Jeremías 5:8 - Li Santil hu

⁸ Chanchaneb li cacua̱y li yo̱queb ru ut yo̱queb chixjapbal reheb. Teꞌraj ru xic chixchapbal rixakileb li ras ri̱tzꞌin.

Q'eqchi Bible

⁸ Chanchaneb' laj k'ol kawaay ninqeb' xtib'el: li junjunq nakaano'k ru re xchapb'al li rixaqil li ras riitz'in.

Jeremías 5:8 ပူးပေါင်းရင်းမြစ်များ

Jeremías 13:27

La̱in xinqꞌue retal li ma̱usilal nequeba̱nu. La̱in xcuil nak nequelokꞌoniheb li jalanil dios saꞌ eb li tzu̱l ut saꞌ eb li ru takꞌa. Chanchanex li nequeꞌxmux ru xsumlajiqueb. Ta̱cha̱lk li raylal saꞌ e̱be̱n la̱ex li cuanquex Jerusalén. La̱ex incꞌaꞌ nequecanab xba̱nunquil li ma̱usilal. ¿Joꞌ najtil chic texcua̱nk saꞌ li ma̱usilal? chan li Dios.

Ezequiel 22:11

Cuanqueb li cui̱nk nequeꞌxmakꞌ rixakil li ras ri̱tzꞌin. Ut cuanqueb li cui̱nk nequeꞌxchꞌic rib riqꞌuineb li ralib. Ut cuanqueb ajcuiꞌ li nequeꞌxchꞌic rib riqꞌuin lix rabin li xcab xyucuaꞌ.

Jeremías 29:23

Cꞌajoꞌ li ma̱usilal queꞌxba̱nu aran Israel. Queꞌxmux ru lix sumlajiqueb nak queꞌxchꞌic ribeb riqꞌuineb li rixakileb li ras ri̱tzꞌin. Xeꞌxye ticꞌtiꞌ saꞌ incꞌabaꞌ. Ma̱cuaꞌ la̱in xintaklan reheb. La̱in ninnau nak incꞌaꞌ us yo̱queb. Incꞌaꞌ us lix naꞌlebeb, chan li Ka̱cuaꞌ.

Li xHu LAJ JOB 31:9

Cui la̱in xincanab cuib chixbalakꞌi junak ixk, ut cui la̱in yo̱quin chixcꞌacꞌalenquil rixakil junak li cuech cablal re nak tinba̱nu ma̱usilal re,

Deuteronomio 5:21

Me̱ra ru rixakil le̱ ras e̱ri̱tzꞌin, chi moco li rochoch, chi moco lix chꞌochꞌ, chi moco lix mo̱s cui̱nk, chi moco lix mo̱s ixk. Me̱ra ru lix bo̱yx chi moco lix bu̱r. Ma̱cꞌaꞌ cꞌaꞌak chic re ru, re le̱ ras e̱ri̱tzꞌin te̱ra ru”, chan li Ka̱cuaꞌ.

Deuteronomio 5:18

Mexmuxuc caxa̱r.

Éxodo 20:17

Me̱ra ru rochoch le̱ ras e̱ri̱tzꞌin. Me̱ra ru rixakil le̱ ras e̱ri̱tzꞌin chi moco lix mo̱s cui̱nk, chi moco lix mo̱s ixk. Me̱ra ru lix bo̱yx chi moco lix xul nai̱kan. Ma̱cꞌaꞌ cꞌaꞌ chic re ru re le̱ ras e̱ri̱tzꞌin te̱ra ru.

Éxodo 20:14

Mexmuxuc caxa̱r.

Génesis 39:9

Ma̱ ani chic nim xcuanquil chicuu la̱in saꞌ li cab aꞌin. Chixjunil li cꞌaꞌru cuan re xkꞌaxtesi saꞌ cuukꞌ. Caꞌaj cuiꞌ la̱at incꞌaꞌ xatxkꞌaxtesi saꞌ cuukꞌ xban nak la̱at li rixakil. ¿Chanru nak tin-oc chixchꞌicbal cuib a̱cuiqꞌuin? Ma̱ jokꞌe tinba̱nu chi joꞌcan. Aꞌan nimla ma̱c chiru li Ka̱cuaꞌ Dios, chan laj José.

Jeremías 9:2

Cui cuan ta inmuheba̱l saꞌ li chaki chꞌochꞌ bar ta̱ru̱k tincua̱nk cuiꞌ, tine̱lk raj saꞌ xya̱nkeb lin tenamit xban nak moco cha̱bileb ta. Chixjunileb nequeꞌbalakꞌic ut nequeꞌxlokꞌoni li jalanil dios, chan laj Jeremías.

Jeremías 50:11

Li Ka̱cuaꞌ quixye: —La̱ex aj Babilonia, la̱ex xerecꞌa xsahil nak xexnumta saꞌ xbe̱neb lin tenamit ut xemakꞌ chiruheb li cꞌaꞌru reheb ut sa saꞌ e̱chꞌo̱l. Chanchanex li cuacax li napiscꞌoc saꞌ pachꞌayaꞌ, malaj ut chanchanex li cacua̱y li naxjap re xban xsahil xchꞌo̱l.

Proverbios 6:29

Joꞌcan ajcuiꞌ li cui̱nk li tixchꞌic rib riqꞌuin rixakil li ras ri̱tzꞌin. Ac chꞌolchꞌo nak tixtoj xma̱c.

Jeremías 23:10

Saꞌ li naꞌajej aꞌin nabaleb li nequeꞌxmux ru xsumlajiqueb. Eb li tenamit yalyo̱queb xkꞌe chixba̱nunquil li ma̱usilal. Xban nak li cuanqueb saꞌ xcuanquil nequeꞌxba̱nu li cꞌaꞌru nequeꞌraj xjuneseb, joꞌcan nak li Ka̱cuaꞌ quixtzꞌekta̱na li chꞌochꞌ. Chaki chic li chꞌochꞌ ut chaki chic li pachꞌayaꞌ.