Jeremías 52:20 - Li Santil hu

²⁰ Incꞌaꞌ quiru xbisbal li bronce li quicꞌanjelac re xyi̱banquil li cuib chi okech, li nimla pila ut li cablaju chi cuacax li quihilan cuiꞌ li pila, joꞌ eb ajcuiꞌ li cꞌochleba̱l, xban nak kꞌaxal nabal. Chixjunil aꞌin quixtakla xyi̱banquil li rey Salomón re ta̱cꞌanjelak saꞌ lix templo li Ka̱cuaꞌ.

Q'eqchi Bible

²⁰ Ink'a' kiruuk xb'isb'al li raalal li wiib' chi oqech, li nimla xna'aj li ha', eb' li kab'laju chi xjalam u eb' li b'ooyx yiib'anb'il rik'in q'anch'iich' li ke'wank rub'el li xna'aj li ha', jo' ajwi' eb' li k'ochleb'aal li kixk'e chi yiib'aak laj Salomón, li awab'ej, cho'q re li rochoch li Qaawa'; ink'a' kinawmank jo'k'ihal li raalal.

Jeremías 52:20 ပူးပေါင်းရင်းမြစ်များ

1 Reyes 7:47

Li rey Salomón incꞌaꞌ quixbis joꞌ qꞌuial li bronce li qui-oc saꞌ eb li secꞌ xban nak kꞌaxal cuiꞌchic nabal.

2 Reyes 25:16

Li cꞌaꞌak re ru yi̱banbil riqꞌuin bronce xban li rey Salomón kꞌaxal nabal. Li cuib chi ni̱nki okech, li pila joꞌ eb ajcuiꞌ li cablaju chi cuacax bronce li queꞌhilan cuiꞌ li pila, ma̱ ani nanaꞌoc re joꞌ qꞌuial tzꞌakal li ra̱lal xban nak incꞌaꞌ quiru xbisbal.

2 Crónicas 4:18

Kꞌaxal cuiꞌchic nabal li cꞌaꞌak re ru li quixqꞌue chi yi̱ba̱c riqꞌuin bronce li rey Salomón. Incꞌaꞌ queꞌru xbisbal xban xqꞌuial.

1 Crónicas 22:14

Xinqꞌue inchꞌo̱l chixchꞌutubanquil li cꞌaꞌru ta̱cꞌanjelak re lix templo li Ka̱cuaꞌ. Cuakib xca̱cꞌa̱l mil (66,000) quintal li oro xinxoc joꞌ ajcuiꞌ cuakib ciento riqꞌuin oxcꞌa̱l mil (660,000) quintal li plata li ta̱cꞌanjelak re xyi̱banquil li templo. Ut cuan ajcuiꞌ nabal li hierro ut li bronce incꞌaꞌ naru xbisbal xban xqꞌuial. Cuan ajcuiꞌ li pec ut li cheꞌ, abanan tento nak ta̱chꞌutub xtzꞌakob.

1 Reyes 7:25

Li pila aꞌin queꞌxtochob saꞌ xbe̱neb cablaju chi bo̱yx yi̱banbileb riqꞌuin bronce. Oxib li bo̱yx nequeꞌiloc saꞌ li norte. Li oxib chic nequeꞌiloc saꞌ li occidente. Ut li oxib chic nequeꞌiloc saꞌ li sur. Ut li oxib chic nequeꞌiloc saꞌ li oriente. Li pila queꞌxchunub saꞌ xbe̱neb li bo̱yx ut li rokeb li bo̱yx li cuan chirixeb queꞌcana rubel li pila.

Jeremías 52:17

Eb laj Babilonia queꞌxjor li okech yi̱banbil riqꞌuin bronce li cuan saꞌ lix templo li Dios. Queꞌxjor ajcuiꞌ li nimla pila li yi̱banbil riqꞌuin bronce joꞌ ajcuiꞌ lix cꞌochleba̱l. Ut queꞌxcꞌam chixjunil li bronce aran Babilonia.