Jeremías 51:11 - Li Santil hu

¹¹ Li Ka̱cuaꞌ xqꞌue saꞌ xchꞌo̱leb lix reyeb laj Media nak teꞌxsach ruheb laj Babilonia. Li Ka̱cuaꞌ tixqꞌue re̱kaj li queꞌxba̱nu re lix templo li Ka̱cuaꞌ. La̱ex aj Media, cauresihomak le̱ tzimaj ut cauresihomak le̱ chꞌi̱chꞌ li nequecol cuiꞌ re le̱ chꞌo̱l.

Q'eqchi Bible

¹¹ Q'esnaaq ru'uj leesimaj ut kawresihomaq leech'iich' li nekekol wi' re leech'ool. Li Qaawa' xtoch' chaq li xch'ooleb' li awab'ej re Media re naq te'chalq chi xsachb'al ru Babilonia. A'an a'in li reeqaj tixb'aanu li Qaawa' naq ke'xjuk' li xsantil ochoch.

Jeremías 51:11 ပူးပေါင်းရင်းမြစ်များ

Jeremías 46:4

Cauresihomak le̱ cacua̱y ut takenkex chirixeb. Chapomak le̱ naꞌaj ut cua̱nk le̱ punit chꞌi̱chꞌ saꞌ e̱jolom. Cauresihomak le̱ la̱ns ut qꞌuehomak che̱rix le̱ rakꞌ chꞌi̱chꞌ re pletic.

Jeremías 50:45

Abihomak li cꞌaꞌru quixcꞌu̱b ru xba̱nunquil reheb laj Babilonia li Ka̱cuaꞌ. Abihomak li cꞌaꞌru tixba̱nu reheb li cuanqueb Babilonia. Quelonbil nak teꞌisi̱k li cocꞌal saꞌ li tenamit aꞌan ut ta̱sachekꞌ ru lix naꞌajeb.

Jeremías 50:9

La̱in tinqꞌue saꞌ xchꞌo̱leb li xni̱nkal ru tenamit li cuanqueb saꞌ li norte nak teꞌxjunaji ribeb ut teꞌcha̱lk chi pletic riqꞌuineb laj Babilonia. Saꞌ li norte teꞌcha̱lk li teꞌnumta̱k saꞌ xbe̱neb. Teꞌxnau chi us cutuc riqꞌuin tzimaj ut ti̱cak rukꞌeb.

Jeremías 46:9

Taklahomakeb li cacua̱y chi xic. La̱ex li nequeꞌchꞌeꞌoc re li carruajes, texxic chi junpa̱t. Ayukex, ex soldados la̱ex aj etiopia ut la̱ex li cuanquex saꞌ li tenamit Put, li nequecꞌam le̱ chꞌi̱chꞌ re xcolbal re le̱ chꞌo̱l, ut la̱ex li cuanquex saꞌ li tenamit Lud li nequenau chi us cutuc riqꞌuin li tzimaj.

Zacarías 14:12

Abanan li Ka̱cuaꞌ tixqꞌue jun nimla raylal saꞌ xbe̱neb li tenamit li queꞌrahobtesin re Jerusalén. Usta toj yoꞌyo̱keb abanan yo̱k chi kꞌa̱c lix tibeleb. Jocꞌjo̱k aj chic teꞌilok. Ut yo̱k ajcuiꞌ chi kꞌa̱c li ruꞌuj rakꞌeb.

Zacarías 14:2

Li Ka̱cuaꞌ tixchꞌutubeb ru chixjunileb li xni̱nkal ru tenamit ut teꞌxic chi pletic e̱riqꞌuin la̱ex li cuanquex Jerusalén. Teꞌnumta̱k saꞌ e̱be̱n ut ta̱cꞌamekꞌ li cꞌaꞌru cuan e̱re. Eb li ixk telajeꞌchapekꞌ xbaneb li cui̱nk li teꞌcha̱lk chi pletic. Yijach le̱ tenamit teꞌcꞌamekꞌ saꞌ jalan naꞌajej. Ut li joꞌ qꞌuial chic teꞌcana̱k incꞌaꞌ teꞌisi̱k saꞌ le̱ tenamit.

Jeremías 51:35

Chisukꞌi̱k taxak saꞌ xbe̱neb laj Babilonia chixjunil li raylal li queꞌxba̱nu ke. Cheꞌxtoj taxak rix li ma̱c queꞌxba̱nu nak queꞌxcamsiheb li kacomon, chanqueb li cuanqueb Sión.

Jeremías 51:24

Li Ka̱cuaꞌ quixye: —La̱in tinqꞌueheb laj Babilonia ut chixjunileb li cuanqueb aran chixtojbal xma̱queb xban li ma̱usilal li queꞌxba̱nu aran Sión che̱ru la̱ex aj judío.

Jeremías 51:12

Taksihomak li bandera retalil nak te̱tiquib pletic riqꞌuineb li cuanqueb saꞌ xbe̱neb li tzꞌac li sutsu cuiꞌ li tenamit. Qꞌuehomak xtzꞌakobeb li soldado ut qꞌuehomakeb saꞌ xnaꞌaj li nequeꞌqꞌuehoc etal. Taklahomakeb chi pletic. Li Ka̱cuaꞌ tixba̱nu li cꞌaꞌru naraj xba̱nunquil joꞌ quixye nak tixba̱nu reheb laj Babilonia.

Jeremías 50:25

Chanchan nak li Ka̱cuaꞌ quixte li ochoch li xocxo cuiꞌ lix chꞌi̱chꞌ re pletic. Quirisi chak lix cꞌanjeleba̱l xban nak yo̱ xjoskꞌil. Quixba̱nu chi joꞌcan xban nak cuan li cꞌaꞌru tixba̱nu aran Babilonia li Ka̱cuaꞌ li nimajcual Dios.

Isaías 46:11

La̱in xinsicꞌ ru jun li cui̱nk saꞌ li oriente. Saꞌ najtil tenamit ta̱cha̱lk. Chanchan jun li soꞌsol nak tixsach ruheb li xicꞌ nequeꞌiloc e̱re. Li cꞌaꞌru xinye, aꞌan li ta̱cꞌulma̱nk. Li cꞌaꞌru xincꞌu̱b ru, aꞌan li tinba̱nu.

Isaías 45:5

La̱in li Ka̱cuaꞌ. Ma̱ jun chic dios cuan. Caꞌaj cuiꞌ la̱in. La̱in tatincauresi re tatxic chixba̱nunquil li cꞌanjel xinteneb saꞌ a̱be̱n usta incꞌaꞌ nacanau cuu.

Isaías 45:1

Li Ka̱cuaꞌ quixsicꞌ ru li rey Ciro chi numta̱c saꞌ xbe̱neb li xni̱nkal ru tenamit ut chixcubsinquil xcuanquileb li rey. Li Ka̱cuaꞌ tixtenkꞌa ut tixte li oqueba̱l chiru. Ma̱ ani ta̱ramok chiru. Aꞌan aꞌin li quixye li Ka̱cuaꞌ re li rey Ciro:

Isaías 41:25

La̱in xinsicꞌ ru jun saꞌ li este. Aꞌan ta̱cha̱lk saꞌ li norte chi pletic. Aꞌan tixya̱ba lin cꞌabaꞌ ut ta̱numta̱k saꞌ xbe̱neb li cuanqueb xcuanquil. Chanchanakeb li sulul chiru malaj ut joꞌakeb li seb chiru laj pacꞌonel.

Isaías 21:5

Saꞌ li visión quicuil nak ac xeꞌxyi̱b li me̱x. Ac xeꞌxhel li tꞌicr re teꞌcuaꞌak cuiꞌ. Nequeꞌcuaꞌac ut nequeꞌucꞌac. Saꞌ junpa̱t na-abi̱c li xya̱b xcux li nataklan nak naxye: —Cuaclinkex la̱ex li nequextaklan saꞌ xbe̱neb li soldado. Cauresihomak le̱ chꞌi̱chꞌ re xcolbal e̱rib.—

Isaías 21:2

Jun li visión kꞌaxal ra rilbal quicꞌutbesi̱c chicuu. Li quicuil saꞌ li visión aꞌan nak yo̱queb chi balakꞌi̱nc ut yo̱queb chi sachoc. Ayukex la̱ex aj Elam. Ayukex chi pletic riqꞌuineb laj Babilonia. Joꞌcan ajcuiꞌ la̱ex aj Medo. Ayukex chi pletic re nak ta̱rakekꞌ li raylal li queꞌxba̱nu eb laj Babilonia.

Isaías 10:26

Ut li nimajcual Dios tixqꞌueheb chixtojbal xma̱queb joꞌ quixba̱nu reheb laj Madián nak quixcamsiheb saꞌ li sako̱nac li cuan aran Oreb. Tixcꞌut lix cuanquil chiruheb laj Asiria joꞌ nak quixcꞌut chiruheb laj Egipto nak queꞌoc chi numecꞌ saꞌ li Caki Palau.

Esdras 1:1

Yo̱ xbe̱n chihab roquic chokꞌ rey aran Persia laj Ciro nak quicꞌulman li cꞌaꞌru quixye li profeta Jeremías joꞌ quiyeheꞌ re xban li Ka̱cuaꞌ Dios. Li Ka̱cuaꞌ quixtochꞌ xchꞌo̱l li rey Ciro nak tixtakla li resil aꞌin saꞌ chixjunil li tenamit li cuanqueb rubel xcuanquil. Ut quixtakla li resil riqꞌuin a̱tin ut chi tzꞌi̱banbil.

2 Crónicas 36:22

Saꞌ li xbe̱n chihab roquic chokꞌ rey aran Persia laj Ciro, nak quicꞌulman li cꞌaꞌru quixye li profeta Jeremías, joꞌ quiyeheꞌ re xban li Ka̱cuaꞌ Dios. Li Ka̱cuaꞌ quixqꞌue saꞌ xchꞌo̱l li rey Ciro nak tixtakla li resil aꞌin saꞌ chixjunil li tenamit li cuanqueb rubel xcuanquil. Ut quixtakla resil riqꞌuin a̱tin ut chi tzꞌi̱banbil.

1 Crónicas 5:26

Joꞌcan nak li Ka̱cuaꞌ lix Dioseb laj Israel quixqꞌue saꞌ xchꞌo̱l laj Tiglat-pileser lix reyeb laj Asiria nak ta̱xic chi pletic riqꞌuineb li ralal xcꞌajol laj Rubén, ut eb li ralal xcꞌajol laj Gad ut li yi jach li ralal xcꞌajol laj Manasés. Ut quixcꞌameb chi pre̱xil saꞌ eb li tenamit Halah, Habor ut Hara cuan cuiꞌ li nimaꞌ Gozán. Ut aran cuanqueb toj chalen anakcuan. (Li rey Tiglat-pileser aꞌan nequeꞌxye ajcuiꞌ aj Pul re.)

1 Reyes 11:23

Li Dios quixba̱nu nak laj Rezón, li ralal laj Eliada, quijoskꞌoꞌ riqꞌuin laj Salomón ut xicꞌ chic ta̱ilekꞌ xban. Laj Rezón, aꞌan li quie̱lelic chiru laj Hadad-ezer lix reyeb laj Soba.

1 Reyes 11:14

Li Dios quixqꞌue jun li cui̱nk re nak xicꞌ ta̱ril laj Salomón. Li cui̱nk aꞌan aj Hadad xcꞌabaꞌ xcomoneb li ralal xcꞌajol lix reyeb laj Edom.

Levítico 26:25

La̱in tintaklaheb li xicꞌ nequeꞌiloc e̱re chi pletic e̱riqꞌuin re xtojbal rix le̱ ma̱c nak xekꞌet lin contrato. Nak texxic saꞌ eb li tenamit chixcolbal e̱rib, la̱in tintakla li rax ca̱mc saꞌ e̱be̱n ut la̱ex te̱kꞌaxtesi e̱rib saꞌ rukꞌeb li xicꞌ nequeꞌiloc e̱re.

Jeremías 25:25

Ut teꞌcꞌuluk ajcuiꞌ raylal chixjunileb li rey li cuanqueb Zimri ut eb li cuanqueb Elam ut eb li cuanqueb Media,

Jeremías 46:3

Cauresihomak li chꞌi̱chꞌ re xcolbal re le̱ chꞌo̱l, ut texxic chi pletic.

Jeremías 50:3

Jun li nimla tenamit ta̱cha̱lk chak saꞌ li norte chi pletic riqꞌuineb laj Babilonia ut tixsach ruheb. Ma̱cꞌaꞌ chic ta̱cua̱nk aran, chi moco cristian, chi moco xul.”

Jeremías 51:36

Joꞌcan nak li Ka̱cuaꞌ quixye: —La̱in tin-oque̱nk che̱rix ut la̱in tinqꞌue re̱kaj li incꞌaꞌ us xeꞌxba̱nu e̱re. La̱in tinqꞌue chi chakic li nimaꞌ ut eb li yuꞌam haꞌ li cuanqueb Babilonia.

Daniel 5:30

Ut saꞌ ajcuiꞌ li kꞌojyi̱n aꞌan, quicamsi̱c laj Belsasar lix reyeb laj Caldea.

Joel 3:9

Yehomak resil chi joꞌcaꞌin reheb chixjunileb li tenamit: Cauresihomak e̱rib chi pletic. Te̱bokeb li cauheb rib. Cheꞌcha̱lk chixjunileb li cui̱nk chi pletic.

Joel 3:10

Le̱ asaron te̱yi̱b chokꞌ kꞌesnal chꞌi̱chꞌ re pletic. Ut li cꞌoncꞌo̱quil chꞌi̱chꞌ re xyocꞌbal le̱ racui̱mk, te̱yi̱b chokꞌ chꞌi̱chꞌ re pletic. Ut li ma̱cꞌaꞌ xmetzꞌe̱u chixyehak: La̱in cau cuib re pletic.