Jeremías 50:27 - Li Santil hu

²⁷ Camsihomakeb chixjunil li cui̱nk li toj sa̱jeb. Chanchanakeb li cuacax li yo̱queb chi xic chi camsi̱c. Raylal ta̱cha̱lk saꞌ xbe̱neb laj Babilonia xban nak xcuulac xkꞌehil nak teꞌqꞌuehekꞌ chi xtojbal rix lix ma̱queb.

Q'eqchi Bible

²⁷ Kamsihomaq chixjunileb' laj puub' ut sachomaq ruheb' jo'eb' li wakax. Rahilal xchalk sa' xb'eeneb' xb'aan naq xwulak xkutankil li xrahob'tesinkileb'.

Jeremías 50:27 ပူးပေါင်းရင်းမြစ်များ

Jeremías 46:21

Ut eb li soldado, li tojbileb, chanchaneb li cocꞌ cuacax li ni̱nkeb xtibel. Incꞌaꞌ teꞌxcuy pletic. Teꞌxsukꞌisi ban ribeb ut teꞌe̱lelik xban nak xcuulac xkꞌehil nak teꞌsachekꞌ ruheb.

Isaías 34:7

Eb li tenamit aꞌan teꞌcamsi̱k joꞌ nak nequeꞌcamsi̱c li cuacax ut li toro. Lix quiqꞌueleb tixtꞌakresi li chꞌochꞌ ut lix xe̱buleb ta̱osokꞌ saꞌ li poks,

Jeremías 48:44

Li ani ta̱e̱lelik xban xxiu ta̱tꞌanekꞌ saꞌ jul. Ut li ani ta̱e̱lk saꞌ li jul ta̱chapekꞌ saꞌ li raꞌal, xban nak la̱in tintakla li raylal saꞌ xbe̱neb laj Moab re nak teꞌxtoj rix lix ma̱queb, chan li Ka̱cuaꞌ.

Salmos 37:13

Abanan li Ka̱cuaꞌ naseꞌec xban li nequeꞌxba̱nu xban nak aꞌan naxnau nak cuulac re xkꞌehil nak teꞌsachekꞌ.

Salmos 22:12

Eb li xicꞌ nequeꞌiloc cue, sutsu̱quin xbaneb. Chanchaneb li qꞌuila toro. Chanchaneb li joskꞌ aj toro li nequeꞌchal chak saꞌ li naꞌajej Basán.

Apocalipsis 19:17

Ut quicuil jun li ángel xakxo chiru li sakꞌe. Chi cau xya̱b xcux yo̱ chi a̱tinac riqꞌuineb chixjunileb laj xicꞌanel xul li nequeꞌtiꞌoc tib, li yo̱queb chi rupupic chiru choxa. Quixye reheb: —Quimkex. Chꞌutubomak e̱rib chi cuaꞌac saꞌ li ninkꞌe li ac xcauresi li Dios.

Apocalipsis 18:10

Cꞌajoꞌ nak teꞌxucuak chirilbal li cꞌaꞌru tixcꞌul li tenamit. Teꞌxakli̱k chi najt riqꞌuin xban xxiuheb ut teꞌxye: Tokꞌob ru li tenamit Babilonia li nim xcuanquil nak quicuan. Tokꞌob ru lix nimal ru tenamit. Chiru jun cꞌamoc xrakeꞌ a̱tin saꞌ xbe̱neb.

Lamentaciones 1:21

Eb li tenamit queꞌrabi nak yo̱co chi ya̱bac xban li raylal, abanan ma̱ ani nacꞌojoban kachꞌo̱l. Nequeꞌsahoꞌ saꞌ xchꞌo̱leb li xicꞌ nequeꞌiloc ke nak nequeꞌrabi resil li raylal li xaqꞌue saꞌ kabe̱n. Chicuulak taxak xkꞌehil li rakba a̱tin re nak teꞌxcꞌul ajcuiꞌ eb aꞌan joꞌ yo̱co chixcꞌulbal la̱o.

Jeremías 50:31

La̱in li nimajcual Dios tinsach e̱ru la̱ex aj Babilonia, xban nak xekꞌetkꞌeti e̱rib chicuu. Xcuulac xkꞌehil nak la̱in texinqꞌue chixtojbal rix li ma̱c xeba̱nu.

Jeremías 50:11

Li Ka̱cuaꞌ quixye: —La̱ex aj Babilonia, la̱ex xerecꞌa xsahil nak xexnumta saꞌ xbe̱neb lin tenamit ut xemakꞌ chiruheb li cꞌaꞌru reheb ut sa saꞌ e̱chꞌo̱l. Chanchanex li cuacax li napiscꞌoc saꞌ pachꞌayaꞌ, malaj ut chanchanex li cacua̱y li naxjap re xban xsahil xchꞌo̱l.

Jeremías 27:7

Chixjunileb li tenamit saꞌ ruchichꞌochꞌ teꞌcꞌanjelak chiru aꞌan. Ut teꞌcꞌanjelak chiru li ralal joꞌ ajcuiꞌ chiru li ri toj ta̱cuulak xkꞌehil nak ta̱chapekꞌ lix tenamiteb aꞌan xbaneb li xni̱nkal ru tenamit ut eb lix rey. Ut eb aꞌan chic teꞌcana̱k rubel xcuanquil eb li ni̱nkeb xcuanquil.

Li xHu LAJ JOB 18:20

Eb li cuanqueb saꞌ li este li na-el cuiꞌ chak li sakꞌe, teꞌxucuak xban li cꞌaꞌru quixcꞌul li cui̱nk. Ut eb li cuanqueb saꞌ li oeste, li na-oc cuiꞌ li sakꞌe, teꞌsachk xchꞌo̱leb chirilbal li cꞌaꞌru quixcꞌul.

Jeremías 12:3

At Ka̱cuaꞌ, la̱at nacanau cuu. Nacanau chanru lin naꞌleb ut chanru lin cꞌaꞌux cha̱cuu. Chacꞌameb li tenamit aꞌan joꞌ nak nequeꞌcꞌameꞌ li carner chi camsi̱c. Teneb ca̱mc saꞌ xbe̱neb.

Jeremías 25:34

La̱ex li nequeꞌcꞌamoc be chiruheb lin tenamit chexya̱bak. Chexya̱bak ut chetolcꞌosi e̱rib saꞌ li poks retalil li xrahil e̱chꞌo̱l xban nak cuulac re xkꞌehil nak texcamsi̱k. Chanchanakex chic li cha̱bil secꞌ li quijoreꞌ.

Jeremías 48:10

(Tzꞌekta̱nanbilakeb li incꞌaꞌ nequeꞌxqꞌue xchꞌo̱l chixba̱nunquil lix cꞌanjel li Dios. Tzꞌekta̱nanbilakeb li incꞌaꞌ teꞌoque̱nk chi camsi̱nc nak taklanbileb xban li Ka̱cuaꞌ.)

Jeremías 48:15

Eb li tenamit Moab ut eb li cristian teꞌsachekꞌ ruheb. Eb li sa̱j cui̱nk li sicꞌbileb ru camsinbilakeb chi chꞌi̱chꞌ nak teꞌosokꞌ, chan li tzꞌakal Rey, li “Nimajcual Dios” xcꞌabaꞌ.

Jeremías 51:40

La̱in tinqꞌueheb chi camsi̱c. Chanchanakeb li carner ut eb li ral ut eb li chiba̱t nak nequeꞌcꞌameꞌ chi camsi̱c.

Isaías 21:12

Ut li yo̱ chi cꞌacꞌale̱nc quixye: —Cutanocꞌ re, abanan aꞌ que cuiꞌchic na-oc li kꞌojyi̱n. Cui ta̱cuaj patzꞌoc, tatsukꞌi̱k cuiꞌchic, chan.

Isaías 34:6

Nak teꞌcamsi̱k chanchan nak lix chꞌi̱chꞌ li Ka̱cuaꞌ ta̱osokꞌ saꞌ lix quiqꞌueleb ut saꞌ lix xe̱b. Chanchan nak nequeꞌcamsi̱c li cocꞌ carner ut eb li chiba̱t nak nequeꞌxqꞌue lix mayej. Chanchan nak li Ka̱cuaꞌ oc re xqꞌuebal li cꞌatbil mayej aran Bosra. Ma̱ caꞌchꞌin li camsi̱nc ta̱cua̱nk aran Edom.