Jeremías 51:57 - Li Santil hu

⁵⁷ Aꞌin li naxye li Ka̱cuaꞌ: —La̱in tinqꞌueheb chi cala̱c li nequeꞌtenkꞌan re li rey ut eb li cuanqueb xnaꞌleb joꞌ eb ajcuiꞌ li nequeꞌtaklan saꞌ xbe̱neb li soldados ut eb li cuanqueb saꞌ xcuanquil, joꞌ eb ajcuiꞌ li soldados. Teꞌcua̱rk chi junaj cua ut incꞌaꞌ chic teꞌajk ruheb, chan li Rey li “nimajcual Dios” xcꞌabaꞌ.

Q'eqchi Bible

⁵⁷ Li Qaawa', li xnimal ru Awab'ej, xyehom chi jo'ka'in: “Tinkaltesiheb' li xninqal ru winq jo' ajwi' eb' li wankeb' xna'leb' aran Babilonia, eb' li xjolomileb' li tenamit, eb' laj raqol aatin ut eb' laj puub'. Te'warq chi junwaakaj ut ink'a' chik te'ajq ruheb' -chan li Qaawa'-.

Jeremías 51:57 ပူးပေါင်းရင်းမြစ်များ

Jeremías 46:18

La̱in li Ka̱cuaꞌ li nimajcual Dios. La̱in li tzꞌakal rey. La̱in li yoꞌyo̱quil Dios. Li jun li ta̱cha̱lk chi pletic e̱riqꞌuin chanchan li tzu̱l Tabor li najt xteram saꞌ xya̱nkeb li tzu̱l. Chanchan li tzu̱l Carmel li cuan chire li palau.

Jeremías 48:15

Eb li tenamit Moab ut eb li cristian teꞌsachekꞌ ruheb. Eb li sa̱j cui̱nk li sicꞌbileb ru camsinbilakeb chi chꞌi̱chꞌ nak teꞌosokꞌ, chan li tzꞌakal Rey, li “Nimajcual Dios” xcꞌabaꞌ.

Jeremías 25:27

Ut li Ka̱cuaꞌ quixye cue: —La̱at ta̱ye reheb: Joꞌcaꞌin quixye li Ka̱cuaꞌ li nimajcual Dios, lix Dioseb laj Israel. Cꞌulumak li raylal. Chanchan nak tex-ucꞌak toj texcala̱k ut texxaꞌcuak ut textꞌanekꞌ. Ut incꞌaꞌ chic texcuacli̱k xban li ple̱t li tintakla saꞌ e̱be̱n.

Jeremías 51:39

Nak yo̱keb chixjapbal reheb ut ta̱chakik reheb, la̱in tinqꞌue li rucꞌaheb ut teꞌcala̱k. Japjo̱k reheb chi seꞌec ut chirix aꞌan teꞌcua̱rk chi junaj cua ut incꞌaꞌ chic teꞌajk ruheb, chan li Ka̱cuaꞌ.

Apocalipsis 18:9

Eb li rey li cuanqueb saꞌ ruchichꞌochꞌ li queꞌcuulac aran Babilonia chixba̱nunquil li ma̱usilal rochbeneb ut queꞌsahoꞌ saꞌ xchꞌo̱leb riqꞌuineb, ta̱rahokꞌ saꞌ xchꞌo̱leb chirilbal nak yo̱k chi sachecꞌ ru li tenamit. Teꞌya̱bak xban xrahil xchꞌo̱leb nak teꞌril xsibel li tenamit nak yo̱k chi cꞌatc.

Malaquías 1:14

Tzꞌekta̱nanbilak li ani nabalakꞌin riqꞌuin xyechiꞌinquil jun li cha̱bil xul te̱lom chokꞌ xmayej ut incꞌaꞌ ajcuiꞌ naxqꞌue. Naxmayeja ban li xul li yaj li incꞌaꞌ us. La̱in li tzꞌakal Rey, chan li nimajcual Dios, ut xucuanbilak cuu saꞌ xya̱nkeb li xni̱nkal ru tenamit.

Nahum 1:10

Osoꞌjenakex chi cala̱c. Chanchanex li qꞌuix li naxbaqꞌui rib. Tex-osokꞌ joꞌ nak nacꞌat li chaki qꞌuim.

Isaías 37:36

Saꞌ ajcuiꞌ li kꞌojyi̱n aꞌan jun x-ángel li Dios quicuulac saꞌ xmuheba̱leb laj Asiria ut quixcamsiheb jun ciento riqꞌuin o̱b roxcꞌa̱l mil (185,000) chi soldado aj Asiria. Joꞌ cuulajak chic nak quisake̱u, ac camenakeb chic chixjunileb.

Isaías 6:5

Tojoꞌnak quinye la̱in: —Tokꞌob xak cuu. La̱in jun cui̱nk aj ma̱c ut incꞌaꞌ us li na-el saꞌ xtzꞌu̱mal cue. Ut saꞌ xya̱nkeb li tenamit aj ma̱c cuanquin. Anakcuan tinca̱mk xban nak riqꞌuin xnakꞌ cuu xcuil ru li Rey, li Ka̱cuaꞌ li nimajcual Dios.—

Isaías 44:25

La̱in nincꞌutbesi nak ma̱cꞌaꞌ na-oc cuiꞌ li cꞌaꞌru nequeꞌxye laj kꞌe. La̱in ninba̱nun re nak incꞌaꞌ na-uxman li cꞌaꞌru nequeꞌxye li nequeꞌbalakꞌin. Ut la̱in ajcuiꞌ nincꞌutbesin re nak ma̱cꞌaꞌ xya̱lal li cꞌaꞌru nequeꞌxye li nequeꞌxcꞌoxla nak cuanqueb xnaꞌleb xjuneseb.

Jeremías 13:13

Ut la̱at ta̱ye reheb, “Joꞌcaꞌin xye li Ka̱cuaꞌ. Nak tinqꞌue li raylal saꞌ xbe̱neb, chanchan nak tinqꞌueheb chirucꞌ li vino ut chanchan nak teꞌcala̱k chixjunileb li cuanqueb saꞌ li naꞌajej aꞌin, joꞌ eb ajcuiꞌ li rey li ralal xcꞌajoleb laj David, eb laj tij ut eb li profetas, joꞌ eb ajcuiꞌ laj Jerusalén.

Jeremías 50:30

Joꞌcan nak eb li cui̱nk li toj sa̱jeb teꞌcamsi̱k saꞌ eb li be ut eb lix soldados teꞌsachekꞌ ru saꞌ li ple̱t saꞌ li cutan aꞌan, chan li Ka̱cuaꞌ.

Ezequiel 20:33

La̱in li yoꞌyo̱quil Dios ninye e̱re nak relic chi ya̱l la̱in tintakla̱nk chi cau saꞌ e̱be̱n la̱ex ut saꞌ joskꞌil.

Nahum 3:18

Ma̱cꞌaꞌ yo̱queb laj ilol reheb la̱ tenamit, at xreyeb laj Asiria. Chanchan junes cua̱rc yo̱queb. Junes hila̱nc nequeꞌxba̱nu li cauheb rib saꞌ la̱ tenamit ut chixjunileb li tenamit quilajeꞌxchaꞌchaꞌi ribeb saꞌ eb li tzu̱l. Ma̱ ani naru nachꞌutuban reheb.