Jeremías 50:42 - Li Santil hu

⁴² Cuanqueb xtzimaj ut cuanqueb xla̱ns. Kꞌaxal joskꞌeb. Ma̱ ani nequeꞌril xtokꞌoba̱l ru. Nak nequeꞌxjap re chanchaneb li palau li cau na-ecꞌan. Yo̱queb chi cha̱lc chirix cacua̱y. Ac cauresinbileb re teꞌcha̱lk chi pletic e̱riqꞌuin la̱ex aj Babilonia.

Q'eqchi Bible

⁴² Wankeb' chaq xjutz' ch'iich' ut xsimaj sa' ruq'eb', q'axal josq'eb' ut maajun neke'ril xtoq'ob'aal ru. Chanchan xkawil oq li palaw naq neke'xjap reheb' ut wankeb' chaq chirix kawaay. Yo'oon wankeb' chi yalok aawik'in chi kaw, a Babilonia.

Jeremías 50:42 ပူးပေါင်းရင်းမြစ်များ

Isaías 5:30

Japjo̱k reheb li soldado nak teꞌoc chi pletic. Chanchan nak na-ecꞌan ru li palau. Li ani ta̱ilok re li tenamit aꞌan tixqꞌue retal nak junes raylal ut rahil chꞌo̱lej cuan aran. Chanchan nak ta̱kꞌojyi̱nokꞌ ru li cutan xban li chok.

Jeremías 47:3

Ta̱abi̱k xya̱b li rokeb li cacua̱y. Ta̱abi̱k xya̱b eb li carruajes nak yo̱keb chi cha̱lc li xicꞌ nequeꞌiloc reheb. Eb li yucuaꞌbej incꞌaꞌ chic teꞌrileb lix cocꞌal xban nak ma̱cꞌaꞌak chic xmetzꞌe̱uheb.

Jeremías 8:16

Yo̱queb chak chi cha̱lc li xicꞌ nequeꞌiloc ke. Toj saꞌ li naꞌajej Dan na-abi̱c xya̱b saꞌ ruꞌujeb lix cacua̱yeb. Chixjunileb li tenamit nequeꞌsicsot xban xxiuheb nak nequeꞌrabi nak nequeꞌxjap re li cacua̱y. Cha̱lqueb re chixsachbal li kanaꞌaj ut chixjunil li cuan chi saꞌ. Xeꞌchal chixsachbal li tenamit joꞌ ajcuiꞌ chixjunileb li cristian, chanqueb.

Isaías 47:6

Nak yo̱ injoskꞌil saꞌ xbe̱n lin tenamit quinkꞌaxtesiheb saꞌ e̱rukꞌ la̱ex. Quinqꞌue lin tenamit chi cꞌutecꞌ xxuta̱n. Ut la̱ex incꞌaꞌ xeril xtokꞌoba̱l ruheb. Usta ac ti̱xeb, xeqꞌueheb chi cꞌanjelac chi cau.

Apocalipsis 16:6

Xban nak aꞌan eb queꞌcamsin reheb la̱ cualal a̱cꞌajol ut eb la̱ profeta, joꞌcan nak xasukꞌisi li haꞌ chokꞌ quicꞌ ut xaqꞌueheb chirucꞌ. Xcꞌulubeb nak teꞌxcꞌul chi joꞌcan xban nak incꞌaꞌ us lix naꞌlebeb, chan.

Santiago 2:13

Li ani incꞌaꞌ naruxta̱na ru li ras ri̱tzꞌin incꞌaꞌ ajcuiꞌ ta̱uxta̱na̱k ru xban li Dios saꞌ li rakba a̱tin. Ut li ani ta̱ruxta̱na ru li ras ri̱tzꞌin, ta̱uxta̱na̱k ajcuiꞌ ru xban li Dios.

Jeremías 50:14

La̱ex li nequenau cutuc riqꞌuin tzimaj xaklinkex saꞌ le̱ naꞌaj. Te̱sut rix li naꞌajej Babilonia ut cutumak le̱ tzimaj. Ma̱ jun te̱col xban nak eb aꞌan xeꞌma̱cob chiru li Ka̱cuaꞌ.

Isaías 14:6

Li Dios quixsach xcuanquileb li queꞌtacuasin reheb li tenamit saꞌ joskꞌil. Quixsach xcuanquileb li incꞌaꞌ queꞌxcanab xrahobtesinquileb li tenamit. Rajlal queꞌxsicꞌ xya̱lal chanru nak teꞌxchꞌiꞌchꞌiꞌi.

Isaías 5:28

Lix tzimajeb kꞌesak ruꞌuj ut cauresinbilakeb. Ut li rixiꞌijeb lix cacua̱y cauhakeb joꞌ li pec. Ut lix ruedil lix carruajes nak nequeꞌsuri rib chanchan li ikꞌ li naxsuti rib.

Salmos 74:20

Chijulticokꞌ taxak a̱cue li contrato li caba̱nu kiqꞌuin. La̱at nacacuil nak junes raylal ut ra xi̱cꞌ yo̱ xcꞌulbal saꞌ chixjunil li katenamit.

Salmos 46:6

Yo̱ xjoskꞌileb li tenamit ut cauheb rib nak nequeꞌxcꞌoxla. Abanan aꞌ yal jokꞌe tixye li Ka̱cuaꞌ, li ruchichꞌochꞌ ta̱osokꞌ.

Isaías 47:1

Li Ka̱cuaꞌ quixye: —Ex aj Babilonia, cubsihomak e̱rib. Chunlankex saꞌ chꞌochꞌ chi ma̱cꞌaꞌ chic e̱cuanquil. Junxil chanchanex jun li tukꞌ ixk xban nak la̱ex ma̱ jun sut xexchapeꞌ xban jalan tenamit. Abanan anakcuan moco joꞌcanex ta chic. La̱ex li raro̱quex nak xexcuan texcana̱k chokꞌ rahobtesinbil mo̱s.

Jeremías 30:14

Xextzꞌekta̱na̱c xbaneb li tenamit li xeꞌoquen che̱rix. Incꞌaꞌ chic nequexcꞌoxlaheb. Xban le̱ ma̱usilal ut xban ajcuiꞌ nak numtajenak li ma̱c xeba̱nu, la̱in xexinqꞌue saꞌ raylal joꞌ nequeꞌxba̱nu li xicꞌ nequeꞌiloc e̱re.

Jeremías 50:9

La̱in tinqꞌue saꞌ xchꞌo̱leb li xni̱nkal ru tenamit li cuanqueb saꞌ li norte nak teꞌxjunaji ribeb ut teꞌcha̱lk chi pletic riqꞌuineb laj Babilonia. Saꞌ li norte teꞌcha̱lk li teꞌnumta̱k saꞌ xbe̱neb. Teꞌxnau chi us cutuc riqꞌuin tzimaj ut ti̱cak rukꞌeb.

Jeremías 51:27

Taksihomak le̱ bandera ut ya̱basihomak le̱ trompeta re xyebal reheb lix ni̱nkal ru tenamit nak teꞌxcauresi ribeb chi xic chi pletic riqꞌuineb laj Babilonia. Yehomak resil nak teꞌxtiquib pletic eb li tenamit Ararat, Mini ut Askenaz. Xakabomak li ani ta̱takla̱nk saꞌ xbe̱neb li soldado. Ut cꞌamomakeb nabal li cacua̱y. Chanchanakeb li jun tu̱b laj sa̱cꞌ li yo̱queb xjoskꞌil.

Ezequiel 26:3

Joꞌcan nak la̱in li nimajcual Dios ninye reheb: La̱in xicꞌ nequexcuil la̱ex li cuanquex Tiro. La̱in tintaklaheb nabal li xni̱nkal ru tenamit chi pletic e̱riqꞌuin. Chanchan nak nachal lix cau ok li palau nak teꞌcha̱lk chi pletic e̱riqꞌuin.

Joel 2:5

Chanchanakeb lix ya̱b li qꞌuila carruaje nak teꞌtakekꞌ saꞌ xbe̱n li tzu̱l ut chanchanakeb lix ya̱b li xam li yo̱ chi cꞌatoc re li chaki xak cheꞌ. Ut chanchanakeb ajcuiꞌ jun tu̱b chi soldado ac xeꞌxcauresi rib re teꞌxic chi pletic.