Jeremías 50:13 - Li Santil hu

¹³ Xban nak yo̱ injoskꞌil saꞌ xbe̱neb ma̱ ani ta̱cana̱k Babilonia. Ta̱canaba̱k chi juqꞌuinbil chixjunil ut chixjunileb li teꞌnumekꞌ aran teꞌsach xchꞌo̱leb chirilbal ut teꞌxhob xban li raylal xcꞌul.

Q'eqchi Bible

¹³ Xb'aan linjosq'il xinkanab' chi nakirirnak ut maajun chik xpoyanamil. Chixjunil li taanume'q aran Babilonia taasachq xch'ool ut taase'eq chi rilb'al li rahilal xk'ulum.

Jeremías 50:13 ပူးပေါင်းရင်းမြစ်များ

Jeremías 18:16

Joꞌcan nak lix naꞌajeb ta̱cana̱k joꞌ chaki chꞌochꞌ. Junelic ta̱hobekꞌ. Chixjunileb li tenamit li teꞌnumekꞌ aran teꞌxsach xchꞌo̱leb chirilbal ut teꞌrecꞌasi lix jolomeb.

Jeremías 49:17

Xucuajel chic rilbaleb laj Edom teꞌcana̱k. Chixjunileb li teꞌnumekꞌ aran teꞌsach xchꞌo̱leb ut teꞌxhob xban li cꞌaꞌru teꞌxcꞌul.

Zacarías 1:15

Yo̱ caꞌchꞌin injoskꞌil saꞌ xbe̱neb lin tenamit. Abanan kꞌaxal cuiꞌchic yo̱ injoskꞌil saꞌ xbe̱neb li tenamit li incꞌaꞌ nequeꞌpa̱ban ut cꞌojcꞌo̱queb xchꞌo̱l xjuneseb xban nak kꞌaxal cuiꞌchic ra xeꞌxba̱nu reheb lin tenamit, chan.

Sofonías 2:15

Joꞌcaꞌin xeꞌxcꞌul li tenamit li kꞌaxal sa saꞌ xchꞌo̱leb nak queꞌcuan ut nequeꞌxcacuubresi ribeb xjuneseb rib. Queꞌxye saꞌ xchꞌo̱leb: —La̱o nim kacuanquil. Ma̱ ani chic cuan xcuanquil chiku la̱o, chanqueb. Ilomak chanru nak xeꞌosoꞌ ut lix naꞌajeb xcana chokꞌ xnaꞌajeb li joskꞌ aj xul. Chixjunileb li teꞌnumekꞌ aran, teꞌxseꞌe ut teꞌrecꞌasi lix jolomeb nak teꞌril cꞌaꞌru queꞌxcꞌul li tenamit aꞌan.

Jeremías 51:37

Juqꞌuinbilak lix tenamiteb ut tu̱btu̱k aj chic. Ta̱cana̱k chokꞌ xnaꞌaj laj xoj. Incꞌaꞌ ta̱cua̱nk cristian aran. Hobilak ut xucuajelak rilbal.

Jeremías 25:12

Abanan nak acak xnumeꞌ li laje̱b xca̱cꞌa̱l chihab, la̱in tinqꞌue lix reyeb laj Babilonia chixtojbal lix ma̱c, joꞌ eb ajcuiꞌ li tenamit. La̱in tincanab lix naꞌajeb chi ma̱cꞌaꞌ cuan chi saꞌ chi junelic, chan li Dios.

Jeremías 19:8

La̱in tinsach ru li naꞌajej aꞌin. Xiu xiu rilbal tincanab. Li ani teꞌnumekꞌ aran teꞌxsach xchꞌo̱l ut teꞌxhob xban nak poꞌinbil ta̱cana̱k.

Li xHu LAJ JOB 27:23

Ut eb li cristian teꞌxpokꞌpokꞌi li rukꞌeb chirilbal nak ta̱sachekꞌ ruheb li incꞌaꞌ useb xnaꞌleb. Ut yo̱keb chixxuxbanquil.

Deuteronomio 29:22

Eb le̱ ralal e̱cꞌajol li teꞌcua̱nk mokon ut eb li jalan xtenamiteb li teꞌcha̱lk chi najt teꞌril li raylal li te̱cꞌul nak li Ka̱cuaꞌ tixsach ru le̱ naꞌaj.

Jeremías 34:22

La̱in tintaklaheb cuiꞌchic laj Babilonia saꞌ li tenamit aꞌin chi pletic e̱riqꞌuin. Teꞌnumta̱k saꞌ e̱be̱n ut teꞌxcꞌat li tenamit. La̱in tinsach ruheb li tenamit li cuanqueb Judá re nak ma̱ ani chic ta̱ru̱k ta̱cua̱nk aran, chan li Dios.

Jeremías 50:3

Jun li nimla tenamit ta̱cha̱lk chak saꞌ li norte chi pletic riqꞌuineb laj Babilonia ut tixsach ruheb. Ma̱cꞌaꞌ chic ta̱cua̱nk aran, chi moco cristian, chi moco xul.”

Jeremías 51:26

Lix pecul le̱ tenamit la̱ex aj Babilonia incꞌaꞌ chic ta̱cꞌanjelak chokꞌ xxuc junak cab, chi moco ta̱cꞌanjelak re xqꞌuebal chokꞌ cimiento. Le̱ tenamit junelic chanchanak chic li chaki chꞌochꞌ ma̱cꞌaꞌ chic cuan chi saꞌ, chan li Ka̱cuaꞌ.

Jeremías 51:29

Lix tenamit laj Babilonia ta̱ecꞌa̱nk saꞌ xnaꞌaj ut ta̱rahokꞌ saꞌ xchꞌo̱l xban nak li Ka̱cuaꞌ oc re chixba̱nunquil li cꞌaꞌru quixye nak tixba̱nu reheb laj Babilonia. Tixsukꞌisi chaki chꞌochꞌ ut ma̱cꞌaꞌak chic cua̱nk aran.

Jeremías 51:62

Ut ta̱ye, “At Ka̱cuaꞌ, la̱at caye nak ta̱sach ru li naꞌajej aꞌin. Ma̱cꞌaꞌ chic cristian ta̱cana̱k saꞌ li naꞌajej aꞌin, chi moco eb li xul. Ta̱cana̱k chokꞌ chaki chꞌochꞌ chi junaj cua.”

Ezequiel 27:36

Eb laj yaconel li cua̱nkeb saꞌ li xni̱nkal ru tenamit teꞌsachk xchꞌo̱l ut teꞌxucuak chirilbal li cꞌaꞌru xeꞌxcꞌul. Ta̱sachekꞌ e̱ru ut incꞌaꞌ chic texcua̱nk.—