Jeremías 50:3 - Li Santil hu

³ Jun li nimla tenamit ta̱cha̱lk chak saꞌ li norte chi pletic riqꞌuineb laj Babilonia ut tixsach ruheb. Ma̱cꞌaꞌ chic ta̱cua̱nk aran, chi moco cristian, chi moco xul.”

Q'eqchi Bible

³ Xb'aan naq xchalk chaq sa' xjayal releb'l iq' jun tenamit li toljuk'uq re Babilonia. Maajun chik taawanq sa' li na'ajej a'an, chi moko poyanameb' chi moko xuleb'.

Jeremías 50:3 ပူးပေါင်းရင်းမြစ်များ

Sofonías 1:3

Tinsacheb ru chixjunileb li cristian ut tinsach ajcuiꞌ ruheb chixjunileb li xul. Tinsach ruheb li xul li nequeꞌrupupic chiru choxa joꞌqueb ajcuiꞌ li car li cuanqueb saꞌ li nimaꞌ. Tinsach ruheb li incꞌaꞌ useb xnaꞌleb. Tinsacheb ru chixjunileb li cristian, chan li Ka̱cuaꞌ.

Jeremías 51:11

Li Ka̱cuaꞌ xqꞌue saꞌ xchꞌo̱leb lix reyeb laj Media nak teꞌxsach ruheb laj Babilonia. Li Ka̱cuaꞌ tixqꞌue re̱kaj li queꞌxba̱nu re lix templo li Ka̱cuaꞌ. La̱ex aj Media, cauresihomak le̱ tzimaj ut cauresihomak le̱ chꞌi̱chꞌ li nequecol cuiꞌ re le̱ chꞌo̱l.

Jeremías 51:62

Ut ta̱ye, “At Ka̱cuaꞌ, la̱at caye nak ta̱sach ru li naꞌajej aꞌin. Ma̱cꞌaꞌ chic cristian ta̱cana̱k saꞌ li naꞌajej aꞌin, chi moco eb li xul. Ta̱cana̱k chokꞌ chaki chꞌochꞌ chi junaj cua.”

Jeremías 50:9

La̱in tinqꞌue saꞌ xchꞌo̱leb li xni̱nkal ru tenamit li cuanqueb saꞌ li norte nak teꞌxjunaji ribeb ut teꞌcha̱lk chi pletic riqꞌuineb laj Babilonia. Saꞌ li norte teꞌcha̱lk li teꞌnumta̱k saꞌ xbe̱neb. Teꞌxnau chi us cutuc riqꞌuin tzimaj ut ti̱cak rukꞌeb.

Jeremías 51:48

Ut chixjunileb li cuanqueb saꞌ choxa ut eb li cuanqueb saꞌ ruchichꞌochꞌ teꞌxjap reheb xban xsahil xchꞌo̱leb xban li cꞌaꞌru teꞌxcꞌul eb laj Babilonia. Eb li teꞌsachok reheb teꞌcha̱lk chak saꞌ li norte, chan li Ka̱cuaꞌ.

Jeremías 21:6

La̱in tinsach e̱ru che̱junilex li cuanquex saꞌ li tenamit aꞌin, joꞌ cristian joꞌ xul. Tintakla jun nimla yajel saꞌ e̱be̱n ut telajexca̱mk.

Jeremías 7:20

Joꞌcan nak la̱in li Ka̱cuaꞌ Dios tincuisi lin joskꞌil saꞌ xbe̱n li naꞌajej aꞌin. Tincuisi lin joskꞌil saꞌ xbe̱neb li cristian ut eb li xul joꞌ ajcuiꞌ saꞌ xbe̱neb li cheꞌ ut li acui̱mk. Lin joskꞌil chanchanak jun li xam li incꞌaꞌ naru xchupbal.—

Éxodo 12:12

Saꞌ li kꞌojyi̱n aꞌan la̱in tincuulak saꞌ li tenamit Egipto ut tincamsiheb chixjunileb li xbe̱n alalbej saꞌ xya̱nkeb laj Egipto, joꞌcan ajcuiꞌ li xbe̱n ral li queto̱mk. Ut la̱in tinrakok a̱tin saꞌ xbe̱neb lix dioseb li nequeꞌxlokꞌoni laj Egipto. La̱in li Ka̱cuaꞌ Dios.

Génesis 6:7

Li Ka̱cuaꞌ Dios quixye: —Tebinqꞌue chi osocꞌ li cristian li quinyoꞌobtesiheb, joꞌ ajcuiꞌ chixjunileb li xul li nequeꞌbe̱c ut teꞌosokꞌ li nequeꞌxjucuqui ribeb, joꞌ ajcuiꞌ li nequeꞌrupupic saꞌ choxa. Cꞌajoꞌ nak nayotꞌeꞌ inchꞌo̱l xbaneb. Incꞌaꞌ raj xebinyoꞌobtesi, chan li Dios.

Isaías 41:25

La̱in xinsicꞌ ru jun saꞌ li este. Aꞌan ta̱cha̱lk saꞌ li norte chi pletic. Aꞌan tixya̱ba lin cꞌabaꞌ ut ta̱numta̱k saꞌ xbe̱neb li cuanqueb xcuanquil. Chanchanakeb li sulul chiru malaj ut joꞌakeb li seb chiru laj pacꞌonel.

Isaías 45:1

Li Ka̱cuaꞌ quixsicꞌ ru li rey Ciro chi numta̱c saꞌ xbe̱neb li xni̱nkal ru tenamit ut chixcubsinquil xcuanquileb li rey. Li Ka̱cuaꞌ tixtenkꞌa ut tixte li oqueba̱l chiru. Ma̱ ani ta̱ramok chiru. Aꞌan aꞌin li quixye li Ka̱cuaꞌ re li rey Ciro:

Jeremías 9:10

Laj Jeremías quixye: —La̱in tinya̱bak chirix li cꞌaꞌru quixcꞌul li tzu̱l ut li pachꞌayaꞌ. Xeꞌcana chi ma̱cꞌaꞌ chic cuan chiru ut ma̱ ani chic nanumeꞌ aran. Incꞌaꞌ chic nequeꞌabi̱c chi ya̱bac li cuacax. Queꞌe̱lelic li xul li nequeꞌrupupic chiru choxa. Ut queꞌe̱lelic ajcuiꞌ chixjunileb li joskꞌ aj xul, chan.

Jeremías 9:11

Li Ka̱cuaꞌ quixye: —La̱in tinsach ru li tenamit Jerusalén. Jucꞌbil chic ta̱cana̱k chixjunil. Ta̱cana̱k chokꞌ xnaꞌajeb laj xoj. Chanchan chaki chꞌochꞌ teꞌcana̱k eb li tenamit li cuanqueb Judá. Ma̱ ani chic ta̱ru̱k ta̱cua̱nk saꞌ li naꞌajej aꞌan, chan li Ka̱cuaꞌ.