Jeremías 50:37 - Li Santil hu

³⁷ Teꞌcamsi̱k saꞌ li ple̱t eb li cacua̱y ut teꞌsachekꞌ ru li carruajes. Ut teꞌcamsi̱k li jalaneb xtenamiteb li cuanqueb saꞌ xya̱nkeb. Chanchanakeb chic ixk. Teꞌsachekꞌ ru li raro xbaneb ut ta̱cꞌamekꞌ lix biomaleb.

Q'eqchi Bible

³⁷ Kamsihomaqeb' li kawaay ut juk'umaqeb' li b'eleb'aal ch'iich'; chisachmanq ruheb' li tojb'ileb' chi yalok ut che'yopirq jo'eb' li ixq. Chiweqmanq ut chi'elq'aaq li xb'ihomaleb'.

Jeremías 50:37 ပူးပေါင်းရင်းမြစ်များ

Jeremías 51:30

Eb li soldado aj Babilonia xeꞌxcanab pletic. Xeꞌxtzꞌap ribeb saꞌ li cab li nequeꞌxcol cuiꞌ ribeb. Ma̱cꞌaꞌeb chic xmetzꞌe̱u. Chanchaneb ixk. Cꞌatbil nak ta̱osokꞌ lix tenamiteb ut poꞌinbileb chic li oqueba̱l.

Nahum 3:13

Le̱ soldado li cuanqueb saꞌ le̱ tenamit chanchanakeb chic li ixk xban nak incꞌaꞌ chic cauhakeb rib. Chanchan nak li oqueba̱l re le̱ tenamit teto chiruheb li xicꞌ nequeꞌiloc e̱re. Cꞌatbil nak teꞌosokꞌ lix puertil li oqueba̱l re le̱ tenamit.

Jeremías 51:21

La̱ex texcꞌanjelak chicuu re xsachbaleb li cacua̱y ut eb li soldado li nequeꞌxic chirixeb. La̱ex texsachok reheb li carruajes ut laj chꞌeꞌol reheb.

Jeremías 48:41

Eb li tenamit teꞌchapekꞌ joꞌ eb ajcuiꞌ li cab li nequeꞌxcol cuiꞌ ribeb. Saꞌ eb li cutan aꞌan eb li soldado aj Moab sicsotkeb. Chanchanakeb jun li ixk li yo̱ chi cꞌuluc raylal.

Jeremías 25:20

Teꞌcꞌuluk ajcuiꞌ raylal eb li jalaneb xtenamit li cuanqueb aran; chixjunileb lix reyeb laj Uz; chixjunileb lix reyeb laj Filistea li cuanqueb saꞌ eb li tenamit Ascalón, Gaza, Ecrón ut li joꞌ qꞌuial chic queꞌcana chi yoꞌyo aran Asdod;

Isaías 19:16

Ta̱cuulak xkꞌehil nak chixjunileb laj Egipto chanchanakeb li ixk. Sicsotkeb xban xxiuheb nak teꞌxqꞌue retal nak li nimajcual Dios ta̱rakok a̱tin saꞌ xbe̱neb.

Ezequiel 30:5

Chixjunileb li tenamit li teꞌoque̱nk chi pletic chirixeb laj Egipto teꞌcamsi̱k. Teꞌcamsi̱k chixjunileb laj Etiopía, eb laj Fut, eb laj Lud, ut eb laj Arabia joꞌ eb ajcuiꞌ laj Libia.

Isaías 45:3

Tinqꞌue a̱cue li terto xtzꞌak li xocxo chi mukmu. Tinkꞌaxtesi a̱cue re nak ta̱nau nak la̱in li Ka̱cuaꞌ. La̱in lix Dioseb laj Israel. La̱in li xinsicꞌoc a̱cuu re ta̱tenkꞌaheb lin tenamit.

Hageo 2:22

La̱in tincuisiheb saꞌ lix naꞌajeb li rey ut tincuisi xcuanquileb li xni̱nkal ru tenamit ut tinsach ruheb. Tinsach ru lix carruajeb re pletic ut chixjunileb li nequeꞌxic chi saꞌ. Ut tincamsiheb lix cacua̱y joꞌqueb ajcuiꞌ li nequeꞌxic chirixeb. Ut xjuneseb teꞌxcamsi ribeb chi ribileb rib.

Nahum 2:13

Li nimajcual Dios quixye: —La̱in tinsach ruheb laj Nínive. Tincꞌat lix carruajeb re pletic. Chanchan nak na-osoꞌ li sib saꞌ ikꞌ, joꞌcan nak teꞌosokꞌ. Riqꞌuin chꞌi̱chꞌ teꞌosokꞌ chixjunileb re nak incꞌaꞌ chic teꞌelkꞌak. Ut incꞌaꞌ chic ta̱abi̱k li cꞌaꞌru teꞌxye li ani teꞌxtakla xban nak ma̱ anihakeb chic.

Ezequiel 39:20

Teꞌcuaꞌak toj retal teꞌcꞌojla̱k xchꞌo̱leb. Cua̱nk nabal li tzacae̱mk chokꞌ reheb. Cua̱nk xtibeleb li cacua̱y, ut lix tibeleb li ni̱nkeb xcuanquil li nequeꞌxic chirixeb li cacua̱y, joꞌ ajcuiꞌ lix tibeleb li soldados, chan li nimajcual Dios.

Jeremías 50:26

La̱ex aj najtil tenamit, quimkex chi pletic riqꞌuineb laj Babilonia. Tehomak li naꞌajej li xocxo cuiꞌ li ru li trigo. Te̱sach ruheb chi junaj cua ut te̱canabeb chi tu̱btu. Ma̱ ani ta̱canaba̱k chi yoꞌyo saꞌ xya̱nkeb.

Jeremías 25:24

ut eb li rey li cuanqueb Arabia; joꞌ eb ajcuiꞌ lix reyeb li cuanqueb saꞌ li chaki chꞌochꞌ, li jalan jala̱nk xtenamiteb.

Salmos 76:6

At Ka̱cuaꞌ Dios, la̱at li Dios li quixlokꞌoni laj Jacob li kaxeꞌto̱nil yucuaꞌ. Nak caye reheb nak ta̱sacheb ru, eb lix carruaje incꞌaꞌ chic queꞌecꞌan saꞌ xnaꞌaj, chi moco eb lix cacua̱y. Sachso̱queb xnaꞌleb queꞌcana.

Salmos 46:9

Li Ka̱cuaꞌ Dios, aꞌan li narakoc re li ple̱t saꞌ chixjunil li ruchichꞌochꞌ. Naxtokeb li tzimaj ut naxtokiheb li chꞌi̱chꞌ re camsi̱nc ut naxcꞌateb ajcuiꞌ li carruaje re pletic.

Jeremías 51:4

Chixjunileb laj Babilonia teꞌcamsi̱k. Telajeꞌcamsi̱k saꞌ eb li be.

Jeremías 51:22

La̱ex texcꞌanjelak chicuu re xsachbaleb li ixk ut eb li cui̱nk, li ti̱xeb ut li toj sa̱jeb, joꞌ eb ajcuiꞌ li chꞌajom ut eb li xkaꞌal.

Jeremías 50:10

Joꞌcan nak ta̱elkꞌa̱k li cꞌaꞌru reheb laj Babilonia. Chixjunileb li xicꞌ nequeꞌiloc reheb teꞌxcꞌam nabal li cꞌaꞌru teꞌraj toj ta̱cꞌojla̱k xchꞌo̱leb, chan li Ka̱cuaꞌ.