Jeremías 51:28 - Li Santil hu

²⁸ Yehomak reheb lix reyeb laj Media nak teꞌxcauresi ribeb chi pletic, joꞌ ajcuiꞌ eb li nequeꞌtaklan saꞌ xbe̱neb li soldados, ut eb li nequeꞌtenkꞌan re li rey. Yehomak resil reheb chixjunileb li tenamit li cuanqueb rubel xcuanquileb laj Media.

Q'eqchi Bible

²⁸ B'oqomaqeb' li tenamit chi yalok rik'ineb' laj Babilonia; kawresihomaq li awab'ej re Media, eb' laj jolominel ut li xninqaleb' ru winq, jo' ajwi' chixjunileb' li na'ajej wankeb' rub'el xwankileb'”.

Jeremías 51:28 ပူးပေါင်းရင်းမြစ်များ

Jeremías 51:11

Li Ka̱cuaꞌ xqꞌue saꞌ xchꞌo̱leb lix reyeb laj Media nak teꞌxsach ruheb laj Babilonia. Li Ka̱cuaꞌ tixqꞌue re̱kaj li queꞌxba̱nu re lix templo li Ka̱cuaꞌ. La̱ex aj Media, cauresihomak le̱ tzimaj ut cauresihomak le̱ chꞌi̱chꞌ li nequecol cuiꞌ re le̱ chꞌo̱l.

Daniel 9:1

Saꞌ li xbe̱n chihab nak laj Darío aj Medo li ralal laj Asuero cuan chokꞌ xreyeb laj Babilonia,

Daniel 8:20

Li carner cuib xxucub li xacuil, aꞌan retalileb li cuib chi cui̱nk li teꞌoc chokꞌ xreyeb laj Medo ut eb laj Persia.

Daniel 6:8

Ta̱qꞌue li chakꞌrab aꞌin ut ta̱tzꞌi̱ba la̱ cꞌabaꞌ chiru re nak ta̱xakaba̱k xcuanquil ut ma̱ ani ta̱ru̱k ta̱jalok ru. Aꞌanak lix chakꞌrabeb laj Medo ut eb laj Persia ut ma̱ ani ta̱ru̱k ta̱sachok re xcuanquil, chanqueb re li rey.

Jeremías 51:27

Taksihomak le̱ bandera ut ya̱basihomak le̱ trompeta re xyebal reheb lix ni̱nkal ru tenamit nak teꞌxcauresi ribeb chi xic chi pletic riqꞌuineb laj Babilonia. Yehomak resil nak teꞌxtiquib pletic eb li tenamit Ararat, Mini ut Askenaz. Xakabomak li ani ta̱takla̱nk saꞌ xbe̱neb li soldado. Ut cꞌamomakeb nabal li cacua̱y. Chanchanakeb li jun tu̱b laj sa̱cꞌ li yo̱queb xjoskꞌil.

Jeremías 25:25

Ut teꞌcꞌuluk ajcuiꞌ raylal chixjunileb li rey li cuanqueb Zimri ut eb li cuanqueb Elam ut eb li cuanqueb Media,

Isaías 21:2

Jun li visión kꞌaxal ra rilbal quicꞌutbesi̱c chicuu. Li quicuil saꞌ li visión aꞌan nak yo̱queb chi balakꞌi̱nc ut yo̱queb chi sachoc. Ayukex la̱ex aj Elam. Ayukex chi pletic riqꞌuineb laj Babilonia. Joꞌcan ajcuiꞌ la̱ex aj Medo. Ayukex chi pletic re nak ta̱rakekꞌ li raylal li queꞌxba̱nu eb laj Babilonia.

Isaías 13:17

Tinqꞌue saꞌ xchꞌo̱leb laj Medo re nak teꞌxic chi pletic riqꞌuineb. Eb laj Medo incꞌaꞌ nequeꞌxra ru li oro chi moco li plata.

Ester 10:2

Tzꞌi̱banbil retalil chixjunil li quixba̱nu li rey Asuero riqꞌuin xnimal xcuanquil. Ut tzꞌi̱banbil ajcuiꞌ retalil li cuanquil li quixqꞌue re laj Mardoqueo. Chixjunil aꞌin tzꞌi̱banbil saꞌ li hu natzꞌi̱ba̱c cuiꞌ chixjunil li quilajeꞌxba̱nu lix reyeb laj Media ut eb laj Persia.

Ester 1:3

Yo̱ rox chihab roquic chokꞌ rey laj Asuero nak quixba̱nu jun li ninkꞌe chokꞌ reheb li nequeꞌcꞌanjelac chiru. Ut quixbokeb saꞌ li ninkꞌe li nequeꞌtaklan saꞌ li junju̱nk chi tenamit joꞌqueb ajcuiꞌ li nequeꞌcꞌamoc be saꞌ xya̱nkeb lix soldado eb laj Persia ut eb laj Media.

1 Crónicas 1:5

Eb li ralal laj Jafet, aꞌaneb aꞌin: laj Gomer, laj Magog, laj Madai, laj Javán, laj Tubal, laj Mesec ut laj Tiras.

Génesis 10:2

Aꞌaneb aꞌin lix cꞌabaꞌeb li ralal laj Jafet: laj Gomer, laj Magog, laj Madai, laj Javán, laj Tubal, laj Mesec, ut laj Tiras.

Jeremías 25:14

Nabaleb li xni̱nkal ru tenamit ut eb li rey teꞌnumta̱k saꞌ xbe̱neb ut teꞌcana̱k rubel xcuanquileb. La̱in tinqꞌueheb chixtojbal xma̱queb aꞌ yal chanru lix yehom xba̱nuhomeb,” chan li Ka̱cuaꞌ.

Jeremías 50:41

Qꞌuehomak retal. Yo̱queb chak chi cha̱lc eb li soldado saꞌ li nimla tenamit li cuan saꞌ li norte. Rochbeneb aꞌan cuanqueb nabaleb li rey li teꞌcha̱lk saꞌ chixjunil li ruchichꞌochꞌ.

Jeremías 51:29

Lix tenamit laj Babilonia ta̱ecꞌa̱nk saꞌ xnaꞌaj ut ta̱rahokꞌ saꞌ xchꞌo̱l xban nak li Ka̱cuaꞌ oc re chixba̱nunquil li cꞌaꞌru quixye nak tixba̱nu reheb laj Babilonia. Tixsukꞌisi chaki chꞌochꞌ ut ma̱cꞌaꞌak chic cua̱nk aran.

Daniel 6:1

Qui-ala saꞌ xchꞌo̱l li rey Darío xxakabanquil jun ciento riqꞌuin junmay chi cui̱nk re tixqꞌue xcuanquileb chi takla̱nc saꞌ chixjunil li naꞌajej.