Jeremías 50:35 - Li Santil hu

³⁵ Li Ka̱cuaꞌ naxye: —Eb laj Babilonia teꞌcamsi̱k saꞌ li ple̱t. Teꞌcamsi̱k chixjunileb li tenamit li cuanqueb Babilonia joꞌ eb ajcuiꞌ li nequeꞌtaklan ut eb li cuanqueb xnaꞌleb.

Q'eqchi Bible

³⁵ “Kamsihomaqeb' chi ch'iich' eb' laj Kaldeha, sachomaq ruheb' laj Babilonia, eb' li neke'jolomink re li tenamit ut eb' laj k'ehol na'leb'.

Jeremías 50:35 ပူးပေါင်းရင်းမြစ်များ

Jeremías 47:6

La̱ex te̱jap e̱re chixyebal: —At Ka̱cuaꞌ, ¿ma incꞌaꞌ ta̱canab kacamsinquil? ¿Ma incꞌaꞌ ta̱ru̱k ta̱xoc la̱ chꞌi̱chꞌ saꞌ rochoch? ¿Ma incꞌaꞌ tathila̱nk caꞌchꞌinak?

Oseas 11:6

Ta̱cua̱nk li ple̱t saꞌ lix tenamiteb. Talajeꞌosokꞌ li tenamit xban li ple̱t. Eb lin tenamit teꞌosokꞌ xban nak queꞌxba̱nu li cꞌaꞌru queꞌraj xjuneseb.

Daniel 5:30

Ut saꞌ ajcuiꞌ li kꞌojyi̱n aꞌan, quicamsi̱c laj Belsasar lix reyeb laj Caldea.

Jeremías 51:57

Aꞌin li naxye li Ka̱cuaꞌ: —La̱in tinqꞌueheb chi cala̱c li nequeꞌtenkꞌan re li rey ut eb li cuanqueb xnaꞌleb joꞌ eb ajcuiꞌ li nequeꞌtaklan saꞌ xbe̱neb li soldados ut eb li cuanqueb saꞌ xcuanquil, joꞌ eb ajcuiꞌ li soldados. Teꞌcua̱rk chi junaj cua ut incꞌaꞌ chic teꞌajk ruheb, chan li Rey li “nimajcual Dios” xcꞌabaꞌ.

Zacarías 11:17

Raylal cha̱lel saꞌ xbe̱n laj ilol xul li ma̱cꞌaꞌ na-oc cuiꞌ xban nak quixtzꞌekta̱na lin carner. Chanchan nak tinyocꞌ lix nim ukꞌ ut tinsach lix nakꞌ ru nak tincuisi lix cuanquil. Ta̱cana̱k chi ma̱cꞌaꞌ chic xcuanquil chi junaj cua ut chi ma̱cꞌaꞌ chic xnaꞌleb, chan li Ka̱cuaꞌ.

Ezequiel 14:2

Ut li Ka̱cuaꞌ quia̱tinac cuiqꞌuin ut quixye:

Jeremías 51:39

Nak yo̱keb chixjapbal reheb ut ta̱chakik reheb, la̱in tinqꞌue li rucꞌaheb ut teꞌcala̱k. Japjo̱k reheb chi seꞌec ut chirix aꞌan teꞌcua̱rk chi junaj cua ut incꞌaꞌ chic teꞌajk ruheb, chan li Ka̱cuaꞌ.

Jeremías 50:30

Joꞌcan nak eb li cui̱nk li toj sa̱jeb teꞌcamsi̱k saꞌ eb li be ut eb lix soldados teꞌsachekꞌ ru saꞌ li ple̱t saꞌ li cutan aꞌan, chan li Ka̱cuaꞌ.

Jeremías 50:27

Camsihomakeb chixjunil li cui̱nk li toj sa̱jeb. Chanchanakeb li cuacax li yo̱queb chi xic chi camsi̱c. Raylal ta̱cha̱lk saꞌ xbe̱neb laj Babilonia xban nak xcuulac xkꞌehil nak teꞌqꞌuehekꞌ chi xtojbal rix lix ma̱queb.

Jeremías 10:7

¿Ma cuan ta biꞌ junak incꞌaꞌ ta̱xucua̱nk a̱cuu? La̱at lix reyeb chixjunileb li tenamit. A̱cꞌulub nak ta̱xucua̱k a̱cuu. Ma̱ jun ta̱ru̱k xjuntakꞌe̱tanquil a̱cuiqꞌuin chi moco saꞌ xya̱nkeb li cuanqueb xnaꞌleb saꞌ ruchichꞌochꞌ, chi moco saꞌ xya̱nkeb li cuanqueb xcuanquil.

Jeremías 8:9

Teꞌcꞌutekꞌ xxuta̱neb li cuanqueb xnaꞌleb. Teꞌsachk xnaꞌlebeb ut incꞌaꞌ chic teꞌxnau cꞌaꞌru teꞌxba̱nu. Queꞌxtzꞌekta̱na li cua̱tin. ¿Ma cuan ta biꞌ chic xnaꞌlebeb anakcuan eb aꞌan?

Isaías 66:16

Li Ka̱cuaꞌ ta̱rakok a̱tin saꞌ xbe̱neb riqꞌuin xam ut riqꞌuin chꞌi̱chꞌ tixcamsiheb. Kꞌaxal nabalakeb li teꞌcamsi̱k xban li Ka̱cuaꞌ.

Isaías 44:25

La̱in nincꞌutbesi nak ma̱cꞌaꞌ na-oc cuiꞌ li cꞌaꞌru nequeꞌxye laj kꞌe. La̱in ninba̱nun re nak incꞌaꞌ na-uxman li cꞌaꞌru nequeꞌxye li nequeꞌbalakꞌin. Ut la̱in ajcuiꞌ nincꞌutbesin re nak ma̱cꞌaꞌ xya̱lal li cꞌaꞌru nequeꞌxye li nequeꞌxcꞌoxla nak cuanqueb xnaꞌleb xjuneseb.

Isaías 41:25

La̱in xinsicꞌ ru jun saꞌ li este. Aꞌan ta̱cha̱lk saꞌ li norte chi pletic. Aꞌan tixya̱ba lin cꞌabaꞌ ut ta̱numta̱k saꞌ xbe̱neb li cuanqueb xcuanquil. Chanchanakeb li sulul chiru malaj ut joꞌakeb li seb chiru laj pacꞌonel.

Isaías 29:14

Joꞌcan nak la̱in tinba̱nu jun li sachba chꞌo̱lej xiu xiu rilbal riqꞌuineb li tenamit aꞌin. Eb li cuanqueb xnaꞌleb ma̱cꞌaꞌak chic xnaꞌlebeb ut eb li se̱beb xchꞌo̱l incꞌaꞌ chic se̱bak xchꞌo̱leb, chan li Dios.

Levítico 26:25

La̱in tintaklaheb li xicꞌ nequeꞌiloc e̱re chi pletic e̱riqꞌuin re xtojbal rix le̱ ma̱c nak xekꞌet lin contrato. Nak texxic saꞌ eb li tenamit chixcolbal e̱rib, la̱in tintakla li rax ca̱mc saꞌ e̱be̱n ut la̱ex te̱kꞌaxtesi e̱rib saꞌ rukꞌeb li xicꞌ nequeꞌiloc e̱re.

Isaías 45:1

Li Ka̱cuaꞌ quixsicꞌ ru li rey Ciro chi numta̱c saꞌ xbe̱neb li xni̱nkal ru tenamit ut chixcubsinquil xcuanquileb li rey. Li Ka̱cuaꞌ tixtenkꞌa ut tixte li oqueba̱l chiru. Ma̱ ani ta̱ramok chiru. Aꞌan aꞌin li quixye li Ka̱cuaꞌ re li rey Ciro:

Jeremías 51:47

Relic chi ya̱l ta̱cuulak xkꞌehil nak la̱in tinqꞌueheb chixtojbal xma̱queb ut tinsach ruheb li jalanil dios. Xuta̱nal teꞌe̱lk chixjunileb li cuanqueb saꞌ li naꞌajej aꞌan. Ut eb li camenak tꞌanaxi̱nkeb saꞌ eb li naꞌajej.