Jeremías 52:4 - Li Santil hu

⁴ Yo̱ xbele chihab roquic chokꞌ xreyeb laj Israel laj Sedequías, saꞌ li laje̱b xbe li po re lix laje po re li chihab aꞌan, nak quichal laj Nabucodonosor rochbeneb chixjunileb lix soldado chi pletic riqꞌuineb li cuanqueb Jerusalén. Ut chi xjun sutam li tenamit queꞌxyi̱b li naꞌajej najt xteram re xcꞌacꞌalenquil li tenamit.

Q'eqchi Bible

⁴ Ak b'eleeb' chihab' chik rokik chi awab'ejink laj Sedesías, sa' li lajeeb' xb'e li xlaje po re li chihab' a'an, naq kichalk laj Nabukodonosor, li awab'ej re Babilonia, rochb'een chaq chixjunileb' laj puub', chi yalok rik'in Jerusalén. Ke'xk'ojob' li xmuheb'aaleb' ut ke'xsut rix li tenamit rik'in k'iila taqleb'aal re te'ok chisa'.

Jeremías 52:4 ပူးပေါင်းရင်းမြစ်များ

Jeremías 39:1

Yo̱ xlaje po re li xbele chihab roquic chokꞌ xreyeb laj Judá laj Sedequías nak quichal laj Nabucodonosor lix reyeb laj Babilonia rochbeneb lix soldados chi pletic riqꞌuineb laj Jerusalén ut queꞌxsut rix li tenamit.

Zacarías 8:19

—Li ayu̱n li nequeba̱nu rajlal chihab saꞌ xca̱ li po, saꞌ roꞌ li po, saꞌ xcuuk li po ut saꞌ xlaje li po ta̱sukꞌisi̱k chokꞌ ninkꞌe re sahil chꞌo̱lejil chokꞌ e̱re la̱ex li ralal xcꞌajol laj Judá. Joꞌcan nak qꞌuehomak e̱chꞌo̱l chi cua̱nc saꞌ xya̱lal ut saꞌ tuktu̱quil usilal, chan li Ka̱cuaꞌ.

Jeremías 52:7

Queꞌxhop li tzꞌac li sutsu cuiꞌ li tenamit ut queꞌe̱lelic chi kꞌek chixjunileb li soldado aj Israel. Queꞌel saꞌ li oqueba̱l li cuan saꞌ xyi li cuib chi tzꞌac chixcꞌatk lix naꞌaj li rutzꞌuꞌuj li rey, usta cuanqueb lix soldado laj Babilonia chi xjun sutam li tenamit. Queꞌco̱eb saꞌ li be li naxic Arabá.

Jeremías 32:24

Qꞌue retal chanru nak yi̱banbil li takleba̱l re teꞌxchap cuiꞌ li tenamit. Xban li ple̱t ut xban li cueꞌej ut li caki yajel li tixcꞌul li tenamit aꞌin ta̱kꞌaxtesi̱k saꞌ rukꞌeb laj Babilonia. Li cꞌaꞌru caye yo̱ chi cꞌulma̱nc anakcuan joꞌ yo̱cat chirilbal.

San Lucas 21:20

Nak te̱ril li tenamit Jerusalén sutsu̱k xbaneb li qꞌuila soldado, la̱ex te̱nau nak ac xcuulac xkꞌehil li rosoꞌjic.

San Lucas 19:43

Ta̱cuulak xkꞌehil nak eb li xicꞌ nequeꞌiloc e̱re teꞌcha̱lk chi pletic e̱riqꞌuin. Teꞌxsut rix le̱ tenamit. Teꞌxqꞌue ribeb chi xjun sutam le̱ tenamit ut la̱ex ma̱ bar chic ta̱ru̱k te̱col e̱rib.

Ezequiel 21:22

Nak tixkꞌehi ta̱cꞌutekꞌ chiru nak ta̱xic Jerusalén li cuan saꞌ lix nim ukꞌ. Aran tixyi̱b lix naꞌajeb re teꞌxsut rix li tenamit. Ut teꞌxyi̱b ajcuiꞌ lix cꞌanjeleba̱l ut lix takleba̱l re teꞌoc cuiꞌ saꞌ li tenamit ut teꞌxchap. Li rey tixjap re, re nak eb li soldados teꞌoc chi pletic ut teꞌxtiquib xcamsinquileb li tenamit.

Isaías 29:3

Li Ka̱cuaꞌ tixcanabeb li xicꞌ nequeꞌiloc reheb chixsutbal li tenamit. Teꞌxyi̱b lix muheba̱leb chi xjun sutam ut teꞌpletik riqꞌuineb li cuanqueb saꞌ li tenamit.

Levítico 26:25

La̱in tintaklaheb li xicꞌ nequeꞌiloc e̱re chi pletic e̱riqꞌuin re xtojbal rix le̱ ma̱c nak xekꞌet lin contrato. Nak texxic saꞌ eb li tenamit chixcolbal e̱rib, la̱in tintakla li rax ca̱mc saꞌ e̱be̱n ut la̱ex te̱kꞌaxtesi e̱rib saꞌ rukꞌeb li xicꞌ nequeꞌiloc e̱re.

Jeremías 34:1

Laj Nabucodonosor, lix reyeb laj Babilonia, ut eb lix qꞌuila soldados, joꞌ eb ajcuiꞌ lix solda̱deb li xni̱nkal ru tenamit li cuanqueb rubel xcuanquil laj Nabucodonosor queꞌpletic riqꞌuineb laj Jerusalén joꞌ eb ajcuiꞌ li cuanqueb chi xjun sutam. Nak yo̱queb chi pletic, li Ka̱cuaꞌ quia̱tinac riqꞌuin laj Jeremías ut quixye re:

Ezequiel 26:8

Teꞌxcamsiheb chi chꞌi̱chꞌ li cuanqueb saꞌ li cocꞌ cꞌaleba̱l. Teꞌxyi̱b lix naꞌajeb re teꞌxcol cuiꞌ ribeb. Teꞌxyi̱b lix takleba̱l re teꞌoc saꞌ le̱ tenamit ut cua̱nk xchꞌi̱chꞌeb re xcolbal re xchꞌo̱leb.

Ezequiel 33:21

Nak yo̱ cablaju chihab kacꞌambal chi pre̱xil aran Babilonia, saꞌ li o̱b xbe li xlaje po, quicuulac cuiqꞌuin jun li cui̱nk quie̱lelic Jerusalén. Li cui̱nk aꞌan quixye cue nak li tenamit Jerusalén ac x-e̱chani̱c xbaneb li xicꞌ nequeꞌiloc re.

Ezequiel 40:1

Nak yo̱ o̱b xcaꞌcꞌa̱l chihab kacꞌambal chi pre̱xil Babilonia saꞌ li laje̱b xbe li po re lix ticlajic li chihab la̱in quicuecꞌa xcuanquil li Ka̱cuaꞌ. Quincꞌameꞌ saꞌ visión saꞌ jun li naꞌajej. Aꞌan quicꞌulman nak ac yo̱ ca̱laju chihab xchapbal li tenamit Jerusalén.

Jeremías 4:17

Ut teꞌxsut rix li tenamit Jerusalén. Chanchanakeb li cui̱nk li nequeꞌcꞌacꞌalen re lix naꞌajeb li racui̱mk. Jerusalén ta̱sutekꞌ xban nak queꞌxkꞌetkꞌeti ribeb chiru li Ka̱cuaꞌ.

Jeremías 21:2

—Ba̱nu usilal, tattijok chiru li Ka̱cuaꞌ ut ta̱patzꞌ re cꞌaꞌru us takaba̱nu xban nak laj Nabucodonosor lix reyeb laj Babilonia yo̱ chi pletic kiqꞌuin. Ma̱re li Ka̱cuaꞌ tixba̱nu junak milagro re nak laj Nabucodonosor tixcanab pletic kiqꞌuin, chanqueb.

Ezequiel 21:27

Ta̱osokꞌ chixjunil. La̱in tinpoꞌ ru chixjunil. Ut incꞌaꞌ chic ta̱yi̱ba̱k toj saꞌ li cutan nak ta̱cha̱lk li jun li quinqꞌue xcuanquil chi rakoc a̱tin. Saꞌ li cutan aꞌan la̱in tinkꞌaxtesi saꞌ rukꞌ li cꞌanjel aꞌan.