌcaꞌin: Li ac tenebanbil ca̱mc saꞌ xbe̱n xban yajel, teꞌca̱mk; li ac tenebanbil saꞌ xbe̱n nak teꞌca̱mk saꞌ li ple̱t, aran teꞌca̱mk. Ut li ac tenebanbil ca̱mc saꞌ xbe̱n xban cueꞌej, xban cueꞌej ajcuiꞌ teꞌca̱mk; ut eb li ac tenebanbil saꞌ xbe̱n cꞌamecꞌ chi pre̱xil, teꞌcꞌamekꞌ ajcuiꞌ chi pre̱xil saꞌ jalan tenamit.

Deuteronomio 32:24

Telajeꞌca̱mk xban cueꞌej ut xban li caki yajel ut li tik. Tintaklaheb li joskꞌ aj xul chixtiubaleb. Ut teꞌtiꞌekꞌ xbaneb li cꞌantiꞌ li nequeꞌcamsin.

Levítico 26:26

Incꞌaꞌ chic ta̱cua̱nk chi tzꞌakal le̱ tzacae̱mk. Laje̱b chi ixk teꞌxyi̱b li caxlan cua saꞌ jun chi horno. Ajlanbil chic li caxlan cua li te̱cꞌul. Ut nak ac xecuaꞌ chixjunil, incꞌaꞌ ta̱tzꞌaklok e̱re.

Jeremías 37:21

Ut li rey Sedequías quixtakla xqꞌuebal chi pre̱xil laj Jeremías saꞌ li neba̱l re li cab, li nequeꞌcuan cuiꞌ li nequeꞌcꞌacꞌalen. Ut aran quicana. Rajlal cutan queꞌxqꞌue junju̱nk xcaxlan cua li queꞌxyi̱b laj yi̱bom caxlan cua toj retal qui-osoꞌ saꞌ li tenamit.

Lamentaciones 1:11

Chixjunileb laj Israel yo̱queb chi ya̱bac xban li raylal yo̱queb chixcꞌulbal ut yo̱queb chixsicꞌbal xtzacae̱mkeb. Nequeꞌxcꞌayi li kꞌaxal lokꞌ chiruheb re xlokꞌbal xtzacae̱mkeb re nak incꞌaꞌ teꞌca̱mk xban xtzꞌocajiqueb. Nequeꞌtijoc ut nequeꞌxye: —At Ka̱cuaꞌ, ta̱cuil taxak xtokꞌoba̱l ku xban nak kꞌaxal ra cuanco, chanqueb.

Ezequiel 5:16

La̱in tintakla li cueꞌej saꞌ e̱be̱n. Chanchan nak yo̱quin che̱cutbal riqꞌuin lin tzimaj. Riqꞌuin li cueꞌej li tintakla saꞌ e̱be̱n, la̱in tinsach e̱ru. Kꞌaxal cuiꞌchic li cueꞌej tintakla saꞌ e̱be̱n. Tincuisi chi junaj cua le̱ tzacae̱mk.

Ezequiel 14:13

—At ralal cui̱nk, cui li tenamit nequeꞌxkꞌetkꞌeti ribeb chicuu ut incꞌaꞌ niquineꞌxlokꞌoni, la̱in tinqꞌueheb chixtojbal lix ma̱queb. Tincuisi chiruheb lix tzacae̱mkeb ut tintakla li cueꞌej saꞌ xbe̱neb. Teꞌca̱mk li cristian ut teꞌca̱mk ajcuiꞌ li xul.

Ezequiel 31:1

Nak yo̱ junlaju chihab kacꞌambal Babilonia, li Ka̱cuaꞌ quia̱tinac cuiqꞌuin saꞌ li xbe̱n cutan re li rox po ut quixye cue: