Jeremías 5:6 - Li Santil hu

⁶ Joꞌcan nak eb laj Jerusalén teꞌxcꞌul li raylal xbaneb li xicꞌ nequeꞌiloc reheb. Li cakcoj li cuanqueb saꞌ qꞌuicheꞌ teꞌcha̱lk chixcamsinquileb. Laj xoj li cuanqueb saꞌ li chaki chꞌochꞌ teꞌxpedasiheb. Li hix tixbeni rib saꞌ lix tenamiteb. Cui nequeꞌel saꞌ be teꞌchapekꞌ ut teꞌpedasi̱k xbaneb li hix. Joꞌcan teꞌxcꞌul xban nak xnumta lix ma̱queb. Qꞌuila sut xeꞌxtzꞌekta̱na li Ka̱cuaꞌ.

Q'eqchi Bible

⁶ Jo'kan naq te'kamsiiq xb'aaneb' li kaqkoj sa' k'iche' ut eb' laj xojb' te't'upinq reheb' sa' li chaqich'och'; sutsuuq li xtenamiteb' xb'aaneb' li hix, ut jo'k'ihaleb' li te'elq sa' li tenamit, te'putz'iiq. Xb'aan naq numtajenaq li maak xe'xb'aanu ut k'iila wa xe'xtz'eqtaana li Qaawa'.

Jeremías 5:6 ပူးပေါင်းရင်းမြစ်များ

Sofonías 3:3

Eb laj cꞌamol be saꞌ li tenamit chanchaneb li joskꞌ aj cakcoj li teꞌtzꞌoca̱k. Ut eb li nequeꞌrakoc a̱tin saꞌ xbe̱neb li tenamit, chanchaneb laj xoj li nequeꞌbe̱c chi kꞌek chixsicꞌbal li cꞌaꞌru teꞌxtiu ut nak nequeꞌxtau, nequeꞌxchoy chi junaj cua. Chi moco li bak nequeꞌxcanab bayak re cuulaj.

Habacuc 1:8

Kꞌaxal se̱bakeb lix cacua̱yeb chiruheb li hix. Tzꞌakalakeb aj camsinel chiru laj xoj li nequeꞌbe̱c chiru kꞌojyi̱n. Kꞌaxal cuiꞌchic teꞌta̱mk li nequeꞌxic chirix cacua̱y chi camsi̱nc. Chi najt teꞌcha̱lk chak chirix cacua̱y li teꞌcha̱lk chi pletic. Nak teꞌxic saꞌ a̱nil chi pletic, chanchanakeb li cꞌuch nak naxic chi junpa̱t chixchapbal lix tib.

Jeremías 4:7

Yo̱ chi cha̱lc li ta̱sachok re le̱ tenamit. Chanchan jun li cakcoj ac x-el saꞌ xnaꞌaj. Laj sachonel ta̱cha̱lk chixsachbal li naꞌajej Judá. Eb li tenamit teꞌsachekꞌ ruheb ut ma̱cꞌaꞌ chic cristian ta̱cana̱k chi saꞌ.

Ezequiel 22:27

Eb li nequeꞌtaklan saꞌ li tenamit chanchaneb chic laj xoj li yo̱queb chixtꞌupbal lix tibeb. Nequeꞌxcamsiheb li ras ri̱tzꞌin xban xsicꞌbal xbiomaleb.

Apocalipsis 13:2

Li joskꞌ aj xul li quicuil, aꞌan chanchan hix. Eb li rok chanchan rok li xul oso. Ut li ruch re chanchan ruch re li cakcoj. Ut li dragón quixqꞌue lix cacuilal ut lix cꞌojariba̱l re li joskꞌ aj xul. Ut quixqꞌue ajcuiꞌ xcuanquil.

Oseas 5:14

La̱in tincꞌut lin joskꞌil chiruheb li ralal xcꞌajol laj Efraín. Chanchanakin li cakcoj nak tinrahobtesiheb. Chanchanakin li ral li cakcoj nak tinrahobtesiheb li ralal xcꞌajol laj Judá. Joꞌ nak naxchap lix tib li cakcoj, joꞌcan ajcuiꞌ tinba̱nu la̱in riqꞌuineb. La̱in tinqꞌueheb saꞌ raylal ut tincanabeb xjuneseb ut ma̱ ani ta̱ru̱k ta̱colok reheb saꞌ cuukꞌ.

Daniel 7:6

Ut chirix aꞌan quicuil jun chic li xul chanchan jun li hix, abanan chirix cuan ca̱hib li xicꞌ. Chanchan laj xicꞌanel xul. Ut cuan ca̱hib lix jolom. Ut quiqꞌueheꞌ lix cuanquilal re, nak quicuil.

Daniel 7:4

Li xbe̱n chanchan jun li cakcoj ut cuan xxicꞌ chanchan xxicꞌ li cꞌuch. Ut yo̱quin chirilbal nak qui-isi̱c lix xicꞌ. Ut li xul quixakaba̱c saꞌ li chꞌochꞌ. Chanchan jun li cui̱nk xakxo. Ut quiqꞌueheꞌ xnaꞌleb joꞌ xnaꞌleb cui̱nk.

Ezequiel 23:19

Abanan kꞌaxal cuiꞌchic yibru quixba̱nu lix Aholiba nak quinak saꞌ xchꞌo̱l nak quixcꞌayi chak rib saꞌ xsa̱jilal aran Egipto.

Ezequiel 16:25

Cayi̱beb li naꞌajej li najt xteram saꞌ eb li xa̱la be. Xban xba̱nunquil li kꞌaxal yibru la̱at catzꞌek la̱ chꞌinaꞌusal. Cayechiꞌi a̱cuib reheb li joꞌ qꞌuial li queꞌnumeꞌ cuancat cuiꞌ.

Lamentaciones 1:5

Eb li xicꞌ nequeꞌiloc reheb, aꞌaneb chic li nequeꞌtaklan saꞌ xbe̱neb. Eb li xicꞌ nequeꞌiloc reheb us nequeꞌel riqꞌuin li cꞌaꞌru nequeꞌxba̱nu. Li Ka̱cuaꞌ quixqꞌueheb li ralal xcꞌajol laj Judá chixtojbal rix lix ma̱queb. Eb li ralal xcꞌajol queꞌchapeꞌ ut queꞌcꞌameꞌ chi najt xbaneb li xicꞌ nequeꞌiloc reheb.

Jeremías 49:19

La̱in tincuisiheb laj Edom saꞌ lix naꞌajeb chi junpa̱t. Chanchanakin jun li cakcoj li na-el saꞌ li qꞌuicheꞌ chire li nimaꞌ Jordán chixsicꞌbal xtzacae̱mk. La̱in tinsicꞌ ru junak ut aꞌan tinqꞌue chi cꞌanjelac saꞌ li naꞌajej aꞌan. ¿Ma ma̱cuaꞌ ta biꞌ la̱in ya̱l cue? ¿Ma cuan ta biꞌ junak ta̱numta̱k chicuu la̱in? ¿Ma cuan ta biꞌ junak ta̱ru̱k tixxakab rib chicuu? chan li Dios.

Jeremías 30:24

Lix joskꞌil li Dios incꞌaꞌ ta̱numekꞌ toj retal tixba̱nu chixjunil li naraj xba̱nunquil. Saꞌ eb li cutan teꞌcha̱lk te̱tau ru li naꞌleb aꞌin.

Jeremías 30:14

Xextzꞌekta̱na̱c xbaneb li tenamit li xeꞌoquen che̱rix. Incꞌaꞌ chic nequexcꞌoxlaheb. Xban le̱ ma̱usilal ut xban ajcuiꞌ nak numtajenak li ma̱c xeba̱nu, la̱in xexinqꞌue saꞌ raylal joꞌ nequeꞌxba̱nu li xicꞌ nequeꞌiloc e̱re.

Jeremías 25:38

Li Ka̱cuaꞌ tixcꞌutbesi lix joskꞌil joꞌ jun li cakcoj li na-el chak chixsicꞌbal lix tib. Lix naꞌajeb li tenamit ta̱sachekꞌ ru xbaneb li xicꞌ nequeꞌiloc reheb, xban nak yo̱ xjoskꞌil li Ka̱cuaꞌ saꞌ xbe̱neb.

Jeremías 14:7

Eb li tenamit nequeꞌxye: —Usta ya̱l nak cuan kama̱c ut aꞌan li najitoc ke, abanan choa̱tenkꞌa, at Ka̱cuaꞌ, saꞌ xcꞌabaꞌ la̱ rahom. Nabal sut xatkatzꞌekta̱na ut xoma̱cob cha̱cuu.

Jeremías 2:19

Xebok raylal saꞌ e̱be̱n xban li ma̱usilal queba̱nu. Li incꞌaꞌ us li queba̱nu texqꞌue chixtojbal le̱ ma̱c. Anakcuan te̱qꞌue retal li raylal quebok saꞌ e̱be̱n nak quine̱tzꞌekta̱na, ut quecanab xxucuanquil cuu, la̱in li Ka̱cuaꞌ le̱ Dios, chan li Ka̱cuaꞌ li nimajcual Dios.

Jeremías 2:17

La̱in li Ka̱cuaꞌ le̱ Dios li quincꞌamoc chak be che̱ru. ¿Ma ma̱cuaꞌ ta biꞌ xban nak quine̱tzꞌekta̱na nak yo̱quex chixcꞌulbal li raylal aꞌin?

Jeremías 2:15

Chanchan nak nequeꞌxjap re li cakcoj xban xjoskꞌileb nak queꞌchal li jalan tenamit chixrahobtesinquileb laj Israel. Queꞌxsach ru li racui̱mkeb ut queꞌxcꞌat lix tenamiteb. Quicana chi ma̱cꞌaꞌ cuan chi saꞌ.

Isaías 59:12

Incꞌaꞌ nocoxtenkꞌa xban nak kꞌaxal xnumta li kama̱usilal chiru li Ka̱cuaꞌ. Li ma̱usilal xkaba̱nu naxcꞌut nak cuan kama̱c. Incꞌaꞌ us xkaba̱nu. Nakanau nak cuan kama̱c.

Salmos 104:20

La̱at caqꞌue li kꞌojyi̱n ut eb li xul li cuanqueb saꞌ qꞌuicheꞌ nequeꞌel chi be̱c chiru li kꞌojyi̱n.

Esdras 10:10

Qui-oc chi a̱tinac laj Esdras laj tij ut quixye reheb: —La̱ex xexma̱cob xban nak xecꞌam chokꞌ e̱rixakil li ixk jalan xtenamiteb. Joꞌcan nak xnumta le̱ ma̱c la̱ex aj Israel.

Esdras 9:6

Ut quinye: —At Ka̱cuaꞌ, at inDios, sachso innaꞌleb ut ninxuta̱nac chixtaksinquil li cuiloba̱l cha̱cuu xban nak kꞌaxal numtajenak li kama̱usilal. At Ka̱cuaꞌ, xban nak kꞌaxal nabal li kama̱c chanchan nak ac xcuulac toj saꞌ choxa.

Números 32:14

Ut anakcuan la̱ex li ralal xcꞌajolex li queꞌxba̱nu li incꞌaꞌ us, te̱raj cuiꞌchic xqꞌuebal xjoskꞌil li Dios saꞌ kabe̱n la̱o aj Israel.

Salmos 80:13

Chanchaneb li qꞌuicheꞌ a̱k li cuan saꞌ qꞌuicheꞌ nak queꞌchal saꞌ kabe̱n chixba̱nunquil raylal ke li xicꞌ nequeꞌiloc ke. Chanchaneb li joskꞌ aj xul nak queꞌchal chikasachbal.

Jeremías 8:5

¿Cꞌaꞌut nak eb laj Jerusalén queꞌxjal xcꞌaꞌux? ¿Cꞌaꞌut nak incꞌaꞌ nequeꞌsukꞌi cuiqꞌuin? ¿Cꞌaꞌut nak nequeꞌxkꞌetkꞌeti ribeb ut incꞌaꞌ nequeꞌraj cha̱lc cuiqꞌuin?

Jeremías 30:15

¿Cꞌaꞌut nak nequejap e̱re xban li raylal li yo̱quex chixcꞌulbal? Ma̱cꞌaꞌ xbanol le̱ raylal. Xexinqꞌue chixcꞌulbal li raylal aꞌin xban nak numtajenak li ma̱c xeba̱nu. Kꞌaxal numtajenak le̱ ma̱usilal.

2 Crónicas 36:14

Eb li xbe̱nil aj tij queꞌxba̱nu li ma̱usilal. Ut eb li tenamit numtajenak li ma̱usilal queꞌxba̱nu. Kꞌaxal yibru queꞌxba̱nu joꞌ queꞌxba̱nu li jalanil tenamit. Ut riqꞌuin aꞌan queꞌxmux ru lix templo li Ka̱cuaꞌ, li ac santobresinbil xban aran Jerusalén.

Li xHu LAJ JOB 10:16

Cui ninnimobresi cuib, la̱at ac yo̱cat chixqꞌuebal cuetal re insachbal. Chanchanat li cakcoj. Nacaba̱nu li sachba chꞌo̱lej yal re insachbal.

Isaías 1:23

Eb li nequeꞌcꞌamoc be che̱ru aj kꞌetoleb a̱tin ut nequeꞌxjunaji rib riqꞌuineb laj e̱lkꞌ. Nequeꞌxra ru li tumin ut nequeꞌxqꞌue rib chi tumina̱c. Incꞌaꞌ nequeꞌxba̱nu usilal reheb li ma̱cꞌaꞌeb xnaꞌ xyucuaꞌ chi moco nequeꞌxtenkꞌaheb li xma̱lcaꞌan.

Jeremías 2:31

La̱ex aj Israel, ¿cꞌaꞌut nak incꞌaꞌ nequerabi li cꞌaꞌru ninye e̱re? ¿Ma la̱in ta biꞌ joꞌ jun li naꞌajej chaki che̱ru? ¿Ma la̱in joꞌ jun li kꞌojyi̱n nak nequecꞌoxla? ¿Ma ma̱cꞌaꞌ nin-oc cuiꞌ che̱ru? ¿Cꞌaꞌut nak nequeye nak te̱ba̱nu li cꞌaꞌru nequeraj? ¿Cꞌaꞌut nak nequeye nak incꞌaꞌ chic texsukꞌi̱k cuiqꞌuin?

Jeremías 8:7

Eb li jotz nequeꞌxnau jokꞌe teꞌsukꞌi̱k saꞌ xnaꞌajeb, joꞌ eb ajcuiꞌ li cuilix ut li mucuy ut li cꞌo̱cꞌob. Abanan eb lin tenamit incꞌaꞌ nequeꞌraj xqꞌuebal retal lin chakꞌrab.