Jeremías 50:4 - Li Santil hu

⁴ Ta̱cuulak xkꞌehil nak eb li ralal xcꞌajol laj Israel, ut eb li ralal xcꞌajol laj Judá teꞌcha̱lk chinsicꞌbal la̱in lix Dioseb. Yo̱keb chi ya̱bac nak teꞌcha̱lk chinsicꞌbal.

Q'eqchi Bible

⁴ “Sa'eb' li kutan a'an te'sutq'iiq chaq eb' li ralal xk'ajol laj Israel, rochb'eenaqeb' chaq laj Judá, chi yooqeb' chaq chi yaab'ak naq te'chalq chi xsik'b'al li Qaawa' li xYoseb'.

Jeremías 50:4 ပူးပေါင်းရင်းမြစ်များ

Oseas 3:5

Abanan ta̱cuulak xkꞌehil nak eb laj Israel teꞌsukꞌi̱k cuiꞌchic riqꞌuin li Ka̱cuaꞌ lix Dioseb ut teꞌxsicꞌ junak reheb li ralal xcꞌajol laj David chokꞌ xreyeb. Ut saꞌ rosoꞌjiqueb li cutan, teꞌxxucua ru li Ka̱cuaꞌ ut teꞌxcꞌu̱luban cuiꞌchic li usilal li tixba̱nu reheb.

Oseas 1:11

Saꞌ eb li cutan aꞌan teꞌxjunaji ribeb li ralal xcꞌajol laj Judá riqꞌuineb li ralal xcꞌajol laj Israel. Teꞌjunajokꞌ ru ut teꞌxsicꞌ ru junak re ta̱takla̱nk saꞌ xbe̱neb. Ta̱cua̱nk cuiꞌchic xcuanquil. Saꞌ li ru takꞌa Jezreel, li quisacheꞌ cuiꞌ xcuanquileb laj Israel, aran ajcuiꞌ ta̱qꞌuehekꞌ cuiꞌchic xcuanquileb.

Jeremías 31:31

Ut quixye ajcuiꞌ li Dios: —Ta̱cuulak xkꞌehil nak la̱in tinba̱nu jun li acꞌ contrato riqꞌuineb li ralal xcꞌajol laj Israel, ut riqꞌuineb li ralal xcꞌajol laj Judá.

Zacarías 12:10

—Ut la̱in tinjal xnaꞌlebeb li ralal xcꞌajol laj David joꞌqueb ajcuiꞌ chixjunileb li cuanqueb Jerusalén. Cha̱bilakeb chic ut junelic teꞌtijok. Ut nak teꞌril nak queꞌxnumsi li chꞌi̱chꞌ saꞌ lin tibel, teꞌyotꞌekꞌ xchꞌo̱leb ut teꞌya̱bak. Chanchanakeb li nequeꞌya̱bac chirix xcamic li ralal li jun ajcuiꞌ chiruheb. Malaj ut chanchanakeb li nequeꞌya̱bac chirix xcamic li xbe̱n alalbej.

Joel 2:12

—Anakcuan yotꞌomak e̱chꞌo̱l, chan li Ka̱cuaꞌ. Chexya̱bak ut cheba̱nu e̱-ayu̱n. Sukꞌinkex cuiꞌchic cuiqꞌuin chi anchal e̱chꞌo̱l, chan.

Ezequiel 39:25

Li nimajcual Dios quixye: —Abanan anakcuan la̱in tincuuxta̱na cuiꞌchic ruheb laj Israel li ralal xcꞌajol laj Jacob, li joꞌ qꞌuial incꞌaꞌ queꞌcamsi̱c. La̱in teꞌcuisi chi pre̱xil re nak ta̱qꞌuehekꞌ xlokꞌal lin santil cꞌabaꞌ.

Jeremías 33:15

Saꞌ eb li cutan aꞌan, la̱in tinxakab jun li Rey. Li Rey aꞌan ta̱yoꞌla̱k saꞌ xya̱nkeb li ralal xcꞌajol laj David. Aꞌan ta̱cꞌamok xbe li tenamit saꞌ ti̱quilal ut cua̱nk xcuanquil.

Isaías 63:4

Xcuulac xcutanquil nak tinqꞌue re̱kaj li rahobtesi̱nc li queꞌxba̱nu reheb lin tenamit. Xcuulac xkꞌehil nak tincoleb lin tenamit saꞌ rukꞌeb li xicꞌ nequeꞌiloc reheb.

Isaías 55:6

Sicꞌomak li Ka̱cuaꞌ nak toj naru xtaubal. Cheya̱ba lix cꞌabaꞌ nak toj naru texrabi.

Isaías 45:19

La̱in incꞌaꞌ nina̱tinac chi mukmu chi moco quinmuk chiruheb li cristian li cꞌaꞌru nacuaj. Chi moco quinye reheb li ralal xcꞌajol laj Jacob nak tineꞌxsicꞌ bar incꞌaꞌ ta̱ru̱k tineꞌxtau. La̱in li Ka̱cuaꞌ. Saꞌ ti̱quilal nina̱tinac ut junelic ninye li ya̱l, chan.

Isaías 14:1

Li Ka̱cuaꞌ ta̱ril xtokꞌoba̱l ruheb laj Israel, li ralal xcꞌajol laj Jacob. Tixsicꞌ cuiꞌchic ruheb ut tixcꞌameb cuiꞌchic saꞌ lix naꞌajeb. Ut eb li jalaneb xtenamiteb teꞌcha̱lk chi cua̱nc aran rochbeneb.

Salmos 105:4

Chetzꞌa̱ma̱k e̱tenkꞌanquil riqꞌuin li Ka̱cuaꞌ. Junelic riqꞌuin aꞌan te̱tzꞌa̱ma e̱tenkꞌanquil.

Santiago 4:9

Chirahokꞌ e̱chꞌo̱l, chiyotꞌekꞌ e̱chꞌo̱l ut chexya̱bak xban li ma̱usilal li nequeba̱nu. Ma̱cuaꞌ raj seꞌec nequeba̱nu; ya̱bac raj nequeba̱nu xban nak incꞌaꞌ us le̱ yehom e̱ba̱nuhom. Ut incꞌaꞌ raj nasahoꞌ saꞌ e̱chꞌo̱l. Narahoꞌ raj ban saꞌ e̱chꞌo̱l.

Jeremías 41:6

Laj Ismael li ralal laj Netanías qui-el Mizpa ut co̱ chixcꞌulbaleb. Yo̱ chi ya̱bac nak co̱. Nak quixcꞌuleb quixye reheb: —Quimkex chirilbal laj Gedalías li ralal laj Ahicam, chan.

Ezequiel 16:61

Ta̱julticokꞌ a̱cue li ma̱usilal xaba̱nu ut tatxuta̱na̱k nak la̱in tinkꞌaxtesi chokꞌ a̱coꞌ li tenamit Samaria la̱ cuas ut nak tinkꞌaxtesi chokꞌ a̱coꞌ li tenamit Sodoma la̱ cui̱tzꞌin. Tinba̱nu chi joꞌcan usta incꞌaꞌ tento tinba̱nu xban nak incꞌaꞌ quinye a̱cue saꞌ li contrato nak tinkꞌaxtesiheb a̱cue.

Oseas 6:1

Eb li tenamit teꞌxye: —Kajalak kacꞌaꞌux ut sukꞌi̱ko cuiꞌchic riqꞌuin li Ka̱cuaꞌ. Quixtakla chak li raylal saꞌ kabe̱n, abanan anakcuan toxtenkꞌa. Coxrahobtesi, abanan anakcuan toxqꞌuirtesi.

2 Crónicas 7:14

Cui teꞌxcubsi ribeb ut teꞌxjal xcꞌaꞌux teꞌyotꞌekꞌ xchꞌo̱l ut teꞌxjal xcꞌaꞌux lin tenamit, li nequeꞌxcꞌabaꞌin incꞌabaꞌ, ut cui teꞌxtzꞌa̱ma xcuybal chicuu ut teꞌxcanab xba̱nunquil li ma̱usilal, la̱in tincuabi lix tijeb toj saꞌ choxa ut tincuy lix ma̱queb ut tincuosobtesi cuiꞌchic lix chꞌochꞌeb.

Oseas 11:10

Chanchanakin li cakcoj nak tinjap cue chiruheb li xicꞌ nequeꞌiloc reheb li cualal incꞌajol. Sicsotkeb xbaneb xxiu li cualal incꞌajol nak teꞌcha̱lk cuiqꞌuin saꞌ li oeste li na-oc cuiꞌ li sakꞌe.