Jeremías 52:27 - Li Santil hu

²⁷ Laj Nabucodonosor, lix reyeb laj Babilonia, quixtakla xcamsinquileb aran Ribla, li cuan saꞌ xcue̱nt Hamat. Joꞌcaꞌin nak eb laj Judá queꞌisi̱c saꞌ lix tenamiteb ut queꞌcꞌameꞌ chi pre̱xil.

Jeremías 52:27 ပူးပေါင်းရင်းမြစ်များ

Miqueas 4:10

Chexya̱bak ut chirahokꞌ saꞌ e̱chꞌo̱l la̱ex li cuanquex Sión joꞌ jun li ixk li oc re chi qꞌuira̱c. Chiyotꞌekꞌ e̱chꞌo̱l xban nak anakcuan tento nak tex-e̱lk saꞌ le̱ tenamit ut texxic chi cua̱nc saꞌ cꞌaleba̱l. Texcꞌamekꞌ aran Babilonia, abanan texcolekꞌ xban nak li Ka̱cuaꞌ ta̱isi̱nk e̱re saꞌ rukꞌeb li xicꞌ nequeꞌiloc e̱re.

Ezequiel 33:28

La̱in tinsach ru li naꞌajej ut ma̱cꞌaꞌ chic ta̱cua̱nk chi saꞌ. Tinsach lix cuanquileb li queꞌxkꞌetkꞌeti cuiꞌ ribeb. Ma̱cꞌaꞌ chic tincanab saꞌ eb li tzu̱l li cuanqueb Israel toj retal nak ma̱ ani ta̱numekꞌ aran.

Isaías 27:10

Li tenamit li kꞌaxal cau rib nak quicuan quitzꞌekta̱na̱c. Ma̱cꞌaꞌ chic cuan chi saꞌ. Chanchan li chaki chꞌochꞌ. Aran nequeꞌcuaꞌac li cuacax saꞌ li pachꞌayaꞌ ut aran ajcuiꞌ nequeꞌhilan.

Jeremías 52:9

Nak ac xeꞌxchap li rey Sedequías, queꞌxcꞌam aran Ribla li cuan saꞌ xcue̱nt Hamat ut queꞌxcꞌam riqꞌuin lix reyeb laj Babilonia. Ut aran quirakeꞌ a̱tin saꞌ xbe̱n.

Jeremías 39:10

Abanan, laj Nabuzaradán, li nataklan, quixcanab saꞌ li naꞌajej Judá eb li nebaꞌ, li ma̱cꞌaꞌ cuan reheb. Ut quixqꞌue reheb lix chꞌochꞌeb ut li racui̱mkeb uvas.

Jeremías 20:4

Li Ka̱cuaꞌ quixye, “Xinba̱nu chi joꞌcan xban nak la̱in tinba̱nu nak la̱at ajcuiꞌ tatxucuak chirilbal li cꞌaꞌru ta̱ba̱nu ut teꞌxucuak ajcuiꞌ eb la̱ cuami̱g. Eb aꞌan teꞌcamsi̱k chi chꞌi̱chꞌ xbaneb li xicꞌ nequeꞌiloc reheb. Chixjunileb laj Judá tebinkꞌaxtesi saꞌ rukꞌeb lix reyeb laj Babilonia ut teꞌcꞌamekꞌ chi pre̱xil Babilonia malaj ut teꞌcamsi̱k chi chꞌi̱chꞌ.

Isaías 24:3

Ta̱sachekꞌ ru chixjunil li cuan saꞌ ruchichꞌochꞌ. Ma̱cꞌaꞌ chic cuan chiru ta̱cana̱k. Li Ka̱cuaꞌ li nimajcual Dios, aꞌan li quiyehoc re aꞌin.

2 Reyes 23:27

Joꞌcan nak li Ka̱cuaꞌ quixye: —La̱in tinsach ruheb laj Judá joꞌ nak xinsach ruheb laj Israel. Tintzꞌekta̱na li tenamit Jerusalén li sicꞌbil ru inban. Tintzꞌekta̱na li templo usta xinye nak aran tinlokꞌoni̱k chi junelic, chan li Dios.

2 Reyes 17:23

toj retal nak li Dios quixcanabeb re nak teꞌchapekꞌ xbaneb jalan tenamit joꞌ quiyeheꞌ reheb xbaneb lix profeta li Dios. Joꞌcan nak queꞌchapeꞌ ut queꞌcꞌameꞌ Asiria. Ut aran cuanqueb toj chalen anakcuan.

2 Reyes 17:20

Joꞌcan nak li Ka̱cuaꞌ quixtzꞌekta̱naheb chixjunileb laj Israel. Quixtakla li raylal saꞌ xbe̱neb ut quixcanabeb saꞌ rukꞌeb li xicꞌ nequeꞌiloc reheb toj retal nak queꞌisi̱c saꞌ lix naꞌajeb.

2 Samuel 8:9

Ut laj Toi, lix reyeb li cuanqueb saꞌ li tenamit Hamat, quirabi resil nak laj David quinumta saꞌ xbe̱neb chixjunileb lix soldados laj Hadad-ezer.

Deuteronomio 28:64

Li Ka̱cuaꞌ tixchaꞌchaꞌi e̱ru yalak bar saꞌ ruchichꞌochꞌ. Ut saꞌ eb li naꞌajej aꞌan te̱lokꞌoni li jalanil dios li yi̱banbil riqꞌuin cheꞌ ut pec, chi moco la̱ex chi moco le̱ xeꞌto̱nil yucuaꞌ queꞌxlokꞌoniheb junxil.

Deuteronomio 28:36

Li Ka̱cuaꞌ texqꞌue chi cꞌamecꞌ la̱ex joꞌ ajcuiꞌ le̱ rey saꞌ jalan tenamit li incꞌaꞌ nequenau ru, chi moco le̱ xeꞌto̱nil yucuaꞌ queꞌxnau ru. Ut aran te̱lokꞌoni li jalanil dios li yi̱banbileb riqꞌuin cheꞌ ut riqꞌuin pec.

Deuteronomio 4:26

Cutan saken chiru li choxa ut li ruchichꞌochꞌ nak ya̱l li yo̱quin chixyebal e̱re. Cui la̱ex te̱yi̱b le̱ pechꞌbil dios, saꞌ junpa̱t ta̱sachekꞌ e̱ru. Incꞌaꞌ najt texcua̱nk saꞌ li chꞌochꞌ li oc e̱re chire̱chaninquil nak texnumekꞌ jun pacꞌal li nimaꞌ Jordán.

Jeremías 13:19

Eb li tenamit li cuanqueb Neguev tzꞌaptzꞌo chic lix puertileb. Ut ma̱ ani chic ta̱ru̱k ta̱tehok re. Chixjunileb li cuanqueb Judá teꞌchapekꞌ ut teꞌcꞌamekꞌ saꞌ jalan tenamit.

Jeremías 39:9

Tojoꞌnak laj Nabuzaradán li nataklan saꞌ xbe̱neb chixjunileb li soldado, quixchapeb ut quixcꞌameb chi pre̱xil aran Babilonia chixjunileb li cristian li queꞌcana saꞌ li tenamit. Ut quixcꞌameb ajcuiꞌ li queꞌxkꞌaxtesi ribeb rubeleb xcuanquil.

Isaías 43:28

Eb li nequeꞌtaklan saꞌ e̱be̱n xeꞌxmux ru lin templo. Joꞌcan nak la̱in xincanabeb chi sachc laj Israel. Xincanabeb lin tenamit chi hobecꞌ, chan li Dios.

Jeremías 21:7

Abanan la̱at, at rey, ut eb li nequeꞌtenkꞌan a̱cue, texinkꞌaxtesi saꞌ rukꞌ laj Nabucodonosor. Joꞌ qꞌuial chic li tenamit li incꞌaꞌ teꞌca̱mk xban li ple̱t malaj xban li caki yajel malaj xban li cueꞌej, tebinkꞌaxtesi ajcuiꞌ saꞌ rukꞌeb li xicꞌ nequeꞌiloc e̱re li teꞌraj e̱camsinquil. Eb aꞌan incꞌaꞌ teꞌril xtokꞌoba̱l e̱ru, chi moco teꞌxcuy e̱ma̱c. Texcamsi̱k ban chi chꞌi̱chꞌ.”