Jeremías 50:20 - Li Santil hu

²⁰ Saꞌ eb li cutan aꞌan eb laj Israel ut eb laj Judá ma̱cꞌaꞌak xma̱queb xban nak la̱in tincuy tinsach lix ma̱queb li joꞌ qꞌuial chic xeꞌcana, chan li Ka̱cuaꞌ.

Q'eqchi Bible

²⁰ Chiruheb' li kutan a'an maak'a'aq chik xmaakeb' laj Israel ut laj Judá, xb'aan naq laa'in twil xtoq'ob'aal ruheb' li jo'k'ihal xe'kole'k”, chan li Qaawa'.

Jeremías 50:20 ပူးပေါင်းရင်းမြစ်များ

Miqueas 7:19

La̱at ta̱cuuxta̱na cuiꞌchic ku ut incꞌaꞌ chic ta̱nak saꞌ a̱chꞌo̱l li kama̱c. Chanchan cutbil saꞌ xchꞌamal li palau ta̱ba̱nu nak ta̱tzꞌekta̱na chi junaj cua li kama̱usilal.

Jeremías 31:34

Moco tento ta nak toj teꞌxye re li ras ri̱tzꞌin “¿Ma nacanau ani li tzꞌakal Dios?” xban nak chixjunileb, joꞌ cocꞌ joꞌ ni̱nk, teꞌxnau nak la̱in li Ka̱cuaꞌ Dios. Ut la̱in tincuyeb tinsacheb lix ma̱queb ut incꞌaꞌ chic ta̱nak saꞌ inchꞌo̱l lix ma̱usilaleb, chan li Ka̱cuaꞌ.

Isaías 43:25

Abanan la̱in li Ka̱cuaꞌ Dios. La̱in nincuyuc re le̱ ma̱c. Ninba̱nu aꞌan xban nak la̱in li Dios. La̱in tincuy le̱ ma̱c ut incꞌaꞌ chic ta̱julticokꞌ cue.

Isaías 1:9

Cui ta incꞌaꞌ quixcanab coꞌxibakeb kacomon nak quixsach ru li katenamit li nimajcual Dios, co-osoꞌ raj joꞌ nak queꞌosoꞌ li tenamit Sodoma ut Gomorra.

Salmos 103:12

Quirisi li kama̱c. Chanchan nak quixtzꞌek chak chi najt. Joꞌ xnajtil li na-el cuiꞌ chak li sakꞌe riqꞌuin li na-oc cuiꞌ, chanchan joꞌcan xnajtil li quixtzꞌek cuiꞌ li kama̱c.

2 Pedro 3:15

Julticak e̱re nak cui li Ka̱cuaꞌ Jesucristo ma̱jiꞌ nacꞌulun, aꞌan re nak li ani ma̱jiꞌ nacoleꞌ naru ta̱colekꞌ. Aꞌan aj e nak quitzꞌi̱bac e̱riqꞌuin li kaherma̱n Pablo, li kꞌaxal raro kaban. Aꞌan quixtzꞌi̱ba li naꞌleb aꞌin joꞌ qꞌuebil chak re xban li Dios.

Isaías 44:22

La̱in xinsachoc re le̱ ma̱c joꞌ nak nasach li chok. Sukꞌinkex cuiqꞌuin xban nak la̱in xincoloc e̱re.

Números 23:21

Ma̱cꞌaꞌ raylal yo̱queb chixba̱nunquil laj Israel li ralal xcꞌajol laj Jacob. Eb aꞌan cuanqueb saꞌ xya̱lal. Li Ka̱cuaꞌ lix Dioseb cuan riqꞌuineb. Ut nequeꞌxnau nak aꞌan lix reyeb.

Romanos 6:13

Chi moco cheqꞌue e̱rib chixba̱nunquil li ma̱usilal. Chekꞌaxtesi ban e̱rib saꞌ rukꞌ li Dios. Xban nak ac xecꞌul li acꞌ yuꞌam chanchan nak xexcuacli cuiꞌchic chi yoꞌyo saꞌ xya̱nkeb li camenak. Joꞌcan nak cheqꞌue le̱ rok e̱rukꞌ chi cꞌanjelac chiru li Dios re xba̱nunquil li us.

Jeremías 33:15

Saꞌ eb li cutan aꞌan, la̱in tinxakab jun li Rey. Li Rey aꞌan ta̱yoꞌla̱k saꞌ xya̱nkeb li ralal xcꞌajol laj David. Aꞌan ta̱cꞌamok xbe li tenamit saꞌ ti̱quilal ut cua̱nk xcuanquil.

Romanos 11:6

Moco riqꞌuin ta xyehom xba̱nuhomeb nak quixsiqꞌueb ru. Yal riqꞌuin ban lix nimal ruxta̱n li Dios nak quixsiqꞌueb ru. Cui ta quixsiqꞌueb ru saꞌ xcꞌabaꞌ xyehom xba̱nuhomeb, aꞌan ma̱cuaꞌ raj chic xban xnimal ruxta̱n li Dios.

Romanos 5:16

Li ma̱c quixba̱nu laj Adán incꞌaꞌ naru xjuntakꞌe̱tanquil riqꞌuin li colba-ib quixqꞌue li Dios xban nak kꞌaxal nim xcuanquil li colba-ib. Xban nak quima̱cob laj Adán, joꞌcan nak cuan li tojba ma̱c. Aban li ma̱tan li naxqꞌue li Dios naxti̱cobresi li kachꞌo̱l ut saꞌ xcꞌabaꞌ li Jesucristo nabaleb teꞌcolekꞌ.

Hechos 3:26

Nak li Dios quixtakla chak li ralal, quixtakla xbe̱n cua e̱riqꞌuin la̱ex aj judío re e̱rosobtesinquil re nak che̱junju̱nkalex te̱yotꞌ e̱chꞌo̱l ut te̱jal e̱cꞌaꞌux ut te̱canab xba̱nunquil li ma̱usilal.—

Hechos 3:19

Joꞌcan ut nak yotꞌomak e̱chꞌo̱l ut jalomak e̱cꞌaꞌux ut sicꞌomak li Ka̱cuaꞌ re nak aꞌan tixcuy tixsach le̱ ma̱c. Ut li Ka̱cuaꞌ tixqꞌue xcacuilal ut xsaylal e̱chꞌo̱l.

Jeremías 50:4

Ta̱cuulak xkꞌehil nak eb li ralal xcꞌajol laj Israel, ut eb li ralal xcꞌajol laj Judá teꞌcha̱lk chinsicꞌbal la̱in lix Dioseb. Yo̱keb chi ya̱bac nak teꞌcha̱lk chinsicꞌbal.

Jeremías 44:14

Ma̱ jun reheb laj Judá li queꞌco̱eb chi cua̱nc Egipto teꞌcolekꞌ. Ma̱ jun reheb ta̱sukꞌi̱k cuiꞌchic Judá usta teꞌraj ru sukꞌi̱c. Caꞌaj chic li teꞌruha̱nk chi e̱lelic teꞌsukꞌi̱k, chan li Dios.

Salmos 17:3

La̱at nacanau chanru lin cꞌaꞌux. Chi kꞌek chi cutan nacacuil chanru lin naꞌleb. La̱at xayal rix lin pa̱ba̱l ut nacanau nak ma̱cꞌaꞌ ma̱usilal ninba̱nu. Ut la̱at nacanau nak ma̱ jun yibru a̱tin na-el chi xtzꞌu̱mal cue.

Isaías 33:24

Ma̱ ani chic tixye “yajin”. Ut li Ka̱cuaꞌ tixcuy tixsach lix ma̱queb li cuanqueb Jerusalén. Ma̱ ani chic ta̱yaje̱rk xban nak cuybil chic lix ma̱queb li cuanqueb Jerusalén.

Jeremías 33:8

La̱in tincuisi lix ma̱usilaleb. Tincuy li ma̱c li queꞌxba̱nu chicuu ut tincuy ajcuiꞌ xma̱queb nak queꞌxkꞌetkꞌeti ribeb chicuu.

Ezequiel 18:22

Chixjunil li ma̱c li quixba̱nu chak junxil incꞌaꞌ ta̱julticokꞌ re li Dios ut incꞌaꞌ ta̱camsi̱k xban nak quixjal xnaꞌleb ut quixba̱nu li us.

Zacarías 3:9

La̱in xinqꞌue jun li pec chiru laj Josué. Li pec aꞌan cuan cuukub pere̱l ru. La̱in tintzꞌi̱ba jun li retalil chiru. Ut chiru jun cutan tincuisi lix ma̱queb li cuanqueb saꞌ ruchichꞌochꞌ.

Salmos 85:3

Incꞌaꞌ chic yo̱ a̱joskꞌil saꞌ kabe̱n. Xnumeꞌ ban a̱joskꞌil.

Isaías 10:21

Eb laj Israel, li ralal xcꞌajol laj Jacob, li incꞌaꞌ teꞌsachekꞌ ruheb, teꞌsukꞌi̱k riqꞌuin li nimajcual Dios.

Lamentaciones 4:22

Anakcuan la̱ex li cuanquex Sión, oc e̱re chi hila̱nc riqꞌuin li raylal yo̱quex chixcꞌulbal. Li Ka̱cuaꞌ incꞌaꞌ chic texcanab chi cꞌamecꞌ saꞌ jalan tenamit. Abanan, la̱ex aj Edom, texqꞌuehekꞌ chixtojbal rix le̱ ma̱c. Ut ta̱cꞌutu̱nk chiruheb chixjunileb le̱ ma̱usilal.

Sofonías 3:12

Li joꞌ qꞌuialeb li cha̱bil xnaꞌlebeb ut li tu̱laneb saꞌ li tenamit, aꞌaneb li teꞌcana̱k. Ut cauhakeb xchꞌo̱l cuiqꞌuin.