Jeremías 50:46 - Li Santil hu

⁴⁶ Nak teꞌrabi nak quichapeꞌ li tenamit Babilonia, chixjunileb li cuanqueb saꞌ ruchichꞌochꞌ sicsotkeb xbaneb xxiu. Ut lix ya̱beb ta̱abi̱k saꞌ lix ni̱nkal tenamit.

Q'eqchi Bible

⁴⁶ Tz'aapixik rab'inkil li xt'anik Babilonia, ut li xyaab'eb' taa'ab'imanq sa' chixjunileb' li na'ajej”.

Jeremías 50:46 ပူးပေါင်းရင်းမြစ်များ

Jeremías 49:21

Nak ta̱sachekꞌ ru li tenamit aꞌan, chixjunileb li cuanqueb saꞌ ruchichꞌochꞌ sicsotkeb xbaneb xxiu nak teꞌrabi li choki̱nc. Ta̱abi̱k lix ya̱beb chi najt toj saꞌ li Caki Palau.

Ezequiel 31:16

Nak ta̱tꞌanekꞌ li nimla cheꞌ aꞌin, eb li xni̱nkal ru tenamit sicsotkeb xbaneb xxiu. Chixjunileb li cheꞌ li cuanqueb Edén li sicꞌbileb ru teꞌsahokꞌ saꞌ xchꞌo̱leb nak ta̱xic li cheꞌ aꞌin saꞌ xnaꞌajeb li camenak. Teꞌcꞌojla̱k xchꞌo̱leb li cha̱bil cheꞌ li queꞌcuan Líbano, li queꞌtꞌakresi̱c chi us, li ac queꞌco̱eb saꞌ xnaꞌajeb li camenak.

Ezequiel 26:18

Anakcuan xsacheꞌ ru li tenamit Tiro. Eb li cuanqueb saꞌ eb li cocꞌ tenamit li sutsu̱queb xban li palau nequeꞌsicsot xban xxiuheb xban nak xsacheꞌ ruheb laj Tiro.

Ezequiel 32:10

Nabal chi tenamit teꞌsachk xchꞌo̱leb nak teꞌrabi resil li cꞌaꞌru ta̱cꞌul. Eb li rey sicsotkeb xbaneb xxiu nak la̱in tincꞌut lin chꞌi̱chꞌ chiruheb saꞌ li cutan aꞌan nak tatcamsi̱k. Xiu xiu cua̱nkeb ut teꞌxcꞌoxla nak ma̱re teꞌcamsi̱k ajcuiꞌ eb aꞌan.

Isaías 5:7

Li xya̱lal li bich, aꞌan aꞌin: Li racui̱mk li Ka̱cuaꞌ li nimajcual Dios, aꞌan li tenamit Israel. Li racui̱mk, aꞌan li ralal xcꞌajol laj Judá. Aꞌaneb li sicꞌbileb ru xban li Ka̱cuaꞌ. Aꞌan quiroybeni nak teꞌcua̱nk saꞌ ti̱quilal. Abanan, aꞌ chic li xcamsinquileb ribeb queꞌxba̱nu. Ut quiroybeni nak cha̱bilakeb. Aꞌ ban chic lix ya̱b xcꞌuxeb li nequeꞌxrahobtesi quirabi.

Isaías 15:5

La̱in tincuil xtokꞌoba̱l ruheb laj Moab. Eb li cristian teꞌe̱lelik toj saꞌ eb li tenamit Zoar, ut Eglat-selisiya. Yo̱keb chi ya̱bac nak teꞌtakekꞌ saꞌ li tzu̱l Luhit ut japjo̱keb re xban xrahil xchꞌo̱leb nak teꞌe̱lelik toj Horonaim.

Jeremías 10:10

Abanan li Ka̱cuaꞌ, aꞌan li tzꞌakal Dios. Aꞌan li yoꞌyo̱quil Dios ut li tzꞌakal Rey chi junelic kꞌe cutan. Nak yo̱ xjoskꞌil li Ka̱cuaꞌ, li ruchichꞌochꞌ na-ecꞌan saꞌ xnaꞌaj. Ut eb li xni̱nkal ru tenamit incꞌaꞌ teꞌxcuy rilbal lix joskꞌil.

Jeremías 46:12

Eb li xni̱nkal ru tenamit xerabi resil nak xcuteꞌ e̱xuta̱n. Chixjunileb xeꞌrabi nak yo̱quex chi ya̱bac xban li raylal li cuanquex cuiꞌ. Eb li soldado li cauheb rib teꞌxtich li rokeb chi ribileb rib ut teꞌtꞌanekꞌ, chan li Ka̱cuaꞌ.

Jeremías 51:29

Lix tenamit laj Babilonia ta̱ecꞌa̱nk saꞌ xnaꞌaj ut ta̱rahokꞌ saꞌ xchꞌo̱l xban nak li Ka̱cuaꞌ oc re chixba̱nunquil li cꞌaꞌru quixye nak tixba̱nu reheb laj Babilonia. Tixsukꞌisi chaki chꞌochꞌ ut ma̱cꞌaꞌak chic cua̱nk aran.

Jeremías 51:54

Abihomak nak yo̱keb chi ya̱bac laj Babilonia xban nak quisacheꞌ lix tenamiteb.

Ezequiel 27:28

Eb li tenamit li cuanqueb chire li palau sicsotkeb xbaneb xxiu nak teꞌrabi lix ya̱b xcuxeb chixjunileb li nequeꞌcꞌanjelac saꞌ li jucub nak yo̱keb chi osocꞌ saꞌ li palau.

Jeremías 49:19

La̱in tincuisiheb laj Edom saꞌ lix naꞌajeb chi junpa̱t. Chanchanakin jun li cakcoj li na-el saꞌ li qꞌuicheꞌ chire li nimaꞌ Jordán chixsicꞌbal xtzacae̱mk. La̱in tinsicꞌ ru junak ut aꞌan tinqꞌue chi cꞌanjelac saꞌ li naꞌajej aꞌan. ¿Ma ma̱cuaꞌ ta biꞌ la̱in ya̱l cue? ¿Ma cuan ta biꞌ junak ta̱numta̱k chicuu la̱in? ¿Ma cuan ta biꞌ junak ta̱ru̱k tixxakab rib chicuu? chan li Dios.