Jeremías 50:44 - Li Santil hu

⁴⁴ La̱in tincuisiheb laj Babilonia saꞌ lix naꞌajeb chi junpa̱t. Chanchanakin jun li cakcoj li na-el saꞌ li qꞌuicheꞌ chire li nimaꞌ Jordán chixsicꞌbal xtzacae̱mk. La̱in tinsicꞌ ru junak ut aꞌan tinqꞌue chi cꞌanjelac saꞌ li naꞌajej aꞌan. ¿Ma ma̱cuaꞌ ta biꞌ la̱in ya̱l cue? ¿Ma cuan ta biꞌ junak ta̱numta̱k chicuu la̱in? ¿Ma cuan ta biꞌ junak ta̱ru̱k tixxakab rib chicuu? chan li Dios.

Q'eqchi Bible

⁴⁴ “Relik chi yaal naq tinchalq chi junpaat: jo' junaq kaqkoj li na'elk chaq sa' li k'iche' chire li nima' Jordán ut naxik sa' li raxal pim chiru taq'a, jo'kan naq tink'eheb' chi elelik eb' laj Babilonia ut aran tinxaqab' cho'q aj k'amol b'e li ani tixk'ul linch'ool. Xb'aan naq ani chik junaq kama' laa'in? Ani junaq awab'ej taawanq chi xaqxo chiwu?

Jeremías 50:44 ပူးပေါင်းရင်းမြစ်များ

Isaías 46:11

La̱in xinsicꞌ ru jun li cui̱nk saꞌ li oriente. Saꞌ najtil tenamit ta̱cha̱lk. Chanchan jun li soꞌsol nak tixsach ruheb li xicꞌ nequeꞌiloc e̱re. Li cꞌaꞌru xinye, aꞌan li ta̱cꞌulma̱nk. Li cꞌaꞌru xincꞌu̱b ru, aꞌan li tinba̱nu.

Isaías 46:9

Chijulticokꞌ e̱re li cꞌaꞌru quicꞌulman najter kꞌe cutan. La̱in li Dios. Ma̱ jun chic dios cuan. Caꞌaj cuiꞌ la̱in ut ma̱ ani juntakꞌe̱t cuiqꞌuin.

Isaías 43:10

La̱in li Ka̱cuaꞌ ninyehoc re chi joꞌcaꞌin: —La̱ex aj Israel, la̱exak li texchꞌoloba̱nk li ya̱l nak la̱in li tzꞌakal Dios. La̱ex laj cꞌanjel chicuu. La̱in xinsicꞌoc e̱re re nak te̱nau cuu ut tine̱pa̱b. Te̱tau ru nak la̱in li Ka̱cuaꞌ. Moco cuanjenak ta chak junak Dios junxil chicuu la̱in, chi moco ta̱cua̱nk mokon.

Isaías 41:25

La̱in xinsicꞌ ru jun saꞌ li este. Aꞌan ta̱cha̱lk saꞌ li norte chi pletic. Aꞌan tixya̱ba lin cꞌabaꞌ ut ta̱numta̱k saꞌ xbe̱neb li cuanqueb xcuanquil. Chanchanakeb li sulul chiru malaj ut joꞌakeb li seb chiru laj pacꞌonel.

Isaías 40:25

¿Cꞌaꞌru aj iqꞌuin tine̱juntakꞌe̱ta? ¿Ani aj iqꞌuin tine̱juntakꞌe̱ta? chan li Dios santo.

Salmos 89:6

Ma̱cꞌaꞌ chic junak dios cha̱cuu la̱at. ¿Ma cuan ta biꞌ junak saꞌ choxa naru xjuntakꞌe̱tanquil a̱cuiqꞌuin la̱at?

Éxodo 15:11

Ma̱cꞌaꞌ chic junak dios joꞌ la̱at, at Ka̱cuaꞌ. Ma̱ ani chic junak cuan xti̱quilal joꞌ la̱ ti̱quilal la̱at. Ma̱ ani chic junak nim xcuanquil joꞌ la̱ nimajcual cuanquilal la̱at. Ma̱ ani chic junak naru ta̱ba̱nu̱nk re li sachba chꞌo̱lej xaba̱nu la̱at.

Jeremías 25:38

Li Ka̱cuaꞌ tixcꞌutbesi lix joskꞌil joꞌ jun li cakcoj li na-el chak chixsicꞌbal lix tib. Lix naꞌajeb li tenamit ta̱sachekꞌ ru xbaneb li xicꞌ nequeꞌiloc reheb, xban nak yo̱ xjoskꞌil li Ka̱cuaꞌ saꞌ xbe̱neb.

Isaías 40:18

¿Ani te̱juntakꞌe̱ta cuiꞌ li Dios? ¿Ma ta̱ru̱k ta biꞌ te̱juntakꞌe̱ta riqꞌuin junak li jalam u̱ch?

Salmos 89:8

At Ka̱cuaꞌ, at nimajcual Dios, ma̱ ani chic junak joꞌ la̱at. Kꞌaxal nim la̱ cuanquil, at Ka̱cuaꞌ, ut numtajenak la̱ cha̱bilal.

Números 16:5

Ut quixye reheb laj Coré ut eb li nequeꞌoquen chirix: —Chiru li ekꞌela cuulaj li Ka̱cuaꞌ tixcꞌut chiku ani li sicꞌbil ru ut ani li santobresinbil ut tixqꞌue li jun aꞌan chi nachꞌoc riqꞌuin. Li ani tixsicꞌ ru li Ka̱cuaꞌ tixqꞌue chi nachꞌoc riqꞌuin.

Jeremías 12:5

Ut li Ka̱cuaꞌ quixye: —At Jeremías, cui xatlub chixyalbal a̱kꞌe chi a̱linac riqꞌuineb li cui̱nk, ¿chanru nak ta̱cuy a̱linac riqꞌuineb li cacua̱y? Cui xatich a̱cuok saꞌ li ti̱c ru, ¿chanru nak tatbe̱k saꞌ li qꞌuicheꞌ li cuan chire li nimaꞌ Jordán? Cui xattitzꞌ xban li raylal li yo̱cat chixcꞌulbal, ¿chanru nak ta̱cuy li nimla raylal li ta̱cha̱lk saꞌ a̱be̱n?

Jeremías 30:21

Saꞌ xya̱nkeb ajcuiꞌ aꞌan ta̱e̱lk chak li ta̱cꞌamok be chiruheb. Li ani ta̱takla̱nk saꞌ xbe̱neb la̱in tinsicꞌ ru saꞌ xya̱nkeb. Aꞌan ta̱a̱tinak cuiqꞌuin ut la̱in tincuabi. ¿Ma cuan ta biꞌ junak ta̱ru̱k ta̱a̱tinak cuiqꞌuin cui la̱in incꞌaꞌ tinbok?

Jeremías 50:15

Japomak e̱re chi xjun sutam li tenamit xban nak eb laj Babilonia teꞌxkꞌaxtesi ribeb saꞌ e̱rukꞌ. Yo̱queb chi tꞌanecꞌ li cab li najt xteram ut teꞌtꞌanekꞌ li tzꞌac li sutsu cuiꞌ li tenamit. Xcuulac li ho̱nal nak li Ka̱cuaꞌ tixqꞌue re̱kaj li raylal li queꞌxba̱nu eb aꞌan.

Zacarías 11:3

Eb laj ilol re li tenamit japjo̱queb re chi ya̱bac xban nak xsacheꞌ lix chꞌinaꞌusal lix tenamiteb. Chanchan nak nequeꞌya̱bac li ral li cakcoj xban nak li qꞌuicheꞌ li cuan chire li nimaꞌ Jordán quisacheꞌ ru.

Isaías 48:14

Chꞌutubomak e̱rib ut abihomak li cꞌaꞌru tinye. ¿Ani junak e̱re ta̱yehok re cꞌaꞌru ta̱cꞌulma̱nk mokon? La̱in xinsicꞌ ru jun li cui̱nk. Aꞌan ta̱ba̱nu̱nk re li cꞌaꞌru xincꞌoxla xba̱nunquil reheb laj Babilonia ut reheb laj Caldea.