Jeremías 5:4 - Li Santil hu

⁴ La̱in quinye nak aꞌaneb li nebaꞌ li incꞌaꞌ queꞌxtzol ribeb. Incꞌaꞌ nequeꞌxtau ru li cꞌaꞌru naraj li Dios, chi moco nequeꞌxnau nak tento teꞌxba̱nu li cꞌaꞌru quixye.

Q'eqchi Bible

⁴ Toja' naq xinye: “Relik chi yaal naq maak'a' neke'xnaw li ink'a' tzolb'ileb': ink'a' neke'xtaw ru li rajom li Qaawa' chi moko li xchaq'rab' li xYoseb'.

Jeremías 5:4 ပူးပေါင်းရင်းမြစ်များ

Oseas 4:6

Teꞌsachekꞌ lin tenamit saꞌ e̱ma̱c la̱ex xban nak incꞌaꞌ xecꞌut lix ya̱lal chiruheb. Xban nak la̱ex xetzꞌekta̱na lin chakꞌrab li xinqꞌue e̱re, joꞌcan ajcuiꞌ nak texintzꞌekta̱na la̱in ut texcuisi saꞌ le̱ cꞌanjel. Incꞌaꞌ chic teꞌcꞌanjelak chokꞌ aj tij le̱ ralal e̱cꞌajol.

Jeremías 8:7

Eb li jotz nequeꞌxnau jokꞌe teꞌsukꞌi̱k saꞌ xnaꞌajeb, joꞌ eb ajcuiꞌ li cuilix ut li mucuy ut li cꞌo̱cꞌob. Abanan eb lin tenamit incꞌaꞌ nequeꞌraj xqꞌuebal retal lin chakꞌrab.

San Mateo 11:5

Yehomak re nak eb li mutzꞌ nequeꞌiloc chic; eb li ye̱k rok nequeꞌbe̱c chic; eb li saklep rix xeꞌqꞌuirtesi̱c; eb li tzꞌap xic nequeꞌabin chic; eb li camenak nequeꞌcuaclesi̱c cuiꞌchic chi yoꞌyo; ut eb li nebaꞌ yo̱queb chirabinquil resil li usilal, chaꞌkex re.

Isaías 27:11

Eb li rukꞌ li cheꞌ queꞌchakic ut queꞌtokeꞌ. Ut eb li ixk nequeꞌxsicꞌ chokꞌ xsiꞌeb. Eb li tenamit incꞌaꞌ nequeꞌxtau xya̱lal. Joꞌcan nak li Ka̱cuaꞌ, li quiyoꞌobtesin reheb incꞌaꞌ quiril xtokꞌoba̱l ruheb. Incꞌaꞌ quiruxta̱naheb ru.

Jeremías 7:8

Cheqꞌue retal li yo̱quex chixba̱nunquil. La̱ex nequecꞌojob e̱chꞌo̱l saꞌ xbe̱n li ticꞌtiꞌ, li ma̱cꞌaꞌ na-oc cuiꞌ.

Jeremías 4:22

Li Ka̱cuaꞌ quixye: —Ma̱cꞌaꞌeb xnaꞌleb lin tenamit. Incꞌaꞌ nequeꞌxnau cuu. Chanchaneb li cocꞌal li ma̱cꞌaꞌeb xnaꞌleb. Chanchaneb li cocꞌal li incꞌaꞌ nequeꞌxtau xya̱lal. Cuanqueb xnaꞌleb chixba̱nunquil li ma̱usilal, abanan incꞌaꞌ nequeꞌraj xba̱nunquil li us, chan.

Jeremías 9:3

Li Ka̱cuaꞌ quixye: —Junelic se̱beb xchꞌo̱l chi ticꞌtiꞌic lin tenamit. Chanchaneb li nequeꞌcutuc riqꞌuin tzimaj. Nequeꞌxqꞌue xcuanquil li ticꞌtiꞌ ut incꞌaꞌ nequeꞌxqꞌue xcuanquil li ya̱l. Numtajenak li ma̱usilal nequeꞌxba̱nu ut incꞌaꞌ nequeꞌraj xqꞌuebal inlokꞌal, la̱in li Ka̱cuaꞌ.

Jeremías 10:8

Eb li nequeꞌlokꞌonin re li dios cheꞌ to̱nteb ut ma̱cꞌaꞌ nequeꞌoc cuiꞌ xban nak nequeꞌxpatzꞌ xnaꞌleb riqꞌuineb li yi̱banbil dios.

Isaías 29:12

Ut cui ta te̱ye re junak incꞌaꞌ naxnau iloc ru hu: “Il xsaꞌ li hu aꞌin”, aꞌan tixye e̱re: “La̱in incꞌaꞌ ninnau iloc ru hu”, chaꞌak.