Jeremías 51:36 - Li Santil hu

³⁶ Joꞌcan nak li Ka̱cuaꞌ quixye: —La̱in tin-oque̱nk che̱rix ut la̱in tinqꞌue re̱kaj li incꞌaꞌ us xeꞌxba̱nu e̱re. La̱in tinqꞌue chi chakic li nimaꞌ ut eb li yuꞌam haꞌ li cuanqueb Babilonia.

Q'eqchi Bible

³⁶ Jo'kan utan li Qaawa' kixye chi jo'ka'in: “Laa'in tin'okenq chawix ut tink'e reeqaj li rahilal x'uxmank aawe. Tink'eheb' chi chaqik li nima' ut li yu'amha' re Babilonia,

Jeremías 51:36 ပူးပေါင်းရင်းမြစ်များ

Romanos 12:19

Ex herma̱n, ma̱cuaꞌ la̱ex texqꞌuehok re̱kaj li raylal na-ux e̱re. Checanabak ban chixjunil saꞌ rukꞌ li Dios. Caꞌaj cuiꞌ aꞌan laj rakol a̱tin xban nak joꞌcaꞌin tzꞌi̱banbil saꞌ li Santil Hu: Caꞌaj cuiꞌ la̱in naru tinqꞌuehok re̱kaj. Ut la̱in tinrahobtesiheb riqꞌuin li cꞌaꞌru quilajeꞌxba̱nu, chan li Dios. (Deut. 32:35)

Jeremías 50:38

Telajeꞌchakik chixjunil li haꞌ li cuan aran xban nak li tenamit aꞌan xnaꞌajeb li jalanil dios. Xban lix dioseb xeꞌtontoꞌ xjolomeb laj Babilonia.

Salmos 140:12

La̱in ninnau nak li nimajcual Dios incꞌaꞌ naxcanab yal chi joꞌcan li raylal li nequeꞌxcꞌul li rahobtesinbileb. Naxcoleb ban li teꞌraj tenkꞌa̱c.

Isaías 44:27

Cui la̱in tinye nak ta̱chakik li palau, ta̱chakik. Ut cui tinye nak teꞌchakik li nimaꞌ, teꞌchakik ajcuiꞌ.

Deuteronomio 32:43

La̱ex li xni̱nkal ru tenamit, te̱qꞌue xlokꞌal lix tenamit li Ka̱cuaꞌ xban nak li Ka̱cuaꞌ tixsach ruheb li xicꞌ nequeꞌiloc reheb. Li Ka̱cuaꞌ tixqꞌue re̱kaj reheb li queꞌcamsin reheb lix tenamit, abanan tixcuy xma̱queb lix tenamit ut ta̱risi li ma̱usilal saꞌ lix naꞌajeb.

Deuteronomio 32:35

Cuulac re xkꞌehil nak li Ka̱cuaꞌ tixqꞌue re̱kaj reheb li incꞌaꞌ us queꞌxba̱nu ut telajeꞌtꞌanekꞌ. Cuulac re xkꞌehil nak teꞌsachekꞌ ruheb ut teꞌosokꞌ.

Apocalipsis 16:12

Ut li xcuak ángel quixhoy li cuan saꞌ lix secꞌ saꞌ xbe̱n li nimaꞌ Éufrates. Quichakic li haꞌ re teꞌnumekꞌ eb li rey li queꞌchal chak saꞌ eb li naꞌajej li na-el cuiꞌ chak li sakꞌe.

Jeremías 51:6

Elenkex Babilonia. Colomak e̱rib. Me̱qꞌue e̱rib chi sachecꞌ xban lix ma̱queb laj Babilonia. Xcuulac xkꞌehil nak li Ka̱cuaꞌ tixqꞌue re̱kaj reheb joꞌ xcꞌulubeb xcꞌulbal.

Isaías 43:14

Li Ka̱cuaꞌ lix santil Dioseb laj Israel li nacoloc e̱re naxye chi joꞌcaꞌin: —La̱in tintaklaheb li xicꞌ nequeꞌiloc reheb laj Babilonia chi pletic riqꞌuineb re e̱colbal la̱ex. La̱in tinqꞌueheb chi numta̱c saꞌ xbe̱neb. Ut eb li tenamit teꞌchapekꞌ ut teꞌcꞌamekꞌ saꞌ lix jucubeb li queꞌxkꞌetkꞌeti cuiꞌ ribeb junxil.

Proverbios 23:11

xban nak eb aꞌan cuan Jun cau rib nacoloc reheb. Ut Aꞌan ta̱rakok a̱tin saꞌ e̱be̱n.

Proverbios 22:23

Li Ka̱cuaꞌ, aꞌan ta̱colok reheb li nebaꞌ ut tixrahobtesiheb li nequeꞌrahobtesin reheb li nebaꞌ.

Salmos 107:33

Li Ka̱cuaꞌ kꞌaxal nim xcuanquil saꞌ xbe̱n li ruchichꞌochꞌ. Naxqꞌueheb chi chakic li nimaꞌ ut eb li yuꞌam haꞌ.

Isaías 19:5

Ta̱chakik li nimaꞌ Nilo. Ma̱cꞌaꞌak chic li haꞌ.

Jeremías 51:11

Li Ka̱cuaꞌ xqꞌue saꞌ xchꞌo̱leb lix reyeb laj Media nak teꞌxsach ruheb laj Babilonia. Li Ka̱cuaꞌ tixqꞌue re̱kaj li queꞌxba̱nu re lix templo li Ka̱cuaꞌ. La̱ex aj Media, cauresihomak le̱ tzimaj ut cauresihomak le̱ chꞌi̱chꞌ li nequecol cuiꞌ re le̱ chꞌo̱l.

Oseas 13:15

Usta kꞌaxal nabal cꞌaꞌru reheb li ralal xcꞌajol laj Efraín chiruheb laj Israel li rech tenamitil, aban la̱in tincuisi chiruheb chixjunil li cꞌaꞌru cuan reheb. Nak nachal li ikꞌ saꞌ releb sakꞌe cuan cuiꞌ li chaki chꞌochꞌ, nachakic li yuꞌam haꞌ xban li ikꞌ ut nachakic ajcuiꞌ li acui̱mk. Joꞌcan ajcuiꞌ tinba̱nu la̱in riqꞌuineb. Tinsach chixjunil li cꞌaꞌru cuan reheb.

Ezequiel 25:14

Saꞌ incꞌabaꞌ la̱in eb lin tenamit Israel teꞌxqꞌue re̱kaj li ma̱usilal li queꞌxba̱nu laj Edom. Eb laj Edom teꞌrecꞌa xrahil lin joskꞌil ut teꞌxnau nak la̱in xinqꞌuehoc re̱kaj li ma̱usilal queꞌxba̱nu, chan li Ka̱cuaꞌ Dios.