Jeremías 51:29 - Li Santil hu

²⁹ Lix tenamit laj Babilonia ta̱ecꞌa̱nk saꞌ xnaꞌaj ut ta̱rahokꞌ saꞌ xchꞌo̱l xban nak li Ka̱cuaꞌ oc re chixba̱nunquil li cꞌaꞌru quixye nak tixba̱nu reheb laj Babilonia. Tixsukꞌisi chaki chꞌochꞌ ut ma̱cꞌaꞌak chic cua̱nk aran.

Q'eqchi Bible

²⁹ Nahich'lok li ruuchich'och' chi k'ajo' xxiw, xb'aan naq yo chi tz'aqlok ru li xk'uub'ahom li Qaawa' chirix Babilonia: naq li tenamit a'an tkanaaq chi nakirirnak ut maajun chik poyanam taawanq chisa'.

Jeremías 51:29 ပူးပေါင်းရင်းမြစ်များ

Jeremías 51:43

Ma̱cꞌaꞌ chic ta̱cana̱k saꞌ eb li tenamit li cuanqueb Babilonia. Ma̱ ani chic teꞌcua̱nk aran ut ma̱ ani chic teꞌnumekꞌ saꞌ li naꞌajej aꞌan.

Jeremías 8:16

Yo̱queb chak chi cha̱lc li xicꞌ nequeꞌiloc ke. Toj saꞌ li naꞌajej Dan na-abi̱c xya̱b saꞌ ruꞌujeb lix cacua̱yeb. Chixjunileb li tenamit nequeꞌsicsot xban xxiuheb nak nequeꞌrabi nak nequeꞌxjap re li cacua̱y. Cha̱lqueb re chixsachbal li kanaꞌaj ut chixjunil li cuan chi saꞌ. Xeꞌchal chixsachbal li tenamit joꞌ ajcuiꞌ chixjunileb li cristian, chanqueb.

Amós 8:8

¿Ma incꞌaꞌ ta biꞌ ta̱ecꞌa̱nk li ruchichꞌochꞌ riqꞌuin chixjunil aꞌin? Ut, ¿ma incꞌaꞌ ta biꞌ teꞌya̱bak chixjunileb li tenamit xban li raylal li teꞌxcꞌul? Nak teꞌsachekꞌ chanchan nak nasachoc li nimaꞌ Nilo li cuan aran Egipto nak nabutꞌin.

Jeremías 50:45

Abihomak li cꞌaꞌru quixcꞌu̱b ru xba̱nunquil reheb laj Babilonia li Ka̱cuaꞌ. Abihomak li cꞌaꞌru tixba̱nu reheb li cuanqueb Babilonia. Quelonbil nak teꞌisi̱k li cocꞌal saꞌ li tenamit aꞌan ut ta̱sachekꞌ ru lix naꞌajeb.

Jeremías 50:13

Xban nak yo̱ injoskꞌil saꞌ xbe̱neb ma̱ ani ta̱cana̱k Babilonia. Ta̱canaba̱k chi juqꞌuinbil chixjunil ut chixjunileb li teꞌnumekꞌ aran teꞌsach xchꞌo̱leb chirilbal ut teꞌxhob xban li raylal xcꞌul.

Jeremías 10:10

Abanan li Ka̱cuaꞌ, aꞌan li tzꞌakal Dios. Aꞌan li yoꞌyo̱quil Dios ut li tzꞌakal Rey chi junelic kꞌe cutan. Nak yo̱ xjoskꞌil li Ka̱cuaꞌ, li ruchichꞌochꞌ na-ecꞌan saꞌ xnaꞌaj. Ut eb li xni̱nkal ru tenamit incꞌaꞌ teꞌxcuy rilbal lix joskꞌil.

Apocalipsis 18:2

Quixjap re chi cau xya̱b xcux ut quixye: X-osoꞌ li tenamit Babilonia. Xsacheꞌ xcuanquil li nimla tenamit Babilonia. Li tenamit aꞌan xcana chokꞌ xnaꞌajeb laj tza ut eb li ma̱us aj musikꞌej. Xcana chokꞌ xnaꞌajeb laj xicꞌanel xul li kꞌaxal yibeb ru li incꞌaꞌ nequeꞌtiꞌeꞌ.

Joel 2:10

Ta̱ecꞌa̱nk li ruchichꞌochꞌ joꞌ ajcuiꞌ li choxa nak yo̱keb chi cha̱lc. Ta̱kꞌojyi̱nokꞌ ru li sakꞌe ut li po xban xqꞌuialeb laj sa̱cꞌ ut incꞌaꞌ chic teꞌcꞌutu̱nk li chahim.

Jeremías 50:43

Lix reyeb laj Babilonia quirabi resil li ple̱t li xchal saꞌ xbe̱neb. Ma̱cꞌaꞌ chic xmetzꞌe̱u quicana xban xcꞌaꞌux. Cꞌajoꞌ xrahil saꞌ xchꞌo̱l. Chanchan li raylal li naxcꞌul li ixk nak oc re chi qꞌuira̱c.

Isaías 14:16

Eb li tenamit yo̱keb cha̱caꞌyanquil. Teꞌsach xchꞌo̱leb chirilbal cꞌaꞌru xacꞌul. Teꞌxye: —¿Ma ma̱cuaꞌ ta biꞌ aꞌin li cui̱nk li quiqꞌuehoc re li ruchichꞌochꞌ chi ecꞌa̱nc? ¿Ma ma̱cuaꞌ ta biꞌ xban li cui̱nk aꞌin nak nequeꞌsicsot xban xxiuheb li tenamit?

Jeremías 50:36

Ta̱cha̱lk li ple̱t saꞌ xbe̱neb laj kꞌe ut teꞌsachk xnaꞌlebeb. Ta̱cha̱lk li ple̱t saꞌ xbe̱neb li cauheb rib ut teꞌxucuak.

Jeremías 50:46

Nak teꞌrabi nak quichapeꞌ li tenamit Babilonia, chixjunileb li cuanqueb saꞌ ruchichꞌochꞌ sicsotkeb xbaneb xxiu. Ut lix ya̱beb ta̱abi̱k saꞌ lix ni̱nkal tenamit.

Jeremías 51:26

Lix pecul le̱ tenamit la̱ex aj Babilonia incꞌaꞌ chic ta̱cꞌanjelak chokꞌ xxuc junak cab, chi moco ta̱cꞌanjelak re xqꞌuebal chokꞌ cimiento. Le̱ tenamit junelic chanchanak chic li chaki chꞌochꞌ ma̱cꞌaꞌ chic cuan chi saꞌ, chan li Ka̱cuaꞌ.

Jeremías 51:28

Yehomak reheb lix reyeb laj Media nak teꞌxcauresi ribeb chi pletic, joꞌ ajcuiꞌ eb li nequeꞌtaklan saꞌ xbe̱neb li soldados, ut eb li nequeꞌtenkꞌan re li rey. Yehomak resil reheb chixjunileb li tenamit li cuanqueb rubel xcuanquileb laj Media.

Isaías 24:20

Ta̱ecꞌa̱nk li ruchichꞌochꞌ. Chanchanak jun li calajenak. Malaj ut chanchanak jun li cab li na-ecꞌasi̱c xban ikꞌ. Li ma̱c li quiba̱nu̱c xnumta saꞌ xbe̱n. Incꞌaꞌ chic ta̱ru̱k ta̱cuacli̱k.

Jeremías 51:37

Juqꞌuinbilak lix tenamiteb ut tu̱btu̱k aj chic. Ta̱cana̱k chokꞌ xnaꞌaj laj xoj. Incꞌaꞌ ta̱cua̱nk cristian aran. Hobilak ut xucuajelak rilbal.