Jeremías 51:42 - Li Santil hu

⁴² Chanchan xbutꞌun li tenamit Babilonia nak teꞌcha̱lk li xicꞌ nequeꞌiloc re chixsachbal.

Q'eqchi Bible

⁴² Xtaqe'k li palaw sa' xb'een Babilonia ut tik xmuqunk xb'aaneb' li xkaw oq.

Jeremías 51:42 ပူးပေါင်းရင်းမြစ်များ

Daniel 9:26

Ut nak acak xnumeꞌ li cuib xca̱cꞌa̱l xama̱n, ta̱camsi̱k li Mesías chi ma̱cꞌaꞌ xma̱c. Ut jun chic li rey ta̱cha̱lk ut aꞌan ta̱numta̱k saꞌ xbe̱n li tenamit Jerusalén ut tixjuqꞌui li templo ut tixsach li tenamit. Chanchan butꞌ ta̱sachok reheb nak teꞌosokꞌ. Ut toj saꞌ li rosoꞌjic ta̱cua̱nk li ple̱t ut ta̱cꞌulma̱nk li ac yebil xban li Dios.

San Lucas 21:25

Ut ta̱cua̱nk retalil chiru li sakꞌe, li po ut eb li chahim. Ut eb li cuanqueb saꞌ ruchichꞌochꞌ teꞌyotꞌekꞌ ut teꞌsach xchꞌo̱leb xban lix ya̱b ut lix cau ok li palau.

Jeremías 51:55

Li Ka̱cuaꞌ tixsach ruheb laj Babilonia ut incꞌaꞌ chic teꞌchoki̱nk. Eb li xicꞌ nequeꞌiloc re choki̱nkeb nak yo̱keb chi cha̱lc. Chanchan nak na-ecꞌan li palau.

Salmos 93:3

At Ka̱cuaꞌ, kꞌaxal cau nequeꞌecꞌan li nimaꞌ. Cau na-ecꞌan li ru ut naxsacꞌ rib lix cau ok.

Salmos 65:7

La̱at nacattukuban ru lix cau ok li palau nak naxcutle rib. Ut la̱at ajcuiꞌ nacattukuban ruheb li tenamit nak nequeꞌchokoknac chixpletinquil ribeb.

Salmos 42:7

Nak nacuabi lix cau ok li haꞌ nak nocoxnumekꞌ saꞌ lix ni̱nkal ru takꞌa, chanchan aꞌan li raylal yo̱quin chixcꞌulbal. Chanchan nak li rok haꞌ qꞌuebil a̱ban yo̱ chi numecꞌ saꞌ inbe̱n nak nacuecꞌa.

Salmos 18:16

Li Dios toj saꞌ choxa quixqꞌue chak li rukꞌ saꞌ inbe̱n ut quinixcol. Ut quinrisi saꞌ li raylal.

Salmos 18:4

Chanchan nak bacꞌbo̱quin ut ac oqueb re chincamsinquil. Xiu xiu cuanquin xban nak teꞌraj numta̱c saꞌ inbe̱n li incꞌaꞌ useb xnaꞌleb.

Isaías 21:1

Aꞌan aꞌin resil li raylal li ta̱cha̱lk saꞌ xbe̱neb laj Babilonia, li cuanqueb saꞌ li chaki chꞌochꞌ li cuan chire li palau. Eb li xicꞌ nequeꞌiloc reheb chanchanakeb li ca̱k-sut-ikꞌ nak teꞌcha̱lk saꞌ li chaki chꞌochꞌ, li naꞌajej li kꞌaxal yibru.

Ezequiel 26:3

Joꞌcan nak la̱in li nimajcual Dios ninye reheb: La̱in xicꞌ nequexcuil la̱ex li cuanquex Tiro. La̱in tintaklaheb nabal li xni̱nkal ru tenamit chi pletic e̱riqꞌuin. Chanchan nak nachal lix cau ok li palau nak teꞌcha̱lk chi pletic e̱riqꞌuin.

Daniel 11:10

Abanan eb li ralal xcꞌajol lix reyeb li cuanqueb saꞌ li norte, kꞌaxal cuiꞌchic teꞌjoskꞌokꞌ ut teꞌxtiquib xcauresinquil ribeb re pletic. Teꞌxchꞌutub nabaleb lix soldado ut teꞌxic cuiꞌchic chi pletic. Chanchanakeb jun li nimaꞌ nak teꞌoc ut ta̱cua̱nk cuiꞌchic jun nimla ple̱t nak teꞌxyal numta̱c saꞌ xbe̱neb li cuanqueb saꞌ li sur.

Daniel 7:2

Laj Daniel quixye: —Saꞌ li kꞌojyi̱n aꞌan nak quicuil jun li visión, quicuil nak li ikꞌ yo̱ chak chi cha̱lc saꞌ xca̱ pacꞌalil li ruchichꞌochꞌ ut yo̱ chirecꞌasinquil ru li nimla palau.