Jeremías 51:31 - Li Santil hu

³¹ Nabaleb li takl xeꞌco̱eb chixyebal resil re li rey nak ac xeꞌxchap chixjunil li tenamit li xicꞌ nequeꞌiloc reheb.

Q'eqchi Bible

³¹ Riiqajeb' wi' rib' eb' laj taql chi yehok esil, re xyeeb'al re li awab'ej re Babilonia naq ak xchapmank chixjunil li xtenamit.

Jeremías 51:31 ပူးပေါင်းရင်းမြစ်များ

2 Crónicas 30:6

Li rey ut eb li nequeꞌtenkꞌan re queꞌxtaklaheb lix takl saꞌ chixjunil li naꞌajej Israel ut Judá. Queꞌxcꞌam li hu li quixye chi joꞌcaꞌin: —La̱ex aj Israel, sukꞌinkex riqꞌuin li Ka̱cuaꞌ lix Dioseb laj Abraham, laj Isaac, ut laj Israel re nak li Dios ta̱sukꞌi̱k cuiꞌchic e̱riqꞌuin la̱ex li joꞌ qꞌuial chic quexcoleꞌ saꞌ rukꞌ lix reyeb laj Asiria.

Daniel 5:30

Ut saꞌ ajcuiꞌ li kꞌojyi̱n aꞌan, quicamsi̱c laj Belsasar lix reyeb laj Caldea.

Jeremías 50:43

Lix reyeb laj Babilonia quirabi resil li ple̱t li xchal saꞌ xbe̱neb. Ma̱cꞌaꞌ chic xmetzꞌe̱u quicana xban xcꞌaꞌux. Cꞌajoꞌ xrahil saꞌ xchꞌo̱l. Chanchan li raylal li naxcꞌul li ixk nak oc re chi qꞌuira̱c.

Jeremías 50:24

Chanchan nak la̱in xinqꞌue jun li raꞌal re e̱chapbal, la̱ex aj Babilonia. Ut chi ma̱cꞌaꞌ saꞌ e̱chꞌo̱l xextꞌaneꞌ saꞌ li raꞌal. Xextaꞌeꞌ ut xexchapeꞌ xban nak xekꞌetkꞌeti e̱rib chicuu la̱in li Ka̱cuaꞌ.

Jeremías 4:20

Tojeꞌ ajcuiꞌ xkacꞌul jun li raylal ut xchal jun chic saꞌ kabe̱n. Xsacheꞌ ru chixjunil li kanaꞌaj. Saꞌ junpa̱t xeꞌsacheꞌ ruheb li kamuheba̱l. Ut eb li tꞌicr xeꞌpejeꞌ.

Li xHu LAJ JOB 9:25

Saꞌ junpa̱t yo̱ chi numecꞌ lin cutan. Yo̱quin chi osocꞌ chi incꞌaꞌ xincuan saꞌ sahil chꞌo̱lej.

Ester 8:14

Eb lix takl li rey queꞌco̱eb saꞌ junpa̱t chirixeb lix cacua̱y li rey, li kꞌaxal cau nequeꞌa̱linac, joꞌ quiyeheꞌ reheb xban li rey. Ut qui-el ajcuiꞌ resilal li hu saꞌ li tenamit Susa bar cuan cuiꞌ li rey.

Ester 8:10

Laj Mardoqueo quixtzꞌi̱ba li hu saꞌ xcꞌabaꞌ li rey ut quixqꞌue retalil lix matkꞌab li rey chiruheb li hu. Quixtaklaheb li cui̱nk chixcanabanquileb li hu. Queꞌco̱eb chirixeb lix cacua̱y li rey, li kꞌaxal cau nequeꞌa̱linac.

Jeremías 50:2

Quixye re: —Yehomak resil nak eb laj Babilonia teꞌchapekꞌ. Taksihomak li bandera ut yehomak resilal saꞌ chixjunileb li xni̱nkal ru tenamit. Ma̱cꞌaꞌ te̱muk chiruheb. Te̱ye: “Li naꞌajej Babilonia ta̱chapekꞌ. Li yi̱banbil dios Bel ta̱cꞌutekꞌ xxuta̱n ut li yi̱banbil dios Merodac ta̱jorekꞌ. Chixjunileb li jalam u̱ch li cuanqueb Babilonia telajeꞌsachekꞌ.

Jeremías 51:32

Eb li xicꞌ nequeꞌiloc reheb xeꞌxchap li naꞌajej li nequeꞌnumeꞌ cuiꞌ jun pacꞌal li nimaꞌ ut yo̱queb chixcꞌatbaleb li naꞌajej li nequeꞌxcol cuiꞌ ribeb laj Babilonia. Ut chixjunileb li soldado aj Babilonia queꞌsach xchꞌo̱leb xban xxiuheb.