Jeremías 51:20 - Li Santil hu

²⁰ Li Ka̱cuaꞌ quixye: —La̱ex aj Babilonia, chanchanex lin martillo re sachoc. La̱ex texcꞌanjelak chicuu re xsachbaleb li xni̱nkal ru tenamit ut re xsachbal lix cuanquileb.

Q'eqchi Bible

²⁰ “At Babilonia, chanchanat li tenleb' sa' wuq', laa'at link'anjelob'aal re yalok. Wochb'eenat naq xinsacheb' ru li xninqal ru tenamit ut xinjuk'eb' li xwankilaleb'.

Jeremías 51:20 ပူးပေါင်းရင်းမြစ်များ

Miqueas 4:13

Li Ka̱cuaꞌ tixye reheb lix tenamit: —La̱ex aj Jerusalén, ayukex. La̱ex chic texnumta̱k saꞌ xbe̱neb li xicꞌ nequeꞌiloc e̱re. La̱in tinqꞌuehok e̱cacuilal. Chanchanakex li joskꞌ aj cuacax. Chanchan cua̱nk le̱ xucub hierro. Ut le̱ rok chanchanak bronce. Texnumta̱k saꞌ xbe̱neb nabal chi tenamit. Ut li cꞌaꞌru te̱re̱chani te̱kꞌaxtesi cue. Lix biomaleb te̱mayeja chicuu. La̱in li Ka̱cuaꞌ li kꞌaxal nim incuanquil saꞌ xbe̱neb chixjunileb li cuanqueb saꞌ ruchichꞌochꞌ, chan li Ka̱cuaꞌ.

Isaías 37:26

¿Ma incꞌaꞌ ta biꞌ nacanau nak la̱in li Ka̱cuaꞌ? La̱in quincꞌoxlan re chixjunil li ta̱cꞌulma̱nk. Najter kꞌe cutan la̱in quincꞌu̱b chak ru chanru ta̱uxma̱nk. Ut anakcuan la̱in xatincanab chixsachbal ruheb li tenamit li cauheb rib chi pletic. Tu̱btu aj chic xacanabeb nak xapoꞌeb.

San Mateo 22:7

Ut li rey nak quirabi aꞌan, cꞌajoꞌ nak quijoskꞌoꞌ. Quixtaklaheb lix soldado chixcamsinquil li queꞌcamsin reheb lix mo̱s. Ut quixtakla xcꞌatbal lix tenamiteb.

Jeremías 50:23

Ilomak chanru nak xeꞌosoꞌ eb laj Babilonia. Ilomak chanru nak xsacheꞌ lix cuanquil. Aꞌan li cau nataklan saꞌ xbe̱neb li tenamit junxil. Chanchan li martillo. Abanan anakcuan xeꞌsacheꞌ ru saꞌ xya̱nkeb li xni̱nkal tenamit.

Jeremías 25:9

Joꞌcan nak la̱in tinbokeb chixjunileb li xni̱nkal ru tenamit li cuanqueb saꞌ li norte. Ta̱cha̱lk ajcuiꞌ rochbeneb laj Nabucodonosor lix reyeb laj Babilonia, li ta̱cꞌanjelak chicuu. La̱in tintaklaheb chi numta̱c saꞌ xbe̱neb li cuanqueb saꞌ li naꞌajej aꞌin, joꞌ eb ajcuiꞌ li tenamit li cuanqueb chi xjun sutam re nak tinsach ruheb chi junelic. Xiu xiu rilbal teꞌcana̱k ut teꞌseꞌe̱k.

Isaías 10:5

Li Ka̱cuaꞌ quixye: —Eb laj Asiria nequeꞌcꞌanjelac chicuu joꞌ jun li tzꞌu̱m re xqꞌuebaleb chixtojbal xma̱queb li tenamit li yo̱ injoskꞌil saꞌ xbe̱n.

Jeremías 25:11

Chixjunil li naꞌajej aꞌin ta̱osokꞌ ut ta̱cana̱k chi ma̱cꞌaꞌ chic cuan chi saꞌ. Xucuajel rilbal li cꞌaꞌru tixcꞌul. Ut eb li tenamit teꞌcꞌanjelak chiru lix reyeb laj Babilonia chiru laje̱b xca̱cꞌa̱l (70) chihab.

Isaías 10:15

¿Ma naru ta biꞌ tixnimobresi rib li ma̱l chiru li ani nachꞌeꞌoc re? ¿Ma naru ta biꞌ tixkꞌetkꞌeti rib li seruch chiru li ani nachꞌeꞌoc re? ¿Ma naru ta biꞌ ta̱cuaclesi̱k junak cui̱nk xban li xukꞌ? Ut, ¿ma naru ta biꞌ nak li cheꞌ tixtakla junak li cui̱nk?

Isaías 13:5

Najt xeꞌchal chak li soldados. Li Ka̱cuaꞌ yo̱ chi cha̱lc rochbeneb re tixsacheb ru li cuanqueb Babilonia xban nak yo̱ xjoskꞌil saꞌ xbe̱neb.

Isaías 8:9

La̱ex tenamit, usta te̱chꞌutub e̱rib, yo̱k ajcuiꞌ e̱xiu. Abihomak la̱ex li cuanquex chi najt. Usta te̱cauresi e̱rib, abanan ta̱chꞌina̱nk e̱chꞌo̱l ut ta̱sachekꞌ e̱ru.

Isaías 45:1

Li Ka̱cuaꞌ quixsicꞌ ru li rey Ciro chi numta̱c saꞌ xbe̱neb li xni̱nkal ru tenamit ut chixcubsinquil xcuanquileb li rey. Li Ka̱cuaꞌ tixtenkꞌa ut tixte li oqueba̱l chiru. Ma̱ ani ta̱ramok chiru. Aꞌan aꞌin li quixye li Ka̱cuaꞌ re li rey Ciro:

Ezequiel 21:31

La̱ex te̱qꞌue retal nak la̱in tincuisi lin joskꞌil saꞌ e̱be̱n. Chanchan jun li xam li yo̱ che̱cꞌatbal. Texinkꞌaxtesi saꞌ rukꞌeb li cui̱nk li kꞌaxal joskꞌeb, li nequeꞌrahobtesin, ut teꞌxsach e̱ru.

Miqueas 4:12

Abanan eb li tenamit aꞌin incꞌaꞌ nequeꞌxtau ru lix cꞌaꞌux li Dios chi moco nequeꞌxtau ru li cꞌaꞌru naraj. Ut incꞌaꞌ nequeꞌxqꞌue retal nak li Ka̱cuaꞌ ac xchꞌutubeb ru re tixqꞌueheb chixtojbal rix lix ma̱queb, joꞌ nak nequeꞌxchꞌutub li trigo nak oqueb re chirisinquil li rix.

Nahum 2:1

Xeꞌchal saꞌ e̱be̱n li teꞌsachok e̱re, la̱ex aj Nínive. Cauresihomak e̱rib. Qꞌuehomakeb laj ramonel saꞌ eb li be. Qꞌuehomak lix cꞌa̱mal e̱saꞌ ut cauresihomak e̱rib chi pletic.

Zacarías 10:4

Saꞌ xya̱nkeb li tenamit Judá ta̱e̱lk chak jun li kꞌaxal nim xcuanquil, joꞌ li pec li naqꞌueheꞌ saꞌ xxuc li cab. Aꞌan chanchan li cheꞌ li nacu̱tun re junak li muheba̱l. Ut chanchan ajcuiꞌ li tzimaj re pletic. Ut aꞌan li ta̱takla̱nk saꞌ xbe̱n chixjunil li ruchichꞌochꞌ.

Ezequiel 21:11

Li chꞌi̱chꞌ kꞌesnanbil re ut cauresinbil re ta̱kꞌaxtesi̱k saꞌ rukꞌ li ani ta̱camsi̱nk reheb.