Jeremías 50:1 - Li Santil hu

¹ Aꞌan aꞌin li quixye li Ka̱cuaꞌ re li profeta Jeremías chirix li naꞌajej Babilonia joꞌ eb ajcuiꞌ li cuanqueb aran.

Q'eqchi Bible

¹ A'aneb' a'in li aatin kixye li Qaawa' re laj Jeremías chirix li rahilal tixk'ul Babilonia, xtenamiteb' laj Kaldeha:

Jeremías 50:1 ပူးပေါင်းရင်းမြစ်များ

2 Pedro 1:21

Eb li profeta ma̱ jun cua queꞌxtakla rib xjuneseb. Eb aꞌan sicꞌbileb ru xban li Dios ut queꞌa̱tinac joꞌ quiyeheꞌ chak reheb xban li Santil Musikꞌej.

Hechos 7:4

Qui-el ut laj Abraham saꞌ li naꞌajej Caldea ut co̱ chi cua̱nc saꞌ li naꞌajej Harán. Nak ac cuan saꞌ li naꞌajej aꞌan quicam lix yucuaꞌ. Ut chirix aꞌan li Dios quixtakla chi cua̱nc saꞌ li naꞌajej li cuanquex cuiꞌ la̱ex anakcuan.

Jeremías 27:7

Chixjunileb li tenamit saꞌ ruchichꞌochꞌ teꞌcꞌanjelak chiru aꞌan. Ut teꞌcꞌanjelak chiru li ralal joꞌ ajcuiꞌ chiru li ri toj ta̱cuulak xkꞌehil nak ta̱chapekꞌ lix tenamiteb aꞌan xbaneb li xni̱nkal ru tenamit ut eb lix rey. Ut eb aꞌan chic teꞌcana̱k rubel xcuanquil eb li ni̱nkeb xcuanquil.

Isaías 23:13

Qꞌuehomak retal li cꞌaꞌru queꞌxba̱nu eb laj Babilonia. Quilajeꞌxpoꞌi li tenamit Tiro. Eb laj Asiria queꞌxyi̱b li naꞌajej chokꞌ reheb li nequeꞌcuan saꞌ li chaki chꞌochꞌ. Queꞌxyi̱beb li cab re xcolbaleb rib ut queꞌxyi̱b li palacio. Abanan anakcuan ma̱cꞌaꞌ na-oc cuiꞌ li tenamit xban nak xpoꞌeꞌ chixjunil.

Isaías 14:4

Saꞌ eb li cutan aꞌan la̱ex te̱seꞌe lix reyeb laj Babilonia ut te̱ye: —Qꞌuehomak retal chanru nak qui-isi̱c xcuanquil li quirahobtesin ke. Qꞌuehomak retal chanru nak quisacheꞌ xlokꞌal li tenamit li cꞌajoꞌ xchꞌinaꞌusal nak quicuan.

Li xHu LAJ JOB 1:17

Toj yo̱ ajcuiꞌ chi a̱tinac li cui̱nk aꞌan nak quicuulac jun chic li mo̱s. Quixye re laj Job: —Xeꞌcuulac oxib chꞌu̱tal laj Caldea chi ma̱cꞌaꞌ saꞌ kachꞌo̱l. Xeꞌrelkꞌaheb la̱ camello ut xeꞌxcamsiheb chi chꞌi̱chꞌ la̱ mo̱s. La̱in xinchal chixyebal resil a̱cue xban nak caꞌaj chic la̱in xincoleꞌ, chan.

2 Samuel 23:2

“Lix musikꞌ li Ka̱cuaꞌ Dios naa̱tinac cuiqꞌuin. Joꞌcan nak ninye li ra̱tin.

Génesis 11:31

Laj Taré qui-el saꞌ li naꞌajej Ur, lix tenamiteb laj Caldea. Cuan saꞌ xchꞌo̱l nak ta̱xic saꞌ li tenamit Canaán. Quixcꞌam chirix laj Abram li ralal. Ut quixcꞌam ajcuiꞌ chirix laj Lot li ri. Laj Lot, aꞌan ralal laj Harán. Ut quixcꞌam ajcuiꞌ lix Sarai li ralib. Lix Sarai, aꞌan li rixakil laj Abram. Yo̱queb chi xic saꞌ li be li naxic Canaán nak queꞌxtau jun li tenamit Harán xcꞌabaꞌ. Ut coxeꞌcana̱k saꞌ li tenamit aꞌan.

Génesis 10:10

Laj Nimrod quicuan xcuanquil saꞌ xbe̱neb li tenamit Babel, Erec, Acad ut Calne. Eb li tenamit aꞌan cuanqueb xcue̱nt Sinar.

Apocalipsis 14:8

Jun chic li ángel yo̱ chi ta̱ke̱nc re ut yo̱ chixyebal: —Ac xsacheꞌ xcuanquil li nimla tenamit Babilonia. Ac xsacheꞌ ru li tenamit. Aꞌan li quicꞌamoc xbeheb chixjunileb li tenamit chi ma̱cobc. Chanchan nak quixcaltesiheb nak quixqꞌueheb chixba̱nunquil li ma̱usilal, chan.

Génesis 11:9

Xban nak li Dios quixjal li ra̱tinoba̱leb, queꞌxqꞌue chokꞌ xcꞌabaꞌ li naꞌajej aꞌan Babel. Ut li Ka̱cuaꞌ Dios quixjeqꞌuiheb chixjunil li cristian yalak bar saꞌ ruchichꞌochꞌ.

2 Reyes 17:24

Lix reyeb laj Asiria quixcꞌameb laj Babilonia aran Israel. Quixcꞌameb laj Cuta, eb laj Ava ut eb laj Hamat, joꞌ eb ajcuiꞌ laj Sefarvaim. Quixqꞌueheb chi cua̱nc saꞌ eb li tenamit li cuanqueb saꞌ xcue̱nt Samaria saꞌ lix naꞌajeb laj Israel.

Jeremías 25:12

Abanan nak acak xnumeꞌ li laje̱b xca̱cꞌa̱l chihab, la̱in tinqꞌue lix reyeb laj Babilonia chixtojbal lix ma̱c, joꞌ eb ajcuiꞌ li tenamit. La̱in tincanab lix naꞌajeb chi ma̱cꞌaꞌ cuan chi saꞌ chi junelic, chan li Dios.

Daniel 1:1

Yo̱ rox chihab roquic laj Joacim chokꞌ xreyeb laj Judá nak quicuulac Jerusalén laj Nabucodonosor lix reyeb laj Babilonia chi pletic riqꞌuineb.