Jeremías 52:11 - Li Santil hu

¹¹ Queꞌrisi lix nakꞌ ru xcabichal laj Sedequías. Queꞌxbacꞌ riqꞌuin cadena ut queꞌxcꞌam toj Babilonia ut queꞌxqꞌue saꞌ tzꞌalam. Ut aran quicuan toj retal quicam.

Q'eqchi Bible

¹¹ Li awab'ej re Judá ki'isiik xsa'eb' li ru, kib'ak'e'k rik'in kareen ut kik'ame'k xb'aan laj Nabukodonosor toj Babilonia, b'arwi' kiwank sa' tz'alam toj sa' xq'ehil li xkamik.

Jeremías 52:11 ပူးပေါင်းရင်းမြစ်များ

Ezequiel 12:13

La̱in li Ka̱cuaꞌ tinqꞌue lin raꞌal re nak ta̱chapekꞌ. La̱in tincꞌam toj Babilonia saꞌ lix naꞌajeb laj Caldea, abanan aꞌan incꞌaꞌ ta̱ril li naꞌajej. Aran ta̱ca̱mk.

Jeremías 39:7

Chirix aꞌan queꞌrisi li xnakꞌ ru laj Sedequías ut queꞌxbacꞌ riqꞌuin cadena re teꞌxcꞌam Babilonia.

Ezequiel 17:16

La̱in li yoꞌyo̱quil Dios ninye nak relic chi ya̱l lix reyeb laj Judá ta̱ca̱mk aran Babilonia xban nak incꞌaꞌ quixba̱nu li quixye saꞌ li contrato. Quixtzꞌekta̱na li juramento li quixba̱nu riqꞌuin lix reyeb laj Babilonia li quiqꞌuehoc re saꞌ lix cuanquil.

Jeremías 21:7

Abanan la̱at, at rey, ut eb li nequeꞌtenkꞌan a̱cue, texinkꞌaxtesi saꞌ rukꞌ laj Nabucodonosor. Joꞌ qꞌuial chic li tenamit li incꞌaꞌ teꞌca̱mk xban li ple̱t malaj xban li caki yajel malaj xban li cueꞌej, tebinkꞌaxtesi ajcuiꞌ saꞌ rukꞌeb li xicꞌ nequeꞌiloc e̱re li teꞌraj e̱camsinquil. Eb aꞌan incꞌaꞌ teꞌril xtokꞌoba̱l e̱ru, chi moco teꞌxcuy e̱ma̱c. Texcamsi̱k ban chi chꞌi̱chꞌ.”

Lamentaciones 2:6

Moco ra ta chiru nak quixqꞌue chi poꞌi̱c li templo. Ut quixsach ru li naꞌajej li nequeꞌlokꞌonin cuiꞌ li tenamit. Incꞌaꞌ chic nequeꞌlokꞌonin saꞌ li hiloba̱l cutan, chi moco nequeꞌxba̱nu li ninkꞌe joꞌ queꞌxba̱nu junxil. Xban xjoskꞌil li Ka̱cuaꞌ, quixtzꞌekta̱naheb chixjunileb, joꞌ li rey, joꞌ eb ajcuiꞌ laj tij.

Ezequiel 23:24

Teꞌcha̱lk chi pletic e̱riqꞌuin ut teꞌcha̱lk nabaleb li soldado rochbeneb. Cua̱nk xcarruajeb ut cua̱nkeb xcꞌanjeleba̱l re pletic. Cua̱nkeb xchꞌi̱chꞌ re xcolbal re xchꞌo̱leb ut cua̱nkeb xpunit chꞌi̱chꞌ. Teꞌxsut le̱ tenamit. Xban nak yo̱ injoskꞌil saꞌ e̱be̱n, la̱in texinkꞌaxtesi saꞌ rukꞌeb ut eb aꞌan teꞌrakok a̱tin saꞌ e̱be̱n joꞌ naxye saꞌ lix chakꞌrabeb.