Jeremías 50:6 - Li Santil hu

⁶ Eb lin tenamit chanchaneb li carner li queꞌbalakꞌi̱c xbaneb laj ilol reheb ut queꞌxchaꞌchaꞌi ribeb yalak bar saꞌ xya̱nkeb li cocꞌ bol ut eb li tzu̱l. Quisach chiruheb lix naꞌajeb li teꞌhila̱nk raj cuiꞌ.

Q'eqchi Bible

⁶ “Chanchaneb' li karneer sachenaqeb' naq xe'wank lintenamit. Eb' laj ilol reheb' xe'sachb'esink reheb' sa'eb' li pim; jo'kan naq xe'xb'eeni rib' chiruheb' li tzuultaq'a; neke'chalk neke'xik toj reetal xsachk sa' xch'ooleb' li xna'ajeb'.

Jeremías 50:6 ပူးပေါင်းရင်းမြစ်များ

Isaías 53:6

La̱o xkasach kib kajunes saꞌ li ma̱c. Chanchano li carner li nequeꞌxchaꞌchaꞌi ribeb. Ac kabe kabe xkachap chikaju̱nkal. Abanan li xtojbal rix li kama̱usilal li Ka̱cuaꞌ Dios quixqꞌue saꞌ xbe̱n aꞌan.

San Mateo 9:36

Ut nak quirileb li qꞌuila tenamit, quixtokꞌobaheb ru xban nak tacuajenakeb ut raheb saꞌ xchꞌo̱l. Chanchaneb li carner li ma̱cꞌaꞌ aj ilol reheb.

San Mateo 10:6

Texxic ban riqꞌuineb laj judío. Aꞌaneb li ralal xcꞌajol laj Israel. Chanchaneb li carner li sachenakeb.

Ezequiel 34:14

La̱in tebinqꞌue chi ichajibc saꞌ li cha̱bil pachꞌayaꞌ ut saꞌ eb li tzu̱l li cuanqueb Israel tebinqꞌue chi hila̱nc. Aran teꞌcua̱rk saꞌ li cha̱bil naꞌajej. Ut tebinqꞌue chi cuaꞌac saꞌ li kꞌunil pim saꞌ eb li tzu̱l li cuanqueb Israel.

Jeremías 50:17

Eb laj Israel chanchaneb li queto̱mk li queꞌxjeqꞌui ribeb nak li cakcoj quichal chira̱linanquileb. Li xbe̱n li quichal chi sachoc reheb, aꞌan lix reyeb laj Asiria. Ut li xcab li quichal chi sachoc reheb, aꞌan laj Nabucodonosor lix reyeb laj Babilonia.

Salmos 119:176

Ya̱l nak la̱in xinpaltoꞌ cha̱cuu. Chanchanin jun li carner sachenak. Joꞌcan nak nintzꞌa̱ma cha̱cuu nak tina̱tenkꞌa re nak tincua̱nk chi sum a̱tin a̱cuiqꞌuin. La̱in incꞌaꞌ xintzꞌekta̱na chi junaj cua la̱ chakꞌrab.

Jeremías 50:19

La̱in tinqꞌueheb cuiꞌchic laj Israel saꞌ lix naꞌajeb. Chanchanakeb li carner li nequeꞌichajib aran Carmelo ut Basán. Ut teꞌxtzaca ajcuiꞌ li ru li acui̱mk li na-el saꞌ lix naꞌajeb li ralal xcꞌajol laj Efraín ut Galaad toj retal ta̱cꞌojla̱k xchꞌo̱leb.

Jeremías 3:6

Quixye laj Jeremías: —Nak toj cuan chokꞌ rey laj Josías, li Ka̱cuaꞌ quixye cue chi joꞌcaꞌin: ¿Ma yo̱cat chixqꞌuebal retal cꞌaꞌru yo̱queb laj Israel? Eb aꞌan yo̱queb chintzꞌekta̱nanquil. Chanchaneb chic li ixk li nequeꞌxcꞌayi rib xban nak nequeꞌtakeꞌ saꞌ eb li tzu̱l. Ut rubeleb li cheꞌ li ni̱nk xmu nequeꞌxlokꞌoni li jalanil dios.

Salmos 116:7

Chicacuu̱k ta inchꞌo̱l xban nak li Dios quiruxta̱na cuu.

Salmos 91:1

Li ani cuan rubel xcuanquil li nimajcual Dios, ma̱cꞌaꞌ tixcꞌoxla xban nak aꞌan ta̱ilok re.

1 Pedro 2:25

La̱ex sachso̱quex saꞌ le̱ ma̱c nak quexcuan chak. Chanchanex li carner sachenak li nachaꞌchaꞌi rib yalak bar chi ma̱cꞌaꞌ aj ilol re. Abanan anakcuan xexchal cuiꞌchic riqꞌuin li Cristo ut aꞌan chic ta̱ilok e̱re.

San Mateo 15:24

Li Jesús quichakꞌoc ut quixye: —Ma̱ bar chic taklanbilin chak, caꞌaj cuiꞌ riqꞌuineb laj Israel. Chanchaneb li carner sachenak, chan.

Jeremías 10:21

Ma̱cꞌaꞌeb xnaꞌleb li nequeꞌcꞌamoc be chiku. Incꞌaꞌ nequeꞌxsicꞌ xnaꞌleb riqꞌuin li Dios. Joꞌcan nak queꞌpaltoꞌ. Xban aꞌan nak cojeqꞌui̱c yalak bar.

Jeremías 3:23

Relic chi ya̱l nak ma̱cꞌaꞌ na-oc cuiꞌ li cꞌaꞌru xkaba̱nu chak saꞌ eb li tzu̱l. Junes choki̱nc xkaba̱nu. Relic chi ya̱l nak caꞌaj cuiꞌ la̱at li Ka̱cuaꞌ li kaDios naru nacatcoloc ke la̱o aj Israel.

Jeremías 2:32

¿Ma naxtzꞌekta̱na ta biꞌ lix kꞌol junak li sa̱j ixk? ¿Ma naxtzꞌekta̱na ta biꞌ lix sahob ru junak li tukꞌ ixk li oc re chi sumla̱c? Abanan, la̱ex lin tenamit junxil nequex-oc chintzꞌekta̱nanquil.

Jeremías 2:20

Li nimajcual Dios quixye: —La̱ex aj Israel, ac junxil xerisi e̱rib rubel incuanquil ut queye nak incꞌaꞌ chic texcꞌanjelak chicuu. Saꞌ xbe̱neb li tzu̱l ut rubeleb li cheꞌ li ni̱nk xmu xelokꞌoni li jalanil dios. Chanchanex li ixk li nequeꞌxcꞌayi ribeb.

Isaías 32:2

Li rey aꞌan tixtenkꞌaheb li tenamit. Chanchanak jun li naꞌajej bar naru teꞌxcol cuiꞌ ribeb li tenamit chiru li hab ut li ikꞌ. Chanchanak li rok haꞌ li nanumeꞌ saꞌ li chaki chꞌochꞌ. Chanchanak jun li sako̱nac li tixqꞌue xmu saꞌ li tikcual chꞌochꞌ.

Isaías 30:15

Ut quixye ajcuiꞌ li Ka̱cuaꞌ li Dios Santo li nequeꞌxlokꞌoni eb laj Israel: —Sukꞌinkex cuiqꞌuin. Cꞌojobomak le̱ chꞌo̱l cuiqꞌuin ut texcolekꞌ. Cui la̱ex tex-oybeni̱nk cuiqꞌuin, te̱tau le̱ cacuilal, chan li Dios. Abanan la̱ex incꞌaꞌ queraj.

Salmos 90:1

At Ka̱cuaꞌ, caꞌaj cuiꞌ a̱cuiqꞌuin nakacol kib chalen saꞌ xticlajic.

Salmos 32:7

A̱cuiqꞌuin nincol cuib. La̱at nacattenkꞌan cue nak cuanquin saꞌ raylal. La̱in tinbicha a̱lokꞌal xban nak la̱at junelic cuancat cuiqꞌuin chincolbal.

Salmos 23:2

Aꞌan naxqꞌue chixjunil li cꞌaꞌru nacuaj joꞌ jun li pastor naril chi us lix carner. Naxcꞌam lix carner saꞌ li naꞌajej bar cuan cuiꞌ li cha̱bil pachꞌayaꞌ ut naxqꞌueheb chi hila̱nc. Chire li tuktu̱quil haꞌ naxqꞌueheb chi ucꞌac.

Jeremías 13:16

Qꞌuehomak xlokꞌal li Ka̱cuaꞌ le̱ Dios nak toj ma̱jiꞌ naxtakla li kꞌojyi̱n ma̱re anchal te̱tich le̱ rok saꞌ eb li tzu̱l xban nak kꞌojyi̱n chic. Qꞌuehomak xlokꞌal li Ka̱cuaꞌ nak toj ma̱jiꞌ naxtakla li raylal li cha̱lc re saꞌ e̱be̱n.

Jeremías 23:1

Raylal ta̱cha̱lk saꞌ xbe̱neb li nequeꞌcꞌamoc be saꞌ xya̱nkeb lin tenamit xban nak xeꞌxcanab chi jeqꞌui̱c ruheb lin tenamit ut xeꞌxcanab chi sachecꞌ ruheb.

Jeremías 33:12

Li nimajcual Dios quixye: Saꞌ chixjunil li naꞌajej aꞌin li ma̱cꞌaꞌ nayoꞌla chi saꞌ anakcuan, chi moco cristian chi moco xul, ta̱cua̱nk cuiꞌchic li pachꞌayaꞌ li teꞌxqꞌue cuiꞌ chi cuaꞌac lix queto̱mkeb laj ilol xul.

Ezequiel 13:10

Eb li profeta queꞌxbalakꞌiheb lin tenamit nak queꞌxye nak ta̱cua̱nk tuktu̱quil usilal, abanan moco ya̱l ta. Chanchan nak queꞌxyi̱b jun li tzꞌac moco cau ta ut queꞌxbon li rix.

Ezequiel 34:15

Ut la̱in tincꞌacꞌale̱nk reheb lin carner. La̱in tinsicꞌok re lix naꞌajeb re teꞌhila̱nk.

Ezequiel 34:16

La̱in tinsiqꞌueb chak li sachenakeb li queꞌco̱eb saꞌ jalan be ut tinqꞌueheb chi sukꞌi̱c saꞌ xya̱nkeb li queto̱mk. La̱in tinban lix yocꞌolal ut tinlan. Tinqꞌue xcacuilaleb li yajeb. Ut la̱in tinsach ruheb li ni̱nkeb xtibel ut li cauheb rib. La̱in tin-ilok reheb lin carner saꞌ ti̱quilal.

Isaías 1:3

Li bo̱yx naxnau ru laj e̱chal re ut li bu̱r naxnau bar qꞌuebil xnaꞌaj xban laj e̱chal re. Abanan lin tenamit Israel incꞌaꞌ nequeꞌxnau cuu chi moco nequeꞌxtau ru lix ya̱lal.