Jeremías 52:26 - Li Santil hu

²⁶ Laj Nabuzaradán quixcꞌameb chixjunileb toj Ribla ut quixkꞌaxtesiheb saꞌ rukꞌ lix reyeb laj Babilonia.

Q'eqchi Bible

^26-27 Laj Nabusaradán, li xjolomileb' laj k'aak'alenel, kixk'am chixjunileb' li poyanam a'in chiru li awab'ej re Babilonia, li toj wank aran Riblá, sa' xteepal Jamat. Ut aran laj Nabukodonosor kixk'eheb' chi kamsiik. Chi jo'ka'in naq eb' laj Judá ke'isiik sa' li xtenamiteb'.

Jeremías 52:26 ပူးပေါင်းရင်းမြစ်များ

2 Reyes 25:8

Yo̱ chic bele̱laju chihab roquic laj Nabucodonosor chokꞌ xreyeb laj Babilonia. Cuukub cutan chic xticlajic li roꞌ po re li chihab aꞌan nak laj Nabuzaradán quicuulac Jerusalén. Aꞌan li nataklan saꞌ xbe̱neb li soldado li nequeꞌcꞌacꞌalen re li rey aran Babilonia.

2 Reyes 25:20

Chixjunileb queꞌcꞌameꞌ saꞌ li tenamit Ribla li cuan saꞌ li naꞌajej Hamat. Aran queꞌcꞌameꞌ riqꞌuin li rey Nabucodonosor.

Jeremías 39:5

Abanan eb lix soldado laj Babilonia queꞌxta̱keheb toj retal coxeꞌxtauheb saꞌ li ru takꞌa li cuan nachꞌ riqꞌuin li tenamit Jericó. Queꞌxchap laj Sedequías ut queꞌxcꞌam riqꞌuin laj Nabucodonosor lix reyeb laj Babilonia saꞌ li tenamit Ribla saꞌ li naꞌajej Hamat. Ut aran queꞌxrak a̱tin saꞌ xbe̱n.

Jeremías 39:9

Tojoꞌnak laj Nabuzaradán li nataklan saꞌ xbe̱neb chixjunileb li soldado, quixchapeb ut quixcꞌameb chi pre̱xil aran Babilonia chixjunileb li cristian li queꞌcana saꞌ li tenamit. Ut quixcꞌameb ajcuiꞌ li queꞌxkꞌaxtesi ribeb rubeleb xcuanquil.

Números 34:11

Ta̱numekꞌ Sefam ut ta̱cuulak Ribla li cuan saꞌ li este re li naꞌajej Aín xcꞌabaꞌ. Ut ta̱cuulak chire li palau Cineret saꞌ li este.

2 Reyes 23:33

Li rey Necao quixchap laj Joacaz ut quixqꞌue chi pre̱xil aran Ribla li cuan saꞌ xcue̱nt Hamat. Quixba̱nu chi joꞌcan re nak laj Joacaz incꞌaꞌ chic ta̱takla̱nk aran Jerusalén. Ut laj Necao quixpuersiheb laj Judá chi xtojbal numenak cuuklaju xca̱cꞌa̱l quintal (72) li plata ut caꞌchꞌin chic ma̱ oxib arroba li oro.