Jeremías 51:27 - Li Santil hu

²⁷ Taksihomak le̱ bandera ut ya̱basihomak le̱ trompeta re xyebal reheb lix ni̱nkal ru tenamit nak teꞌxcauresi ribeb chi xic chi pletic riqꞌuineb laj Babilonia. Yehomak resil nak teꞌxtiquib pletic eb li tenamit Ararat, Mini ut Askenaz. Xakabomak li ani ta̱takla̱nk saꞌ xbe̱neb li soldado. Ut cꞌamomakeb nabal li cacua̱y. Chanchanakeb li jun tu̱b laj sa̱cꞌ li yo̱queb xjoskꞌil.

Q'eqchi Bible

²⁷ “Taqsihomaq li eetalil re li yalok sa' chixjunil li ruuchich'och' ut yaab'asihomaq li pur sa'atqeb' li tenamit. Kawresihomaqeb' li poyanam re yalok rik'ineb' laj Babilonia. Ch'utub'omaqeb' li awab'ej re Ararat, Miní ut Askenas; xaqab'omaq junaq li taak'amoq b'e chi yalok. Taqlahomaqeb' li kawaay chi uub'ej jo'kaqeb' li josq' aj saak'.

Jeremías 51:27 ပူးပေါင်းရင်းမြစ်များ

Génesis 10:3

Aꞌaneb aꞌin lix cꞌabaꞌ eb li ralal laj Gomer: laj Askenaz, laj Rifat, ut laj Togarma.

1 Crónicas 1:6

Eb li ralal laj Gomer, aꞌaneb aꞌin: laj Askenaz, laj Rifat, ut laj Togarma.

Génesis 8:4

Saꞌ li cuuklaju xbe li xcuuk li po re li chihab aꞌan, li jucub cab coxhila̱nk saꞌ xbe̱n li tzu̱l Ararat xcꞌabaꞌ.

Jeremías 51:12

Taksihomak li bandera retalil nak te̱tiquib pletic riqꞌuineb li cuanqueb saꞌ xbe̱neb li tzꞌac li sutsu cuiꞌ li tenamit. Qꞌuehomak xtzꞌakobeb li soldado ut qꞌuehomakeb saꞌ xnaꞌaj li nequeꞌqꞌuehoc etal. Taklahomakeb chi pletic. Li Ka̱cuaꞌ tixba̱nu li cꞌaꞌru naraj xba̱nunquil joꞌ quixye nak tixba̱nu reheb laj Babilonia.

Jeremías 50:2

Quixye re: —Yehomak resil nak eb laj Babilonia teꞌchapekꞌ. Taksihomak li bandera ut yehomak resilal saꞌ chixjunileb li xni̱nkal ru tenamit. Ma̱cꞌaꞌ te̱muk chiruheb. Te̱ye: “Li naꞌajej Babilonia ta̱chapekꞌ. Li yi̱banbil dios Bel ta̱cꞌutekꞌ xxuta̱n ut li yi̱banbil dios Merodac ta̱jorekꞌ. Chixjunileb li jalam u̱ch li cuanqueb Babilonia telajeꞌsachekꞌ.

Jeremías 25:14

Nabaleb li xni̱nkal ru tenamit ut eb li rey teꞌnumta̱k saꞌ xbe̱neb ut teꞌcana̱k rubel xcuanquileb. La̱in tinqꞌueheb chixtojbal xma̱queb aꞌ yal chanru lix yehom xba̱nuhomeb,” chan li Ka̱cuaꞌ.

Jeremías 51:14

Li Ka̱cuaꞌ li nimajcual Dios quixba̱nu li juramento saꞌ xcꞌabaꞌ aꞌan ut quixye nak tixtakla li qꞌuila soldado chi pletic e̱riqꞌuin la̱ex aj Babilonia. Chanchanakeb laj sa̱cꞌ nak teꞌcha̱lk xban xqꞌuialeb. Ut japjo̱k reheb nak teꞌnumta̱k saꞌ e̱be̱n.

Isaías 18:3

¡Qꞌuehomak retal che̱junilex la̱ex li cuanquex saꞌ ruchichꞌochꞌ! Nak ta̱taksi̱k jun li retalil saꞌ xbe̱n li tzu̱l, ¡ilomak! Ut nak ta̱ya̱basi̱k li trompeta, ¡abihomak!

Zacarías 14:2

Li Ka̱cuaꞌ tixchꞌutubeb ru chixjunileb li xni̱nkal ru tenamit ut teꞌxic chi pletic e̱riqꞌuin la̱ex li cuanquex Jerusalén. Teꞌnumta̱k saꞌ e̱be̱n ut ta̱cꞌamekꞌ li cꞌaꞌru cuan e̱re. Eb li ixk telajeꞌchapekꞌ xbaneb li cui̱nk li teꞌcha̱lk chi pletic. Yijach le̱ tenamit teꞌcꞌamekꞌ saꞌ jalan naꞌajej. Ut li joꞌ qꞌuial chic teꞌcana̱k incꞌaꞌ teꞌisi̱k saꞌ le̱ tenamit.

Amós 3:6

Cui ta̱ecꞌa̱nk li trompeta saꞌ tenamit, ¿ma incꞌaꞌ ta biꞌ teꞌxucuak li tenamit chirabinquil? Ut, ¿ma ta̱cha̱lk ta biꞌ li raylal saꞌ xbe̱n junak li tenamit cui li Dios incꞌaꞌ tixcanabeb re teꞌxcꞌul?

Jeremías 46:23

Chanchanakeb li cui̱nk li nequeꞌtꞌanoc re li qꞌuicheꞌ. Incꞌaꞌ naru rajlanquileb xban xqꞌuialeb. Kꞌaxal nabaleb chiruheb laj sa̱cꞌ.

Jeremías 6:1

La̱ex, li ralal xcꞌajol laj Benjamín, elenkex saꞌ li tenamit Jerusalén re xcolbal e̱rib. Ya̱basihomak le̱ trompeta aran Tecoa. Cꞌu̱bumak junak li xam saꞌ li naꞌajej Bet-haquerem chokꞌ retalil li nimla raylal ut li sachecꞌ li yo̱ chak chi cha̱lc saꞌ li norte.

2 Reyes 19:37

Saꞌ jun li cutan laj Senaquerib yo̱ chixlokꞌoninquil lix dios Nisroc xcꞌabaꞌ saꞌ lix templo. Queꞌcuulac laj Adramelec ut laj Sarezer, li cuib chi ralal. Queꞌxcamsi chi chꞌi̱chꞌ ut queꞌe̱lelic. Queꞌco̱eb saꞌ li naꞌajej Ararat. Ut aꞌ chic laj Esar-hadón li ralal qui-oc chokꞌ rey chokꞌ re̱kaj laj Senaquerib.

Jueces 6:5

Nak nequeꞌxic eb laj Madián chixsachbal chixjunil li cꞌaꞌru cuan reheb laj Israel, queꞌxcꞌam chirixeb lix queto̱mk ut eb lix muheba̱l. Chanchaneb laj sa̱cꞌ nak queꞌchal xban nak kꞌaxal cuiꞌchic nabaleb. Incꞌaꞌ naru rajlanquileb chi moco naru rajlanquileb lix camello.

Isaías 37:38

Saꞌ jun li cutan laj Senaquerib yo̱ chi lokꞌoni̱nc saꞌ lix templo laj Nisroc lix dios. Queꞌcuulac laj Adramelec ut laj Sarezer, li cuib chi ralal. Queꞌxcamsi chi chꞌi̱chꞌ ut queꞌe̱lelic. Queꞌco̱eb saꞌ li naꞌajej Ararat. Ut aꞌ chic laj Esar-hadón li ralal qui-oc chokꞌ rey chokꞌ re̱kaj laj Senaquerib.

Jeremías 50:3

Jun li nimla tenamit ta̱cha̱lk chak saꞌ li norte chi pletic riqꞌuineb laj Babilonia ut tixsach ruheb. Ma̱cꞌaꞌ chic ta̱cua̱nk aran, chi moco cristian, chi moco xul.”

Jeremías 50:9

La̱in tinqꞌue saꞌ xchꞌo̱leb li xni̱nkal ru tenamit li cuanqueb saꞌ li norte nak teꞌxjunaji ribeb ut teꞌcha̱lk chi pletic riqꞌuineb laj Babilonia. Saꞌ li norte teꞌcha̱lk li teꞌnumta̱k saꞌ xbe̱neb. Teꞌxnau chi us cutuc riqꞌuin tzimaj ut ti̱cak rukꞌeb.

Jeremías 51:28

Yehomak reheb lix reyeb laj Media nak teꞌxcauresi ribeb chi pletic, joꞌ ajcuiꞌ eb li nequeꞌtaklan saꞌ xbe̱neb li soldados, ut eb li nequeꞌtenkꞌan re li rey. Yehomak resil reheb chixjunileb li tenamit li cuanqueb rubel xcuanquileb laj Media.

Joel 3:9

Yehomak resil chi joꞌcaꞌin reheb chixjunileb li tenamit: Cauresihomak e̱rib chi pletic. Te̱bokeb li cauheb rib. Cheꞌcha̱lk chixjunileb li cui̱nk chi pletic.