Jeremías 5:28 - Li Santil hu

²⁸ Ni̱nkeb xtibel xban nak sa nequeꞌtzacan. Kꞌaxal cuiꞌchic numtajenak li ma̱usilal nequeꞌxba̱nu. Incꞌaꞌ nequeꞌrakoc a̱tin saꞌ ti̱quilal saꞌ xbe̱neb li ma̱cꞌaꞌ xnaꞌ xyucuaꞌeb, chi moco nequeꞌoquen chirixeb li nebaꞌ.

Q'eqchi Bible

²⁸ ninqeb' li xtib'eleb' ut kaweb' rib'. K'ajo' naq xe'numtaak chi b'aanunk maa'usilal: ink'a' neke'xkol rix li neb'a'yox sa' li raqb'a aatin chi moko neke'xk'e li xk'ulub' li neb'a'.

Jeremías 5:28 ပူးပေါင်းရင်းမြစ်များ

Zacarías 7:10

Me̱rahobtesiheb li xma̱lcaꞌan chi moco li ma̱cꞌaꞌ xnaꞌ xyucuaꞌ. Me̱ba̱nu raylal re li jalaneb xtenamit chi moco reheb li nebaꞌ. Chi moco te̱cꞌoxla xba̱nunquil raylal reheb le̱ ras e̱ri̱tzꞌin, chan li Dios.

Isaías 1:23

Eb li nequeꞌcꞌamoc be che̱ru aj kꞌetoleb a̱tin ut nequeꞌxjunaji rib riqꞌuineb laj e̱lkꞌ. Nequeꞌxra ru li tumin ut nequeꞌxqꞌue rib chi tumina̱c. Incꞌaꞌ nequeꞌxba̱nu usilal reheb li ma̱cꞌaꞌeb xnaꞌ xyucuaꞌ chi moco nequeꞌxtenkꞌaheb li xma̱lcaꞌan.

Deuteronomio 32:15

Eb laj Jesurún queꞌni̱nkan ut queꞌxkꞌetkꞌeti ribeb. Nalemtzꞌun nequeꞌiloc xban xni̱nkaleb. Ut queꞌxtzꞌekta̱na li Ka̱cuaꞌ li quiyi̱ban reheb. Queꞌxtzꞌekta̱na laj Colol reheb.

Salmos 73:12

Qꞌuehomak retal li incꞌaꞌ useb xnaꞌleb. Cuan nabal li cꞌaꞌru reheb. Ut kꞌaxal cuiꞌchic nabal nequeꞌxtau ut ma̱ ani nachꞌiꞌchꞌiꞌin reheb.

Jeremías 7:6

Incꞌaꞌ te̱rahobtesi li jalan xtenamiteb, chi moco li ma̱cꞌaꞌ xnaꞌ xyucuaꞌeb ut li xma̱lcaꞌan, chi moco te̱qꞌue chi camsi̱c li ma̱cꞌaꞌ xma̱queb ut incꞌaꞌ te̱bok raylal saꞌ e̱be̱n riqꞌuin nak nequelokꞌoni li yi̱banbil dios.

1 Corintios 5:1

Yalak bar x-abiman resil nak cuan li joꞌ ma̱joꞌil naꞌleb saꞌ e̱ya̱nk xban nak jun li cui̱nk quixmakꞌ rixakil lix yucuaꞌ. Cꞌajoꞌ xyibal ru li yo̱queb chixba̱nunquil saꞌ e̱ya̱nk. Eb li ma̱cuaꞌeb aj pa̱banel incꞌaꞌ nequeꞌxba̱nu chi joꞌcan. ¿Ma tojaꞌ ta chic la̱ex texba̱nu̱nk re chi joꞌcan?

Amós 4:1

Abihomak ex ixk aj Samaria. Chanchanex li cuacax aran Basán, li ni̱nkeb ut chꞌolaninbil chi us. La̱ex nequerahobtesi li ma̱cꞌaꞌeb xcuanquil ut eb li nebaꞌ. Ut nequetaklaheb le̱ be̱lom chixcꞌambal e̱vino re te̱rucꞌ.

Jeremías 12:1

Laj Jeremías quixye: —At Ka̱cuaꞌ, la̱at junelic ti̱c a̱chꞌo̱l ut incꞌaꞌ raj nacuaj xcuechꞌbal rix li cꞌaꞌru nacaba̱nu. Abanan nacuaj xpatzꞌbal a̱cue cꞌaꞌut nak nacꞌulman chi joꞌcaꞌin. ¿Cꞌaꞌut nak us nequeꞌel li nequeꞌxba̱nu li ma̱usilal? ¿Cꞌaꞌut nak junelic sa cuanqueb li incꞌaꞌ useb xnaꞌleb?

Jeremías 2:33

La̱ex kꞌaxal cuan e̱naꞌleb chixsicꞌbal li cꞌaꞌru nequera ru ut kꞌaxal cuiꞌchic nabal li ma̱usilal naru nequeꞌxtzol e̱riqꞌuin li incꞌaꞌ useb xnaꞌleb.

Salmos 119:70

Eb li cui̱nk aꞌin cauheb xchꞌo̱l. Joꞌcan nak incꞌaꞌ nequeꞌxtau xya̱lal. Abanan la̱in nasahoꞌ saꞌ inchꞌo̱l riqꞌuin la̱ chakꞌrab.

Salmos 72:4

Aꞌan ta̱rakok a̱tin saꞌ ti̱quilal saꞌ xbe̱neb li rahobtesinbileb ut tixcoleb ajcuiꞌ li ralal xcꞌajol li nebaꞌ. Abanan tixsacheb ru li nequeꞌrahobtesin reheb.

Li xHu LAJ JOB 12:6

Eb laj e̱lkꞌ junelic saheb saꞌ xchꞌo̱l saꞌ li rochocheb. Ut eb li nequeꞌxtzꞌekta̱na li Dios, ma̱cꞌaꞌ nequeꞌxcꞌul. Ut nequeꞌxcꞌoxla nak chixjunil cuan saꞌ rukꞌeb.

Jeremías 22:3

La̱in li Ka̱cuaꞌ yo̱quin chi a̱tinac a̱cuiqꞌuin. Cheba̱nuhak li us ut texcua̱nk saꞌ ti̱quilal. Checoleb li rahobtesinbileb chiruheb li nequeꞌrahobtesin reheb. Me̱balakꞌiheb ut me̱relkꞌa cꞌaꞌru reheb li jalaneb xtenamit. Ut me̱ba̱nu raylal reheb li ma̱cꞌaꞌeb xnaꞌ xyucuaꞌ, chi moco reheb li xma̱lcaꞌan. Me̱camsiheb saꞌ li naꞌajej aꞌin li ma̱cꞌaꞌeb xma̱c.

Salmos 73:4

Li incꞌaꞌ useb xnaꞌleb incꞌaꞌ nequeꞌxcꞌoxla li ca̱mc xban nak eb aꞌan cuanqueb xmetzꞌe̱u ut cauheb rib.

Proverbios 15:25

Li Ka̱cuaꞌ naxsach ru lix jun cablaleb li nequeꞌxkꞌetkꞌeti ribeb. Ut naxcol rix li cꞌaꞌru cuan reheb li xma̱lcaꞌan.