Jeremías 50:31 - Li Santil hu

³¹ La̱in li nimajcual Dios tinsach e̱ru la̱ex aj Babilonia, xban nak xekꞌetkꞌeti e̱rib chicuu. Xcuulac xkꞌehil nak la̱in texinqꞌue chixtojbal rix li ma̱c xeba̱nu.

Q'eqchi Bible

³¹ “At q'etq'et aj tenamit, yo injosq'il aawik'in; xwulak laakutankil ut xtaw xq'ehil naq taatoj rix laamaak.

Jeremías 50:31 ပူးပေါင်းရင်းမြစ်များ

Jeremías 50:29

Bokomakeb li nequeꞌxnau cutuc riqꞌuin tzimaj re teꞌpletik riqꞌuineb laj Babilonia. Ut teꞌxyi̱b lix muheba̱leb chi xjun sutam li tenamit ut ma̱ ani teꞌxcanab chi e̱lelic. Qꞌuehomak re̱kaj li ma̱usilal li queꞌxba̱nu xban nak queꞌxkꞌetkꞌeti ribeb chiru li Ka̱cuaꞌ, lix santil Dioseb laj Israel.

Jeremías 21:13

La̱in yo̱ injoskꞌil saꞌ e̱be̱n la̱ex li cuanquex saꞌ li helho ru saꞌ xbe̱n li tzu̱l. La̱ex nequecꞌoxla nak cau e̱rib joꞌ jun sako̱nac. La̱in tinsach e̱ru la̱ex li nequeye, “¿Ani ta biꞌ ta̱sachok ku? ¿Ani ta biꞌ ta̱ru̱k ta̱oc saꞌ katenamit li ac cauresinbil re takacol cuiꞌ kib?”

1 Pedro 5:5

Ut anakcuan, ex herma̱n, tinye cuib oxibak a̱tin e̱re la̱ex li toj sa̱jex. Chex-abi̱nk chiruheb li nequeꞌcꞌamoc be saꞌ e̱ya̱nk. Me̱nimobresi e̱rib che̱ribil e̱rib. Chetenkꞌa ban e̱rib che̱ribil e̱rib che̱junilex joꞌ tzꞌi̱banbil saꞌ li Santil Hu: Li Dios naxtzꞌekta̱naheb li kꞌetkꞌeteb ut naxba̱nu usilal reheb li nequeꞌxcubsi ribeb. (Prov. 3:34)

Santiago 4:6

Li Dios kꞌaxal numtajenak cuiꞌchic li rusilal naxqꞌue ke. Li Santil Hu naxye nak li Dios incꞌaꞌ nacuulac chiru li nequeꞌxnimobresi rib. Abanan li Dios naxqꞌue li rusilal reheb li tu̱laneb. (Prov. 3:34)

Nahum 2:13

Li nimajcual Dios quixye: —La̱in tinsach ruheb laj Nínive. Tincꞌat lix carruajeb re pletic. Chanchan nak na-osoꞌ li sib saꞌ ikꞌ, joꞌcan nak teꞌosokꞌ. Riqꞌuin chꞌi̱chꞌ teꞌosokꞌ chixjunileb re nak incꞌaꞌ chic teꞌelkꞌak. Ut incꞌaꞌ chic ta̱abi̱k li cꞌaꞌru teꞌxye li ani teꞌxtakla xban nak ma̱ anihakeb chic.

Ezequiel 39:1

At ralal cui̱nk, ta̱ye resil li raylal li ta̱cha̱lk saꞌ xbe̱n laj Gog. Ye re nak la̱in li nimajcual Dios ninye chi joꞌcaꞌin. La̱in yo̱ injoskꞌil saꞌ a̱be̱n, at Gog. La̱at li kꞌaxal nim a̱cuanquil saꞌ xbe̱neb laj Mesec ut saꞌ xbe̱neb laj Tubal.

Nahum 3:5

Li nimajcual Dios quixye: —La̱in tinsach e̱ru la̱ex aj Nínive. Chanchan tꞌustꞌu texincanab nak tinmakꞌ che̱ru li cꞌaꞌru e̱re. Tincꞌut e̱xuta̱n chiruheb li xni̱nkal ru tenamit.

Ezequiel 38:3

Ta̱ye re: Joꞌcaꞌin xye li nimajcual Dios. La̱in yo̱ injoskꞌil saꞌ a̱be̱n, at Gog. La̱at li nim a̱cuanquil chi takla̱nc saꞌ eb li tenamit Mesec ut Tubal.

Ezequiel 29:3

Ta̱ye reheb: joꞌcaꞌin xye li Ka̱cuaꞌ li nimajcual Dios. Yo̱ injoskꞌil saꞌ a̱be̱n la̱at, at faraón, lix reyeb laj Egipto. La̱at chanchanat jun li nimla xul dragón xcꞌabaꞌ li nacuan saꞌ nimaꞌ. Nacaye, “Li nimaꞌ Nilo cue la̱in. La̱in quinyi̱ban re,” chancat.

Ezequiel 5:8

Joꞌcan nak la̱in li Ka̱cuaꞌ ninye e̱re: —La̱in yo̱ injoskꞌil saꞌ e̱be̱n la̱ex aj Jerusalén. Texinqꞌue chixtojbal e̱ma̱c chiruheb li xni̱nkal tenamit.

Jeremías 51:25

La̱ex aj Babilonia, chanchanex jun li tzu̱l najt xteram. La̱ex li xexsachoc saꞌ chixjunil li ruchichꞌochꞌ. Abanan la̱in li Ka̱cuaꞌ. Yo̱ injoskꞌil saꞌ e̱be̱n. La̱in tinsach ru le̱ tenamit. Cꞌatbil nak ta̱osokꞌ.

Jeremías 50:32

Eb laj Babilonia li kꞌetkꞌeteb teꞌxtich li rokeb ut teꞌtꞌanekꞌ ut ma̱ ani tixtenkꞌaheb chi cuacli̱c. La̱in tinqꞌue xxamlel li tenamit ut ta̱cꞌatekꞌ chixjunil li cuan chi xjun sutam, chan.

Jeremías 49:16

Xeꞌxbalakꞌi ribeb nak xeꞌxqꞌue xxiuheb li tenamit. Xeꞌxbalakꞌi ribeb nak xeꞌxnimobresi ribeb. Eb aꞌan xeꞌxyi̱b lix naꞌajeb saꞌ xya̱nkeb li sako̱nac saꞌ eb li ni̱nki tzu̱l joꞌ naxba̱nu li tꞌiu. Abanan usta najt xteram teꞌxyi̱b chak lix naꞌajeb, la̱in tebincubsi chak toj aran.

Jeremías 48:29

La̱o xkabi resil nak nequeꞌxnimobresi ribeb laj Moab. Kꞌetkꞌeteb ut joskꞌeb. Nequeꞌxkꞌetkꞌeti ribeb ut aj kꞌetoleb a̱tin.

Apocalipsis 18:8

Joꞌcan nak chiru jun cutan talajeꞌcha̱lk li raylal saꞌ xbe̱n li tenamit aꞌan. Ta̱cha̱lk ca̱mc, ut ya̱bac ut cueꞌej saꞌ xbe̱neb. Li tenamit ta̱sachekꞌ ru riqꞌuin xam xban nak kꞌaxal nim xcuanquil li Ka̱cuaꞌ li ta̱rakok a̱tin saꞌ xbe̱neb, chan.

Isaías 2:12

Saꞌ eb li cutan aꞌan li Ka̱cuaꞌ li kꞌaxal nim xcuanquil ta̱rakok a̱tin saꞌ xbe̱neb li nequeꞌrecꞌa nak ni̱nkeb xcuanquil. Ta̱risi xcuanquileb li nequeꞌxnimobresi ribeb ut eb li nequeꞌxkꞌetkꞌeti ribeb.