Jeremías 52:28 - Li Santil hu

²⁸ Aꞌan aꞌin lix qꞌuialeb li tenamit li quixcꞌameb chi pre̱xil laj Nabucodonosor. Nak yo̱ cuukub chihab roquic chokꞌ rey quixcꞌam oxib mil riqꞌuin oxib xcaꞌcꞌa̱l (3,023) eb laj Judá.

Q'eqchi Bible

²⁸ A'an a'in xk'ihaleb' laj Judá li kixk'ameb' chi preexil laj Nabukodonosor sa' xwuq xchihab' chi awab'ejink: oxib' xkab'lajuk'aal xwaqxaq o'q'ob' (3,023) chi poyanam aj Judá;

Jeremías 52:28 ပူးပေါင်းရင်းမြစ်များ

2 Crónicas 36:20

Chixjunileb li incꞌaꞌ queꞌcamsi̱c, queꞌchapeꞌ ut queꞌcꞌameꞌ Babilonia. Ut aran queꞌcana chokꞌ xmo̱seb li rey ut chokꞌ xmo̱seb li ralal xcꞌajol toj quicuulac xkꞌehil nak eb laj Persia queꞌnumta saꞌ xbe̱neb laj Babilonia.

Esdras 2:1

Aꞌaneb aꞌin li ralal xcꞌajoleb laj Israel li yoꞌlajenakeb aran Judá li queꞌchapeꞌ ut queꞌcꞌameꞌ Babilonia. Queꞌsukꞌi cuiꞌchic Jerusalén ut saꞌ eb li naꞌajej li cuanqueb Judá. Ac saꞌ xnaꞌajeb queꞌcana li junju̱nk.

Nehemías 7:6

Aꞌan aꞌin lix cꞌabaꞌeb laj Israel li queꞌchapeꞌ ut queꞌcꞌameꞌ Babilonia xban li rey Nabucodonosor ut queꞌsukꞌi cuiꞌchic Jerusalén ut Judá. Ac saꞌ xtenamit queꞌcana li junju̱nk.

Jeremías 52:29

Nak yo̱ cuakxaklaju chihab roquic chokꞌ rey, quixcꞌam chi pre̱xil cuakxakib ciento riqꞌuin cablaju xcaꞌcꞌa̱l (832) laj Jerusalén.

Ezequiel 12:11

Ta̱ye reheb nak la̱at jun li retalil chokꞌ reheb. Joꞌ caba̱nu la̱at, joꞌcan teꞌxcꞌul eb aꞌan. Teꞌchapekꞌ ut teꞌcꞌamekꞌ chi pre̱xil saꞌ jalan naꞌajej.

Jeremías 13:19

Eb li tenamit li cuanqueb Neguev tzꞌaptzꞌo chic lix puertileb. Ut ma̱ ani chic ta̱ru̱k ta̱tehok re. Chixjunileb li cuanqueb Judá teꞌchapekꞌ ut teꞌcꞌamekꞌ saꞌ jalan tenamit.

Lamentaciones 1:5

Eb li xicꞌ nequeꞌiloc reheb, aꞌaneb chic li nequeꞌtaklan saꞌ xbe̱neb. Eb li xicꞌ nequeꞌiloc reheb us nequeꞌel riqꞌuin li cꞌaꞌru nequeꞌxba̱nu. Li Ka̱cuaꞌ quixqꞌueheb li ralal xcꞌajol laj Judá chixtojbal rix lix ma̱queb. Eb li ralal xcꞌajol queꞌchapeꞌ ut queꞌcꞌameꞌ chi najt xbaneb li xicꞌ nequeꞌiloc reheb.