Jeremías 52:3 - Li Santil hu

³ Xban nak quijoskꞌoꞌ li Ka̱cuaꞌ saꞌ xbe̱neb laj Judá ut eb laj Jerusalén, joꞌcan nak queꞌxcꞌul chixjunil li raylal aꞌin toj retal nak li Ka̱cuaꞌ quirisiheb saꞌ lix naꞌajeb. Ut li rey Sedequías incꞌaꞌ chic quixqꞌue rib chixtakla laj Nabucodonosor lix reyeb laj Babilonia.

Q'eqchi Bible

³ Jo'kan naq li Qaawa' kijosq'o'k rik'ineb' laj Jerusalén ut eb' laj Judá, ut ink'a' chik kiraj rilb'aleb' ru. Laj Sedesías kixq'etq'eti rib' chiru li awab'ej re Babilonia.

Jeremías 52:3 ပူးပေါင်းရင်းမြစ်များ

Isaías 3:1

Qꞌuehomak retal. Li Ka̱cuaꞌ li kꞌaxal nim xcuanquil ta̱risi Jerusalén ut Judá li cꞌaꞌak re ru li nequecꞌojob cuiꞌ e̱chꞌo̱l. Ut ta̱risi le̱ cua ut le̱ haꞌ.

2 Crónicas 36:13

Quixkꞌetkꞌeti rib chiru li rey Nabucodonosor ut incꞌaꞌ chic quiraj xba̱nunquil li juramento li quixba̱nu saꞌ xcꞌabaꞌ li Dios riqꞌuin laj Nabucodonosor. Quixcacuubresi ban lix chꞌo̱l ut incꞌaꞌ quiraj sukꞌi̱c riqꞌuin li Ka̱cuaꞌ lix Dioseb laj Israel.

Isaías 19:4

Ut tinkꞌaxtesiheb saꞌ rukꞌ jun li cui̱nk kꞌaxal joskꞌ. Cꞌajoꞌ li raylal teꞌxcꞌul nak li rey aꞌan ta̱takla̱nk saꞌ xbe̱neb, chan li Ka̱cuaꞌ li nimajcual Dios.

Eclesiastés 10:16

Tokꞌob ru li tenamit li cuan xrey toj sa̱j, xban nak toj ma̱cꞌaꞌ xnaꞌleb. Ut li nequeꞌtenkꞌan re li rey junes ninkꞌei̱c nequeꞌxcꞌoxla.

Proverbios 28:2

Nak li tenamit incꞌaꞌ sa saꞌ xchꞌo̱l cocꞌ aj xsaꞌ nequeꞌxjal li acuabej. Abanan nak cuan junak acuabej cha̱bil xnaꞌleb, li tenamit cau rib ut xakxo saꞌ xnaꞌaj.

1 Reyes 10:9

Lokꞌoninbil taxak ru li Ka̱cuaꞌ la̱ Dios xban nak xcꞌojob xchꞌo̱l saꞌ a̱be̱n ut xatxxakab saꞌ li cuanquilal saꞌ xbe̱neb laj Israel. Li Ka̱cuaꞌ junelic naxraheb laj Israel. Joꞌcan nak xatxxakab chokꞌ xreyeb re nak tattakla̱nk saꞌ xbe̱neb saꞌ xya̱lal ut saꞌ ti̱quilal, chan.

2 Samuel 24:1

Quichal cuiꞌchic xjoskꞌil li Ka̱cuaꞌ Dios saꞌ xbe̱neb laj Israel. Joꞌcan nak quixqꞌue xjoskꞌil laj David saꞌ xbe̱neb. Quiyeheꞌ re laj David nak ta̱rajlaheb chixjunileb laj Israel ut eb laj Judá.

Génesis 4:14

Xina̱cuisi saꞌ li naꞌajej aꞌin ut incꞌaꞌ chic tina̱cuil. Junes xbeninquil cuib aj chic tinba̱nu saꞌ ruchichꞌochꞌ. Ut yalak ani ta̱taꞌok cue, tinixcamsi, chan.

Génesis 4:16

Qui-el laj Caín chiru li Ka̱cuaꞌ Dios. Ut co̱ chi cua̱nc saꞌ jun li naꞌajej Nod xcꞌabaꞌ li cuan saꞌ releb sakꞌe re li Edén.

2 Reyes 24:20

Ut quichal xjoskꞌil li Ka̱cuaꞌ saꞌ xbe̱neb laj Jerusalén ut saꞌ xbe̱neb laj Judá toj retal nak quixcanabeb chi cꞌamecꞌ saꞌ jalan tenamit. Mokon chic li rey Sedequías quipletic riqꞌuin lix reyeb laj Babilonia.

Jeremías 7:15

Texintzꞌekta̱na joꞌ nak quintzꞌekta̱naheb chixjunileb le̱ rechꞌalal, li ralal xcꞌajol laj Efraín. La̱in li Ka̱cuaꞌ ninyehoc re aꞌin.—

Jeremías 15:1

Tojoꞌnak li Ka̱cuaꞌ quixye cue: —Usta laj Moisés ut laj Samuel teꞌcha̱lk chi a̱tinac cuiqꞌuin chirix li tenamit aꞌin, abanan la̱in incꞌaꞌ tincuil xtokꞌoba̱l ruheb. Xicakeb. Isiheb chicuu.

2 Reyes 17:18

Cꞌajoꞌ nak quichal xjoskꞌil li Dios saꞌ xbe̱neb laj Israel xban li ma̱usilal queꞌxba̱nu. Joꞌcan nak quirisiheb saꞌ lix naꞌajeb. Caꞌaj chic eb li ralal xcꞌajol laj Judá queꞌcana saꞌ li naꞌajej aꞌan.

2 Reyes 17:20

Joꞌcan nak li Ka̱cuaꞌ quixtzꞌekta̱naheb chixjunileb laj Israel. Quixtakla li raylal saꞌ xbe̱neb ut quixcanabeb saꞌ rukꞌeb li xicꞌ nequeꞌiloc reheb toj retal nak queꞌisi̱c saꞌ lix naꞌajeb.

2 Reyes 17:23

toj retal nak li Dios quixcanabeb re nak teꞌchapekꞌ xbaneb jalan tenamit joꞌ quiyeheꞌ reheb xbaneb lix profeta li Dios. Joꞌcan nak queꞌchapeꞌ ut queꞌcꞌameꞌ Asiria. Ut aran cuanqueb toj chalen anakcuan.

Esdras 4:15

Naru ta̱sicꞌ saꞌ eb li hu li xocbil a̱ban, li tzꞌi̱banbil cuiꞌ retalil li cꞌaꞌru quicꞌulman chiruheb la̱ xeꞌto̱nil yucuaꞌ. Ta̱cuil saꞌ li hu aꞌan nak li tenamit Jerusalén, aꞌan jun tenamit aj kꞌetol a̱tin ut incꞌaꞌ useb xnaꞌleb. Chꞌaꞌaj chokꞌ a̱cue la̱at ut chokꞌ reheb li tenamit. Xban nak incꞌaꞌ useb xnaꞌleb, joꞌcan nak quisacheꞌ ruheb junxil.

Isaías 36:5

Ma̱re nacacꞌoxla nak riqꞌuin a̱tinac naru ta̱col a̱cuib chicuu. ¿Ma aꞌan ta̱qꞌuehok xcacuil a̱chꞌo̱l? ¿Ani ta̱tenkꞌa̱nk a̱cue chi pletic cuiqꞌuin nak nacacꞌoxla?