Jeremías 50:36 - Li Santil hu

³⁶ Ta̱cha̱lk li ple̱t saꞌ xbe̱neb laj kꞌe ut teꞌsachk xnaꞌlebeb. Ta̱cha̱lk li ple̱t saꞌ xbe̱neb li cauheb rib ut teꞌxucuak.

Q'eqchi Bible

³⁶ Kamsihomaqeb' laj q'e, chikaano'q ruheb'. Kamqeb' laj puub' ut che'rahob'tesiiq.

Jeremías 50:36 ပူးပေါင်းရင်းမြစ်များ

Jeremías 49:22

Qꞌuehomak retal. Eb li xicꞌ nequeꞌiloc reheb laj Bosra yo̱queb chi cha̱lc chixsachbal ruheb. Chanchaneb li tꞌiu nak naxic chixchapbal lix tib. Saꞌ eb li cutan aꞌan eb li soldado aj Edom sicsotkeb. Chanchanakeb jun li ixk li yo̱ chi cꞌuluc raylal.

Nahum 3:13

Le̱ soldado li cuanqueb saꞌ le̱ tenamit chanchanakeb chic li ixk xban nak incꞌaꞌ chic cauhakeb rib. Chanchan nak li oqueba̱l re le̱ tenamit teto chiruheb li xicꞌ nequeꞌiloc e̱re. Cꞌatbil nak teꞌosokꞌ lix puertil li oqueba̱l re le̱ tenamit.

Isaías 44:25

La̱in nincꞌutbesi nak ma̱cꞌaꞌ na-oc cuiꞌ li cꞌaꞌru nequeꞌxye laj kꞌe. La̱in ninba̱nun re nak incꞌaꞌ na-uxman li cꞌaꞌru nequeꞌxye li nequeꞌbalakꞌin. Ut la̱in ajcuiꞌ nincꞌutbesin re nak ma̱cꞌaꞌ xya̱lal li cꞌaꞌru nequeꞌxye li nequeꞌxcꞌoxla nak cuanqueb xnaꞌleb xjuneseb.

Apocalipsis 22:15

Abanan li incꞌaꞌ useb xnaꞌleb incꞌaꞌ ta̱ru̱k teꞌoc saꞌ li tenamit aꞌan, chi moco laj tu̱l, chi moco laj coꞌbe̱t laj yumbe̱t, chi moco li nequeꞌxcamsi ras ri̱tzꞌineb ut eb li nequeꞌlokꞌonin jalanil dios joꞌqueb ajcuiꞌ li nequeꞌcuulac chiru balakꞌic ut ticꞌtiꞌic.

Apocalipsis 21:8

Abanan li cꞌaꞌru teꞌre̱chani li incꞌaꞌ useb xnaꞌleb, aꞌan li xxamlel li azufre li chanchan palau, aꞌan lix naꞌajeb li nequeꞌxucuac, ut eb li incꞌaꞌ nequeꞌpa̱ban, ut eb li queꞌxmux ru lix pa̱ba̱leb, ut eb li nequeꞌxcamsi ras ri̱tzꞌin, ut eb laj coꞌbe̱t laj yumbe̱t, ut eb laj tu̱l, ut eb li nequeꞌlokꞌonin jalanil dios, joꞌqueb ajcuiꞌ laj ticꞌtiꞌ. Li cꞌaꞌru teꞌre̱chani eb aꞌan, aꞌan li xcab camic nak teꞌcutekꞌ saꞌ li xam.—

Apocalipsis 19:20

Li joskꞌ aj xul quichapeꞌ xban li Ti̱c Xchꞌo̱l li cuan chirix li cacua̱y sak rix ut quichapeꞌ ajcuiꞌ li profeta aj balakꞌ, li quixba̱nu li sachba chꞌo̱lej saꞌ xcꞌabaꞌ li joskꞌ aj xul. Riqꞌuin li sachba chꞌo̱lej quixba̱nu quixbalakꞌi nabaleb li tenamit chixcꞌulbal li retalil li joskꞌ aj xul ut queꞌxlokꞌoni lix jalam u̱ch. Chi xcabichaleb li joskꞌ aj xul ut li profeta aj balakꞌ queꞌcuteꞌ chi yoꞌyo̱queb saꞌ li xxamlel li azufre li chanchan nimla palau.

1 Timoteo 6:4

Eb li cui̱nk aꞌan ma̱cꞌaꞌ nequeꞌxnau. Junes xnimobresinquil rib nequeꞌxba̱nu. Caꞌaj cuiꞌ xcuechꞌinquil ribeb chirix a̱tin nacuulac chiruheb. Ut riqꞌuin aꞌan nachal li cakali̱nc, li hoboc, li kꞌaba̱nc ut li cuiba̱nc chꞌo̱lej.

1 Timoteo 4:2

Ticꞌtiꞌ li nequeꞌxcꞌut eb laj balakꞌ. Incꞌaꞌ chic nequeꞌrecꞌa nak incꞌaꞌ us yo̱queb. Chanchan nak cꞌatbil riqꞌuin chꞌi̱chꞌ lix cꞌaꞌuxeb xban li ticꞌtiꞌ li nequeꞌxye. Joꞌcan nak incꞌaꞌ nequeꞌxqꞌue retal nak incꞌaꞌ us yo̱queb chixba̱nunquil.

Nahum 3:7

Chixjunileb li jalan tenamit incꞌaꞌ chic teꞌraj e̱rilbal. Teꞌxye: Eb laj Nínive queꞌsacheꞌ ruheb. ¿Ani ta cuiꞌ ta̱tokꞌoba̱nk ruheb? Ut, ¿ani ta cuiꞌ ta̱cꞌojoba̱nk xchꞌo̱leb? chaꞌkeb.

Nahum 2:8

Li tenamit Nínive najter chanchan jun li nimaꞌ tzꞌaptzꞌo li rok. Ut nak napuqꞌueꞌ naxic saꞌ junpa̱t li haꞌ. Chanchan nak yo̱ chi e̱lc li haꞌ aꞌan, nak yo̱keb chi e̱lelic saꞌ lix tenamiteb laj Nínive. Usta teꞌyehekꞌ reheb, “Xaklinkex, ut sukꞌinkex chak,” abanan ma̱ jun chic reheb teꞌraj sukꞌi̱c.

Jeremías 51:32

Eb li xicꞌ nequeꞌiloc reheb xeꞌxchap li naꞌajej li nequeꞌnumeꞌ cuiꞌ jun pacꞌal li nimaꞌ ut yo̱queb chixcꞌatbaleb li naꞌajej li nequeꞌxcol cuiꞌ ribeb laj Babilonia. Ut chixjunileb li soldado aj Babilonia queꞌsach xchꞌo̱leb xban xxiuheb.

Jeremías 51:30

Eb li soldado aj Babilonia xeꞌxcanab pletic. Xeꞌxtzꞌap ribeb saꞌ li cab li nequeꞌxcol cuiꞌ ribeb. Ma̱cꞌaꞌeb chic xmetzꞌe̱u. Chanchaneb ixk. Cꞌatbil nak ta̱osokꞌ lix tenamiteb ut poꞌinbileb chic li oqueba̱l.

Jeremías 51:23

La̱ex texcꞌanjelak chicuu re xsachbaleb li queto̱mk ut eb laj ilol reheb. La̱ex texsachok reheb laj acuinel joꞌ eb ajcuiꞌ li bo̱yx. Ut la̱ex ajcuiꞌ texsachok reheb li nequeꞌcꞌamoc be ut eb li nequeꞌtaklan.

Jeremías 50:30

Joꞌcan nak eb li cui̱nk li toj sa̱jeb teꞌcamsi̱k saꞌ eb li be ut eb lix soldados teꞌsachekꞌ ru saꞌ li ple̱t saꞌ li cutan aꞌan, chan li Ka̱cuaꞌ.

Jeremías 48:30

La̱in ninnau lix chꞌo̱leb. Moco us ta teꞌe̱lk nak nequeꞌxnimobresi ribeb. Ma̱cꞌaꞌ na-oc cuiꞌ li nequeꞌxba̱nu.

Isaías 43:14

Li Ka̱cuaꞌ lix santil Dioseb laj Israel li nacoloc e̱re naxye chi joꞌcaꞌin: —La̱in tintaklaheb li xicꞌ nequeꞌiloc reheb laj Babilonia chi pletic riqꞌuineb re e̱colbal la̱ex. La̱in tinqꞌueheb chi numta̱c saꞌ xbe̱neb. Ut eb li tenamit teꞌchapekꞌ ut teꞌcꞌamekꞌ saꞌ lix jucubeb li queꞌxkꞌetkꞌeti cuiꞌ ribeb junxil.

2 Crónicas 25:16

Toj yo̱ ajcuiꞌ chi a̱tinac nak li rey quixye re: —¿Ani xxakaban a̱cue chi qꞌuehoc innaꞌleb? Cui incꞌaꞌ ta̱canab a̱tinac, la̱in tintakla a̱camsinquil, chan. Ut li profeta quixcanab xqꞌuebal xnaꞌleb ut quixye re: —La̱in ninnau nak li Dios tixsach a̱cuu xban nak xaba̱nu li incꞌaꞌ us aꞌin ut incꞌaꞌ xacꞌul li naꞌleb li xinqꞌue raj a̱cue, chan.

2 Samuel 17:14

Laj Absalón ut chixjunileb li cuanqueb rochben queꞌxye: —Kꞌaxal us li naꞌleb li xqꞌue laj Husai chiru li xqꞌue laj Ahitofel, chanqueb. Queꞌxye nak us xban nak ac cuan saꞌ xchꞌo̱l li Dios nak ta̱poꞌekꞌ ru li naꞌleb li quixqꞌue laj Ahitofel ut nak laj Absalón tixcꞌul li raylal.

2 Samuel 15:31

Laj David quiyeheꞌ resil re nak laj Ahitofel, aꞌan xcomoneb li nequeꞌoquen chirix laj Absalón. Joꞌcan nak laj David quitijoc ut quixye: —At Ka̱cuaꞌ, ta̱poꞌ taxak ru lix cꞌaꞌux laj Ahitofel re nak incꞌaꞌ us ta̱e̱lk li naꞌleb li tixqꞌue, chan.