Jeremías 51:41 - Li Santil hu

⁴¹ Cꞌoxlahomak chanru nak quichapeꞌ li naꞌajej Babilonia. Quichapeꞌ li nimla tenamit li quiqꞌueheꞌ xlokꞌal xbaneb chixjunileb li cuanqueb saꞌ ruchichꞌochꞌ. Anakcuan xucuajel rilbal saꞌ xya̱nkeb li xni̱nkal ru tenamit.

Q'eqchi Bible

⁴¹ Ilomaq chanru naq xchape'k ut xsache'k Babilonia, li tenamit q'axal nim xwankil sa' ruuchich'och'. Xiwajel ut se'leb'aal xkanaak wi' Babilonia sa' xyanqeb' chixjunil li xninqal ru tenamit.

Jeremías 51:41 ပူးပေါင်းရင်းမြစ်များ

Jeremías 25:26

joꞌ eb ajcuiꞌ chixjunileb li rey li cuanqueb saꞌ li norte, ut eb li cuanqueb chi nachꞌ joꞌ ajcuiꞌ li cuanqueb chi najt. Teꞌcꞌuluk raylal chixjunileb li naꞌajej li cuanqueb saꞌ ruchichꞌochꞌ. Ut mokon chic lix reyeb laj Babilonia tixcꞌul li raylal.

Isaías 13:19

Li naꞌajej Babilonia kꞌaxal chꞌinaꞌus saꞌ xya̱nkeb chixjunileb li tenamit. Chiruheb laj Caldea kꞌaxal lokꞌ ut nim xcuanquil. Abanan la̱in li Ka̱cuaꞌ tinsach li tenamit aꞌan joꞌ nak xinsacheb li tenamit Sodoma ut Gomorra.

Jeremías 49:25

¿Cꞌaꞌut nak xcꞌul li tenamit aꞌin chi joꞌcaꞌin? Aꞌin li tenamit li qꞌuebil xlokꞌal junxil. Aꞌin li tenamit li quisahoꞌ cuiꞌ inchꞌo̱l.

Daniel 4:30

Quixye li rey: —¿Ma ma̱cuaꞌ ta biꞌ aꞌin lix nimal ru tenamit Babilonia li quinyi̱b? ¿Ma ma̱cuaꞌ ta biꞌ saꞌ incꞌabaꞌ la̱in nak xniman li tenamit xban nak cuan incuanquil la̱in? Aꞌan nacꞌutuc re lin cuanquil ut lin lokꞌal, chan.

Daniel 4:22

At rey, li cheꞌ li cacuil li kꞌaxal najt xteram ut cau rib, aꞌan la̱at. Quinumta la̱ cuanquil. Chanchan nak xcuulac toj saꞌ choxa. Ut cuan a̱cuanquil saꞌ xbe̱neb chixjunileb li cuanqueb saꞌ ruchichꞌochꞌ.

Daniel 2:38

Ut quixqꞌue la̱ cuanquil saꞌ xbe̱neb chixjunileb li cuanqueb saꞌ ruchichꞌochꞌ, joꞌqueb ajcuiꞌ li xul saꞌ ruchichꞌochꞌ ut li xul li nequeꞌrupupic chiru choxa. Quixkꞌaxtesi chixjunil saꞌ a̱cuukꞌ la̱at ut quixqꞌue a̱cuanquil saꞌ xbe̱n chixjunil. Lix jolom oro li jalam u̱ch li xacuil, aꞌan la̱at.

Ezequiel 27:35

Chixjunileb li cuanqueb chire li palau teꞌsachk xnaꞌlebeb nak teꞌril li cꞌaꞌru te̱cꞌul. Eb li rey teꞌoc xxiu ut sicsotkeb teꞌcana̱k. Chiruheb ta̱cꞌutu̱nk nak yo̱k xxiuheb.

Jeremías 51:37

Juqꞌuinbilak lix tenamiteb ut tu̱btu̱k aj chic. Ta̱cana̱k chokꞌ xnaꞌaj laj xoj. Incꞌaꞌ ta̱cua̱nk cristian aran. Hobilak ut xucuajelak rilbal.

Jeremías 50:46

Nak teꞌrabi nak quichapeꞌ li tenamit Babilonia, chixjunileb li cuanqueb saꞌ ruchichꞌochꞌ sicsotkeb xbaneb xxiu. Ut lix ya̱beb ta̱abi̱k saꞌ lix ni̱nkal tenamit.

Jeremías 50:23

Ilomak chanru nak xeꞌosoꞌ eb laj Babilonia. Ilomak chanru nak xsacheꞌ lix cuanquil. Aꞌan li cau nataklan saꞌ xbe̱neb li tenamit junxil. Chanchan li martillo. Abanan anakcuan xeꞌsacheꞌ ru saꞌ xya̱nkeb li xni̱nkal tenamit.

Isaías 14:4

Saꞌ eb li cutan aꞌan la̱ex te̱seꞌe lix reyeb laj Babilonia ut te̱ye: —Qꞌuehomak retal chanru nak qui-isi̱c xcuanquil li quirahobtesin ke. Qꞌuehomak retal chanru nak quisacheꞌ xlokꞌal li tenamit li cꞌajoꞌ xchꞌinaꞌusal nak quicuan.

2 Crónicas 7:21

Li templo aꞌin, li cꞌajoꞌ xchakꞌal ru anakcuan, chixjunileb li ani teꞌnumekꞌ teꞌril ut teꞌxucuak xban ut teꞌxye, “¿Cꞌaꞌut nak xba̱nu li Ka̱cuaꞌ chi joꞌcaꞌin re li tenamit aꞌin ut re li templo aꞌin?”

Deuteronomio 28:37

Ut chixjunileb li tenamit teꞌsachk xchꞌo̱leb che̱rilbal. Xicꞌ tex-ilekꞌ ut texseꞌe̱k ut tex-etzꞌu̱k saꞌ li naꞌajej li textakla̱k cuiꞌ xban li Dios.