Jeremías 51:15 - Li Santil hu

¹⁵ Li Ka̱cuaꞌ quixyi̱b li ruchichꞌochꞌ riqꞌuin lix cuanquil. Quixxakab saꞌ xnaꞌaj riqꞌuin lix naꞌleb ut quixyi̱b li choxa.

Q'eqchi Bible

¹⁵ Li Qaawa' kixk'uub' li ruuchich'och' rik'in li xwankil; kixk'ojob' sa' xna'aj li choxach'och' rik'in li xseeb'al xk'a'uxl ut kixhel ru li choxa rik'in li xnimal xnawom.

Jeremías 51:15 ပူးပေါင်းရင်းမြစ်များ

Apocalipsis 4:11

Ut queꞌxye re: At Ka̱cuaꞌ, at kaDios, a̱cꞌulub nak takaqꞌue a̱lokꞌal. A̱cꞌulub nak ta̱nima̱k a̱cuu ut ta̱qꞌuehekꞌ a̱cuanquil xban nak la̱at catyi̱ban re chixjunil li cꞌaꞌru cuan. Xban nak joꞌcan xacuaj la̱at, joꞌcan nak xayoꞌobtesiheb li cꞌaꞌru cuanqueb.

Jeremías 32:17

—At Ka̱cuaꞌ, at nimajcual Dios, kꞌaxal nim la̱ cuanquil. La̱at catyi̱ban re li choxa ut li ruchichꞌochꞌ riqꞌuin xnimal a̱cuanquil. Ma̱cꞌaꞌ chꞌaꞌaj cha̱cuu la̱at.

Romanos 1:20

Chalen chak saꞌ xticlajic li ruchichꞌochꞌ nacꞌutun xcuanquil ut xlokꞌal li Dios riqꞌuin li cꞌaꞌak re ru quilajxyi̱b. Nacꞌutun nak aꞌan li tzꞌakal Dios ut kꞌaxal nim xcuanquil chi junelic. Joꞌcan nak ma̱cꞌaꞌ junak a̱tin teꞌxcol cuiꞌ rib chiru xjoskꞌil li Dios.

Hechos 14:15

—Ex tenamit, ¿cꞌaꞌut nak nequeba̱nu chi joꞌcan? La̱o yal cui̱nko joꞌ la̱ex. Juntakꞌe̱to e̱riqꞌuin. Aꞌan aj e nak xochal arin saꞌ e̱ya̱nk chixyebal e̱re nak te̱canab li joꞌ ma̱joꞌil naꞌleb. Sicꞌomak ban li yoꞌyo̱quil Dios li quiyi̱ban re li choxa, li ruchichꞌochꞌ, li palau ut chixjunil li cꞌaꞌru cuan.

Proverbios 3:19

Xban nak cuan xnaꞌleb li Ka̱cuaꞌ Dios quixqꞌue li ruchichꞌochꞌ saꞌ xnaꞌaj, ut quixyi̱b ajcuiꞌ li choxa saꞌ xnaꞌaj riqꞌuin lix se̱bal xchꞌo̱l.

Li xHu LAJ JOB 9:8

Ma̱ ani quitenkꞌan re nak quixyi̱b li choxa. Ut aꞌan ajcuiꞌ yal re saꞌ xbe̱n li palau.

Romanos 11:33

Relic chi ya̱l nak kꞌaxal numtajenak li ruxta̱n li Dios. Aꞌan naxnau chixjunil. Numtajenak cuiꞌchic lix naꞌleb. Ma̱ ani nataꞌoc ru chanru nak narakoc a̱tin. Ut ma̱ ani nataꞌoc ru li naxba̱nu.

Isaías 45:12

La̱in quinyi̱ban re li ruchichꞌochꞌ ut la̱in quinyoꞌobtesin reheb li cristian li cuanqueb saꞌ ruchichꞌochꞌ. Riqꞌuin lin cuanquil quinyi̱b li choxa. La̱in yal cue saꞌ xbe̱n li sakꞌe, li po ut eb li chahim.

Isaías 44:24

Aꞌan aꞌin li quixye li Ka̱cuaꞌ: —La̱in li Ka̱cuaꞌ laj Colol e̱re. La̱in quinyoꞌobtesin e̱re nak toj ma̱jiꞌ nequexyoꞌla. La̱in li Ka̱cuaꞌ. La̱in quinyi̱ban re chixjunil li cꞌaꞌru cuan. La̱in quinyi̱b li choxa ut quinhel ru. Ma̱ ani quitenkꞌan cue nak quinyi̱b li ruchichꞌochꞌ.

Isaías 42:5

Li Ka̱cuaꞌ li quiyi̱ban re li choxa ut quixhel ru, li quiyi̱ban re li ruchichꞌochꞌ ut chixjunil li cuan chiru, li quiyoꞌobtesin reheb li tenamit ut quixqꞌue xyuꞌameb naxye chi joꞌcaꞌin re laj cꞌanjel chiru:

Isaías 40:26

Taksihomak le̱ riloba̱l saꞌ choxa ut te̱qꞌue retal. ¿Ani li quiyoꞌobtesin re li choxa ut lix sahob ru? Aꞌan li Ka̱cuaꞌ li kꞌaxal nim xcuanquil. Aꞌan naxqꞌue li junju̱nk saꞌ xnaꞌaj ut naxqꞌue xcꞌabaꞌ li junju̱nk. Ma̱ jun ta̱paltok.

Isaías 40:22

Li Dios cuan chak toj saꞌ choxa. Ut eb li cristian saꞌ ruchichꞌochꞌ chanchaneb laj sa̱cꞌ chiru li Dios. Li Dios naxhel ru li choxa. Chanchan jun li muheba̱l nequeꞌcuan cuiꞌ li cristian.

Salmos 136:5

Aꞌan li quiyi̱ban re li choxa riqꞌuin lix naꞌleb xban nak kꞌaxal nim li ruxta̱n saꞌ kabe̱n junelic.

Salmos 104:2

Numtajenak la̱ lokꞌal. La̱at li cutan saken. La̱at cayi̱b li choxa chanchan nak cahel jun li tꞌicr.

Hechos 17:24

Ut aꞌan ajcuiꞌ li Dios, li quiyi̱ban re li ruchichꞌochꞌ ut chixjunil li cꞌaꞌak re ru cuan. Aꞌan laj e̱chal re li choxa ut li ruchichꞌochꞌ. Aꞌan incꞌaꞌ nacuan saꞌ junak cab yi̱banbil xban cui̱nk.

Isaías 51:13

¿Cꞌaꞌut nak ninsach saꞌ a̱chꞌo̱l la̱in li Ka̱cuaꞌ li quinyoꞌobtesin a̱cue? La̱in li quinyi̱ban re li choxa ut chixjunil li cuan chiru ut la̱in ajcuiꞌ li quinyi̱ban re li ruchichꞌochꞌ ut quinqꞌue saꞌ xnaꞌaj. ¿Cꞌaꞌut nak junelic yo̱ a̱xiu xbaneb li nequeꞌrahobtesin a̱cue? ¿Cꞌaꞌut nak nacaxucuaheb li nequeꞌraj a̱sachbal? Eb aꞌan ma̱cꞌaꞌ naru teꞌxba̱nu a̱cue.

Isaías 48:13

La̱in quinyi̱ban re li ruchichꞌochꞌ ut la̱in ajcuiꞌ quinyi̱ban re li choxa. Yal riqꞌuin li cua̱tin queꞌcana saꞌ xnaꞌajeb chixjunileb.

Salmos 107:25

Yal riqꞌuin li ra̱tin li Dios quixtakla jun li cacuil ikꞌ ut quirecꞌasi ru li palau ut quichal lix cau ok xban.

Salmos 104:24

At Ka̱cuaꞌ, cꞌajoꞌ xlokꞌal li cꞌanjel li quilaja̱ba̱nu. Chixjunil li cꞌanjel aꞌin quilaja̱ba̱nu riqꞌuin la̱ naꞌleb. Li ruchichꞌochꞌ nujenak riqꞌuin chixjunil li us quilaja̱ba̱nu.

Jeremías 27:5

Riqꞌuin lix nimal lin cuanquil ut lin metzꞌe̱u la̱in quinyi̱b li ruchichꞌochꞌ ut eb li cristian joꞌ eb ajcuiꞌ li xul li cuanqueb saꞌ ruchichꞌochꞌ. Ut la̱in ya̱l cue cꞌaꞌru tinba̱nu riqꞌuin. La̱in ninqꞌue li cꞌaꞌak re ru re li ani nacuaj xqꞌuebal cuiꞌ.

Zacarías 12:1

Li Ka̱cuaꞌ li kꞌaxal nim xcuanquil li quiyi̱ban re li choxa ut quixakaban re li ruchichꞌochꞌ saꞌ xnaꞌaj, li quiqꞌuehoc xmusikꞌ li cui̱nk, aꞌan li xyehoc re aꞌin chirix li tenamit Israel: