Jeremías 52:24 - Li Santil hu

²⁴ Laj Nabuzaradán li nataklan saꞌ xbe̱neb li soldados li nequeꞌcꞌacꞌalen re li rey quixchap laj Seraías li xbe̱nil aj tij. Ut quixchap ajcuiꞌ laj Sofonías li xcab aj tij joꞌ eb ajcuiꞌ li oxib chi cui̱nk li queꞌcꞌacꞌalen re li oqueba̱l re li templo.

Q'eqchi Bible

²⁴ Li xjolomileb' laj puub' kixchap laj Seraías, li xb'eenil aj tij, ut laj Sofonías, li xkab'il, jo'wi' oxib'eb' chik li neke'ilok re li rokeb'aal li rochoch li Qaawa'.

Jeremías 52:24 ပူးပေါင်းရင်းမြစ်များ

2 Reyes 25:18

Ut laj Seraías li xbe̱nil aj tij quichapeꞌ ut quicꞌameꞌ xbaneb lix soldado laj Nabuzaradán. Ut quicꞌameꞌ ajcuiꞌ laj Sofonías li xcab aj tij. Ut queꞌcꞌameꞌ li oxib chi cui̱nk li queꞌcꞌacꞌalen re li oqueba̱l re li templo.

Jeremías 37:3

Li rey Sedequías quixtakla laj Jucal li ralal laj Selemías riqꞌuin li profeta Jeremías rochben laj Sofonías laj tij li ralal laj Maasías. Ut queꞌxye re laj Jeremías: —Chattijok chikix chiru li Ka̱cuaꞌ li kaDios, chanqueb.

Jeremías 35:4

Xincꞌameb saꞌ jun li naꞌajej li cuan chire li templo saꞌ lix naꞌajeb li ralal laj Hanán, li ralal li profeta Igdalías. Li naꞌajej aꞌan cuan chixcꞌatk lix naꞌajeb li cuanqueb xcuanquil saꞌ li templo ut cuan saꞌ xbe̱n lix naꞌaj laj Maasías, li ralal laj Salum, li nacꞌacꞌalen saꞌ li oqueba̱l.

Jeremías 29:25

Li Ka̱cuaꞌ lix Dioseb laj Israel naxye chi joꞌcaꞌin: —La̱at xataklaheb li hu saꞌ a̱cꞌabaꞌ la̱at reheb li cuanqueb Jerusalén ut re laj Sofonías laj tij li ralal laj Maasías ut reheb ajcuiꞌ chixjunileb laj tij. Ut xaye re laj Sofonías chi joꞌcaꞌin:

Jeremías 21:1

Laj Sedequías lix reyeb laj Judá quixtakla laj Pasur li ralal laj Malquías riqꞌuin laj Jeremías. Ut quixtakla ajcuiꞌ laj Sofonías laj tij ralal laj Maasías re teꞌxye re laj Jeremías chi joꞌcaꞌin:

1 Crónicas 6:14

laj Azarías, aꞌan lix yucuaꞌ laj Seraías; laj Seraías, aꞌan lix yucuaꞌ laj Josadac;

Jeremías 52:15

Laj Nabuzaradán li nataklan saꞌ xbe̱neb li soldado li nequeꞌcꞌacꞌalen re li rey, quixchapeb li nebaꞌ ut eb li cristian li queꞌcana saꞌ li tenamit. Quixchapeb ajcuiꞌ li queꞌoquen chirix lix reyeb laj Babilonia. Quixchap chixjunileb li tenamit ut quixcꞌameb chi pre̱xil aran Babilonia.

Jeremías 29:29

Ut laj Sofonías laj tij quiril xsaꞌ li hu chiru li profeta Jeremías.

Esdras 7:1

Nak quicuan laj Artajerjes chokꞌ xreyeb laj Persia, quicuan jun li cui̱nk aj Esdras xcꞌabaꞌ. Aꞌan ralal laj Seraías. Ut laj Seraías, aꞌan ralal laj Azarías. Ut laj Azarías, aꞌan ralal laj Hilcías.

Jeremías 52:12

Yo̱ chic bele̱laju chihab roquic laj Nabucodonosor chokꞌ xreyeb laj Babilonia. Laje̱b cutan chic xticlajic li roꞌ po re li chihab aꞌan nak laj Nabuzaradán quicuulac Jerusalén. Aꞌan li nataklan saꞌ xbe̱neb li soldado li nequeꞌcꞌacꞌalen re li rey aran Babilonia.

Salmos 84:10

Kꞌaxal lokꞌ li cua̱nc saꞌ la̱ templo usta jun cutan ajcuiꞌ chiru li cua̱nc jun mil cutan saꞌ jalan naꞌajej. Kꞌaxal us chokꞌ cue la̱in cua̱nc saꞌ la̱ cuochoch, usta caꞌaj cuiꞌ rilbal li oqueba̱l tinba̱nu, chiru li cua̱nc saꞌ jun cha̱bil naꞌajej li nequeꞌxba̱nu cuiꞌ li ma̱usilal.

2 Reyes 23:4

Li rey Josías quixtakla laj Hilcías li xbe̱nil aj tij, joꞌqueb ajcuiꞌ li xcabil aj tij ut eb li nequeꞌcꞌacꞌalen re li templo. Quixye reheb nak teꞌrisi saꞌ lix templo li Ka̱cuaꞌ chixjunil li quicꞌanjelac re xlokꞌoninquil laj Baal ut lix Asera. Teꞌrisi ajcuiꞌ chixjunil li quicꞌanjelac re xlokꞌoninquil li sakꞌe, li po ut eb li chahim. Ut li rey Josías quixcꞌat chixjunil chire li tenamit Jerusalén saꞌ li cꞌaleba̱l Cedrón ut quixtakla lix chahil aran Bet-el.

Jeremías 34:21

La̱in tinkꞌaxtesi laj Sedequías lix reyeb laj Judá saꞌ rukꞌeb lix soldado lix reyeb laj Babilonia li queꞌxcanab pletic e̱riqꞌuin. Tinkꞌaxtesiheb ajcuiꞌ li nequeꞌtenkꞌan re laj Sedequías.

Lamentaciones 4:16

Xban xjoskꞌil li Ka̱cuaꞌ quixchaꞌchaꞌi ruheb ut incꞌaꞌ chic quixcꞌoxlaheb. Incꞌaꞌ queꞌqꞌueheꞌ xlokꞌal eb laj tij chi moco queꞌileꞌ xtokꞌoba̱l ruheb li nequeꞌcꞌamoc be.

Ezequiel 11:7

Joꞌcan nak li Ka̱cuaꞌ Dios naxye chi joꞌcaꞌin: La̱in texcuisi saꞌ li tenamit. Aꞌ chic li cristian li xecamsiheb teꞌcana̱k saꞌ li tenamit. Chanchanakeb li tib saꞌ li ucꞌal.

Ezequiel 24:5

Te̱sicꞌ ru lix tibel li carner, li kꞌaxal cha̱bil. Te̱tus li siꞌ rubel li ucꞌal. Ut te̱canab chi cuokxi̱nc li haꞌ. Te̱chik li tib ut li bak saꞌ li ucꞌal.

Ezequiel 34:10

Joꞌcaꞌin naxye li nimajcual Dios: —La̱in yo̱ injoskꞌil saꞌ e̱be̱n la̱ex aj ilol xul ut tinqꞌue saꞌ e̱be̱n li cꞌaꞌru nequeꞌxcꞌul lin carner. Tincoleb che̱ru. Ma̱cuaꞌ chic la̱ex tex-ilok reheb. La̱in tincuisiheb che̱ru re nak incꞌaꞌ chic yo̱kex chixtiubaleb. Incꞌaꞌ chic te̱chꞌolani e̱rib e̱junes.

Jeremías 20:4

Li Ka̱cuaꞌ quixye, “Xinba̱nu chi joꞌcan xban nak la̱in tinba̱nu nak la̱at ajcuiꞌ tatxucuak chirilbal li cꞌaꞌru ta̱ba̱nu ut teꞌxucuak ajcuiꞌ eb la̱ cuami̱g. Eb aꞌan teꞌcamsi̱k chi chꞌi̱chꞌ xbaneb li xicꞌ nequeꞌiloc reheb. Chixjunileb laj Judá tebinkꞌaxtesi saꞌ rukꞌeb lix reyeb laj Babilonia ut teꞌcꞌamekꞌ chi pre̱xil Babilonia malaj ut teꞌcamsi̱k chi chꞌi̱chꞌ.