Jeremías 52:30 - Li Santil hu

³⁰ Nak yo̱ oxib xcaꞌcꞌa̱l chihab roquic chokꞌ rey laj Nabucodonosor, laj Nabuzaradán quixcꞌameb chi pre̱xil cuukub ciento riqꞌuin o̱b roxcꞌa̱l (745). Ca̱hib mil riqꞌuin cuakib ciento (4,600) chixjunileb li queꞌchapeꞌ ut queꞌcꞌameꞌ chi pre̱xil.

Q'eqchi Bible

³⁰ naq yo roxka'k'aal chihab' chi awab'ejink laj Nabukodonosor, laj Nabusaradán, li xjolomileb' laj k'aak'alenel, kixk'am oob' xwaqxaqlajuk'aal xkab' o'q'ob' (745) chi poyanam aj Judá. Li xk'ihaleb' chixjunil a'an: kaahib' mil rik'in lajeek'aal xkab' o'q'ob' (4,600) chi poyanam li ke'isiik sa' li xna'ajeb'.

Jeremías 52:30 ပူးပေါင်းရင်းမြစ်များ

Jeremías 52:15

Laj Nabuzaradán li nataklan saꞌ xbe̱neb li soldado li nequeꞌcꞌacꞌalen re li rey, quixchapeb li nebaꞌ ut eb li cristian li queꞌcana saꞌ li tenamit. Quixchapeb ajcuiꞌ li queꞌoquen chirix lix reyeb laj Babilonia. Quixchap chixjunileb li tenamit ut quixcꞌameb chi pre̱xil aran Babilonia.

Jeremías 6:9

Ut quixye cuiꞌchic li Ka̱cuaꞌ: —Ta̱sachekꞌ ruheb chixjunileb laj Israel. Teꞌsiqꞌuekꞌ chi us toj retal ma̱ jun chic ta̱cana̱k joꞌ nak laj e̱chal re li uvas naxsicꞌ li ru xcaꞌ sut. Ma̱cꞌaꞌ chic naxcanab.—

2 Reyes 25:8

Yo̱ chic bele̱laju chihab roquic laj Nabucodonosor chokꞌ xreyeb laj Babilonia. Cuukub cutan chic xticlajic li roꞌ po re li chihab aꞌan nak laj Nabuzaradán quicuulac Jerusalén. Aꞌan li nataklan saꞌ xbe̱neb li soldado li nequeꞌcꞌacꞌalen re li rey aran Babilonia.

2 Reyes 25:11

Ut laj Nabuzaradán quixchapeb li joꞌ qꞌuialeb chic li tenamit li queꞌcana ut quixcꞌameb Babilonia joꞌqueb ajcuiꞌ li nequeꞌcꞌanjelac saꞌ li tenamit. Ut quixcꞌameb ajcuiꞌ li queꞌoquen chirix lix reyeb laj Babilonia.

Jeremías 39:9

Tojoꞌnak laj Nabuzaradán li nataklan saꞌ xbe̱neb chixjunileb li soldado, quixchapeb ut quixcꞌameb chi pre̱xil aran Babilonia chixjunileb li cristian li queꞌcana saꞌ li tenamit. Ut quixcꞌameb ajcuiꞌ li queꞌxkꞌaxtesi ribeb rubeleb xcuanquil.

Jeremías 52:29

Nak yo̱ cuakxaklaju chihab roquic chokꞌ rey, quixcꞌam chi pre̱xil cuakxakib ciento riqꞌuin cablaju xcaꞌcꞌa̱l (832) laj Jerusalén.