Jeremías 51:6 - Li Santil hu

⁶ Elenkex Babilonia. Colomak e̱rib. Me̱qꞌue e̱rib chi sachecꞌ xban lix ma̱queb laj Babilonia. Xcuulac xkꞌehil nak li Ka̱cuaꞌ tixqꞌue re̱kaj reheb joꞌ xcꞌulubeb xcꞌulbal.

Q'eqchi Bible

⁶ “Elenqex sa' li tenamit Babilonia ut kolomaq eerib', re naq ink'a' texkamq xb'aan li xmaa'usilal. Ak xkutankil li eeqajunk anaqwan, ut tinq'ajkamu Babilonia jo' chanru li xyehom ut xb'aanuhom.

Jeremías 51:6 ပူးပေါင်းရင်းမြစ်များ

Jeremías 50:8

Elenkex Babilonia. Canabomak lix naꞌajeb. Chanchanakex li chiba̱t li nequeꞌcꞌamoc be chiruheb li jun chꞌol chic chiba̱t.

Jeremías 50:28

Cuanqueb li queꞌe̱lelic Babilonia ut queꞌco̱eb Jerusalén ut yo̱queb chixserakꞌinquil chanru nak li Ka̱cuaꞌ li kaDios quixqꞌue re̱kaj li incꞌaꞌ us li queꞌxba̱nu eb laj Babilonia re lix templo li Ka̱cuaꞌ.

Jeremías 50:15

Japomak e̱re chi xjun sutam li tenamit xban nak eb laj Babilonia teꞌxkꞌaxtesi ribeb saꞌ e̱rukꞌ. Yo̱queb chi tꞌanecꞌ li cab li najt xteram ut teꞌtꞌanekꞌ li tzꞌac li sutsu cuiꞌ li tenamit. Xcuulac li ho̱nal nak li Ka̱cuaꞌ tixqꞌue re̱kaj li raylal li queꞌxba̱nu eb aꞌan.

Jeremías 51:45

La̱ex aj Israel, lin tenamit, elenkex saꞌ li tenamit Babilonia. Tex-e̱lelik ut colomak le̱ yuꞌam xban nak la̱in yo̱ injoskꞌil saꞌ xbe̱neb laj Babilonia, chan li Dios.

Jeremías 25:14

Nabaleb li xni̱nkal ru tenamit ut eb li rey teꞌnumta̱k saꞌ xbe̱neb ut teꞌcana̱k rubel xcuanquileb. La̱in tinqꞌueheb chixtojbal xma̱queb aꞌ yal chanru lix yehom xba̱nuhomeb,” chan li Ka̱cuaꞌ.

Números 16:26

Ut laj Moisés quixye reheb laj Israel: —Elenkex chixcꞌatk lix muheba̱leb li cui̱nk aꞌin li incꞌaꞌ useb xnaꞌleb. Ut me̱chꞌeꞌ li cꞌaꞌru reheb ma̱re anchal texca̱mk xban lix ma̱usilaleb, chan. Joꞌcan nak queꞌel chixcꞌatk lix muheba̱leb laj Coré, laj Datán ut laj Abiram. Laj Datán ut laj Abiram queꞌel chak saꞌ lix muheba̱leb. Xakxo̱queb chiru li oqueba̱l rochbeneb li rixakil ut eb lix cocꞌal.

Apocalipsis 16:19

Li tenamit li kꞌaxal nim xcuanquil quijacheꞌ. Oxib jachal qui-el. Ut eb li jun chꞌol chic tenamit quilajeꞌtꞌaneꞌ. Ut quijulticoꞌ re li Dios li ma̱c queꞌxba̱nu li tenamit Babilonia. Joꞌcan nak quixqꞌueheb chixtojbal rix lix ma̱queb chi tzꞌakal xban nak yo̱ xjoskꞌil saꞌ xbe̱neb.

1 Timoteo 5:22

Ma̱qꞌue junak chi cꞌamoc be saꞌ junpa̱t saꞌ xya̱nkeb laj pa̱banel. Xbe̱n cua ta̱cuil chanru lix yuꞌam xban nak cui la̱at ta̱xakab chi cꞌanjelac chi junpa̱t ut na-oc chi ma̱cobc, cuan ajcuiꞌ ma̱c saꞌ a̱be̱n la̱at. Chatcua̱nk ban chi ti̱c la̱ chꞌo̱l.

Jeremías 51:50

La̱ex li joꞌ qꞌuialex xexcoleꞌ saꞌ li ple̱t, me̱xakab e̱rib. Usta najt cuanquex, checꞌoxla li Dios ut checꞌoxla ajcuiꞌ li tenamit Jerusalén.

Jeremías 51:11

Li Ka̱cuaꞌ xqꞌue saꞌ xchꞌo̱leb lix reyeb laj Media nak teꞌxsach ruheb laj Babilonia. Li Ka̱cuaꞌ tixqꞌue re̱kaj li queꞌxba̱nu re lix templo li Ka̱cuaꞌ. La̱ex aj Media, cauresihomak le̱ tzimaj ut cauresihomak le̱ chꞌi̱chꞌ li nequecol cuiꞌ re le̱ chꞌo̱l.

Jeremías 51:9

Eb li cuanqueb aran queꞌxye: —Xkayal xbanbaleb laj Babilonia abanan incꞌaꞌ xeꞌqꞌuira. Kacanabakeb ut yoꞌkeb saꞌ li katenamit. Li Ka̱cuaꞌ quixqꞌueheb laj Babilonia chixtojbal lix ma̱queb xban nak xnumta li ma̱c xeꞌxba̱nu.

Jeremías 50:31

La̱in li nimajcual Dios tinsach e̱ru la̱ex aj Babilonia, xban nak xekꞌetkꞌeti e̱rib chicuu. Xcuulac xkꞌehil nak la̱in texinqꞌue chixtojbal rix li ma̱c xeba̱nu.

Isaías 48:20

Elenkex saꞌ li naꞌajej Babilonia. Chex-e̱lelik chiruheb laj Caldea. Japomak e̱re xban xsahil e̱chꞌo̱l. Yehomak resil reheb chixjunileb li cuanqueb saꞌ ruchichꞌochꞌ nak sukꞌi̱c e̱re saꞌ le̱ naꞌaj. Yehomak resil chi joꞌcaꞌin, “Aꞌ li Ka̱cuaꞌ xcoloc ke la̱o li ralal xcꞌajol laj Jacob, aj cꞌanjel chiru li Ka̱cuaꞌ,” chaꞌakex.—

Jeremías 46:10

Abanan li cutan aꞌan, aꞌan li cutan nak li Ka̱cuaꞌ li nimajcual Dios tixqꞌueheb chixtojbal xma̱queb li xicꞌ nequeꞌiloc re. Teꞌcamsi̱k riqꞌuin chꞌi̱chꞌ toj retal ta̱cꞌojla̱k xchꞌo̱l. Chanchan nak li chꞌi̱chꞌ ta̱recꞌa xsahil lix quiqꞌueleb. Saꞌ li cutan aꞌan li camsi̱nc li ta̱cua̱nk saꞌ li norte chire li nimaꞌ Éufrates, aꞌan joꞌ jun li mayej chiru li Ka̱cuaꞌ.

Jeremías 27:7

Chixjunileb li tenamit saꞌ ruchichꞌochꞌ teꞌcꞌanjelak chiru aꞌan. Ut teꞌcꞌanjelak chiru li ralal joꞌ ajcuiꞌ chiru li ri toj ta̱cuulak xkꞌehil nak ta̱chapekꞌ lix tenamiteb aꞌan xbaneb li xni̱nkal ru tenamit ut eb lix rey. Ut eb aꞌan chic teꞌcana̱k rubel xcuanquil eb li ni̱nkeb xcuanquil.

Jeremías 25:16

Nak teꞌrucꞌ li vino, sicsotkeb xbaneb xxiu ut teꞌlo̱cokꞌ ru xban li ple̱t li tintakla saꞌ xbe̱neb, chan li Dios.

Proverbios 13:20

Li ani naxcꞌam rib riqꞌuineb li cuanqueb xnaꞌleb ta̱cua̱nk xnaꞌleb. Ut li ani tixcꞌam rib riqꞌuineb li ma̱cꞌaꞌeb xnaꞌleb ta̱sachk.

Deuteronomio 32:43

La̱ex li xni̱nkal ru tenamit, te̱qꞌue xlokꞌal lix tenamit li Ka̱cuaꞌ xban nak li Ka̱cuaꞌ tixsach ruheb li xicꞌ nequeꞌiloc reheb. Li Ka̱cuaꞌ tixqꞌue re̱kaj reheb li queꞌcamsin reheb lix tenamit, abanan tixcuy xma̱queb lix tenamit ut ta̱risi li ma̱usilal saꞌ lix naꞌajeb.

Deuteronomio 32:41

La̱in tinqꞌue xkꞌesnal lin chꞌi̱chꞌ ut la̱in tinrakok a̱tin. La̱in tinqꞌue re̱kaj reheb li xicꞌ nequeꞌiloc cue ut tinqꞌueheb chixtojbal xma̱queb.

Deuteronomio 32:25

Telajeꞌcamsi̱k riqꞌuin chꞌi̱chꞌ li cuanqueb saꞌ be. Ut cꞌajoꞌ nak teꞌxucuak saꞌ li rochocheb. Telajeꞌca̱mk li sa̱jeb, joꞌ chꞌajom, joꞌ xkaꞌal. Telajeꞌca̱mk li cꞌulaꞌal ut li ac ti̱xeb.

Isaías 63:4

Xcuulac xcutanquil nak tinqꞌue re̱kaj li rahobtesi̱nc li queꞌxba̱nu reheb lin tenamit. Xcuulac xkꞌehil nak tincoleb lin tenamit saꞌ rukꞌeb li xicꞌ nequeꞌiloc reheb.

Jeremías 48:6

¡Elenkex! ¡Colomak e̱rib, la̱ex aj Moab! Chanchanakex li qꞌuix li cuan saꞌ li chaki chꞌochꞌ.

Jeremías 51:36

Joꞌcan nak li Ka̱cuaꞌ quixye: —La̱in tin-oque̱nk che̱rix ut la̱in tinqꞌue re̱kaj li incꞌaꞌ us xeꞌxba̱nu e̱re. La̱in tinqꞌue chi chakic li nimaꞌ ut eb li yuꞌam haꞌ li cuanqueb Babilonia.

Jeremías 51:56

Teꞌcha̱lk chixsachbal li tenamit Babilonia. Eb lix soldado laj Babilonia teꞌchapekꞌ ut teꞌtokekꞌ lix tzimaj. La̱in li Ka̱cuaꞌ tinqꞌueheb laj Babilonia chixtojbal xma̱queb joꞌ xcꞌulubeb xcꞌulbal.

Lamentaciones 3:64

Chaqꞌueheb chixtojbal rix lix ma̱queb, at Ka̱cuaꞌ. Chaba̱nu reheb joꞌ xcꞌulubeb xcꞌulbal.

Salmos 94:1

At nimajcual Dios, la̱at li nacatqꞌuehoc re̱kaj li ma̱usilal li nequeꞌxba̱nu li incꞌaꞌ useb xnaꞌleb. Cꞌutbesi la̱ joskꞌil chiruheb.