Jeremías 51:64 - Li Santil hu

⁶⁴ Ut ta̱ye, “Joꞌ nak xsubun li hu saꞌ li haꞌ, joꞌcan ajcuiꞌ nak ta̱osokꞌ li tenamit Babilonia ut incꞌaꞌ chic ta̱usa̱k xban li raylal li quixqꞌue li Ka̱cuaꞌ saꞌ xbe̱n,” chaꞌakat. Joꞌcaꞌin nak quirakeꞌ chi a̱tinac li profeta Jeremías.

Q'eqchi Bible

⁶⁴ ut taaye: «Jo'ka'in naq taasob'e'q Babilonia ut maajun chik taawaklesinq re sa' li rahilal taataqlaaq chaq sa' xb'een xb'aan li Qaawa'»”. Arin xraqe'k chixjunil li xyehom ut xtz'iib'ahom laj Jeremías.

Jeremías 51:64 ပူးပေါင်းရင်းမြစ်များ

Jeremías 51:58

Aꞌan aꞌin li naxye li Ka̱cuaꞌ li nimajcual Dios: —Ta̱juqꞌui̱k li tzꞌac chi junaj cua li sutsu cuiꞌ li tenamit usta kꞌaxal nim ru. Ut teꞌcꞌatekꞌ li oqueba̱l li kꞌaxal najt xteram. Ma̱cꞌaꞌ aj e nak queꞌxtacuasi ribeb li tenamit chi cꞌanjelac xban nak yal quicꞌateꞌ li cꞌaꞌru queꞌxyi̱b, chan.

Li xHu LAJ JOB 31:40

Cui ta xinba̱nu chi joꞌcan, us raj nak ta̱mok li qꞌuix saꞌ lin chꞌochꞌ. Ut incꞌaꞌ chic ta̱mok li trigo. Chimok ta li yibru pim chiru ut incꞌaꞌ chic ta̱mok li cebada.— Riqꞌuin li a̱tin aꞌin, quirakeꞌ chi a̱tinac laj Job.

Apocalipsis 18:21

Ut jun li ángel cau rib quixchap jun li nimla pec, chanchan li nimla pec li nequeꞌrocsi re li molino, ut quixcut saꞌ li palau ut quixye: Joꞌ nak xsach li pec aꞌin saꞌ li palau, joꞌcan ajcuiꞌ nak ta̱sachekꞌ ru li tenamit Babilonia. Incꞌaꞌ chic ta̱ilekꞌ ru.

Salmos 72:20

Arin quirakeꞌ chi tijoc laj David, li ralal laj Isaí.

Apocalipsis 18:2

Quixjap re chi cau xya̱b xcux ut quixye: X-osoꞌ li tenamit Babilonia. Xsacheꞌ xcuanquil li nimla tenamit Babilonia. Li tenamit aꞌan xcana chokꞌ xnaꞌajeb laj tza ut eb li ma̱us aj musikꞌej. Xcana chokꞌ xnaꞌajeb laj xicꞌanel xul li kꞌaxal yibeb ru li incꞌaꞌ nequeꞌtiꞌeꞌ.

Apocalipsis 14:8

Jun chic li ángel yo̱ chi ta̱ke̱nc re ut yo̱ chixyebal: —Ac xsacheꞌ xcuanquil li nimla tenamit Babilonia. Ac xsacheꞌ ru li tenamit. Aꞌan li quicꞌamoc xbeheb chixjunileb li tenamit chi ma̱cobc. Chanchan nak quixcaltesiheb nak quixqꞌueheb chixba̱nunquil li ma̱usilal, chan.

Habacuc 2:13

¿Ma ma̱cuaꞌ ta biꞌ li nimajcual Dios xyehoc re aꞌin? Li tenamit teꞌcꞌanjelak yal re ta̱cꞌatekꞌ. Usta teꞌlubk riqꞌuin li cꞌaꞌru teꞌxba̱nu, abanan ma̱cꞌaꞌ ta̱oc cuiꞌ.

Jeremías 51:42

Chanchan xbutꞌun li tenamit Babilonia nak teꞌcha̱lk li xicꞌ nequeꞌiloc re chixsachbal.

Jeremías 25:27

Ut li Ka̱cuaꞌ quixye cue: —La̱at ta̱ye reheb: Joꞌcaꞌin quixye li Ka̱cuaꞌ li nimajcual Dios, lix Dioseb laj Israel. Cꞌulumak li raylal. Chanchan nak tex-ucꞌak toj texcala̱k ut texxaꞌcuak ut textꞌanekꞌ. Ut incꞌaꞌ chic texcuacli̱k xban li ple̱t li tintakla saꞌ e̱be̱n.

Salmos 76:12

Qꞌuehomak xlokꞌal xban nak aꞌan li na-isin re xyuꞌameb li cuanqueb saꞌ xcuanquil. Eb li rey li cuanqueb saꞌ ruchichꞌochꞌ nequeꞌxucuac chiru xban nak kꞌaxal nim xcuanquil.

Isaías 47:13

Tacuajenakex chirabinquil li qꞌuila naꞌleb li nequeꞌxqꞌue aj qꞌuehol naꞌleb. Cha̱lkeb li nequeꞌkꞌehin riqꞌuin li chahim, li nequeꞌyehoc re cꞌaꞌru ta̱cꞌulma̱nk saꞌ li po junju̱nk. Cheꞌxyal xkꞌe che̱colbal chiru li cꞌaꞌru ta̱cꞌulma̱nk.

Jeremías 9:5

Eb li rami̱gueb rib nequeꞌxbalakꞌi ribeb chi ribileb rib. Ut ma̱ ani naxye li ya̱l. Queꞌcꞌay chi ticꞌtiꞌic ut incꞌaꞌ nequeꞌxcanab xba̱nunquil li ma̱usilal.

Ezequiel 28:19

Queꞌsach xchꞌo̱leb chixjunileb li tenamit li queꞌxnau chanru nak catcuan junxil. Kꞌaxal ra cacꞌul. Quisacheꞌ a̱cuu. Incꞌaꞌ chic tatcua̱nk.

Jeremías 13:4

—Cꞌam li cꞌa̱mal saꞌ li xalokꞌ li bacꞌbo cha̱saꞌ ut tatxic cuan cuiꞌ li nimaꞌ Éufrates. Aran ta̱muk li cꞌa̱mal saꞌ saꞌ xjachalal li sako̱nac, chan li Ka̱cuaꞌ.

Jeremías 19:10

Chirix aꞌan ta̱jor li cuc chiruheb li cui̱nk li xacꞌameb cha̱cuix.